HATAHOLI 9:36 - Susula Malalaok Hehelu Palak Ma Hehelu Beuk

³⁶ Hapu inak esa nai Yope nade Tabita. Inak ia namahele Yesus. (Na'de na nai dede'a Yunani dale soona, Dorkas, fo sosoa na nae, nusa.) Ana tao ka'da tatao-nono'i malole tataas esa, ma ana tulu-fali hataholi nuu ta-hata ta kala.

HATAHOLI 9:36 ပူးပေါင်းရင်းမြစ်များ

2TAWARIKH 2:16

Neukose ami lo'o ai kaiou neme letelepak Libanon-na de'u Tuan paluu-ka boema ami pa'as da'di ofaanak, fo ami makabobonuk-kasa tunga tasi losa leo Yope leu. Tuan hapu ndolos neme naa mai leo Yerusalem neu.”

EZRA 3:7

Laun-na fe doik fo bae tuka batu ma tuka ai-la ngga'din-na. Boeo ala haitua nana'a-nininuk, ma mina zetun leo kota-kota manai Tirus ma Sidon neu, fo ala tuka neu ai kaiou Libanon neme kota-kota sila-la mai. Leni ai sila-la leo Yafo, tunga tasi lai. Nanahu Kores, fo mane Persia nde fe laun-na loak, soaneu tao basa sila-la.

AMSAL 5:19

anafe'oana mata-makeek ma makabitik sama leo nusa. Nemen-na fo aopaa malole-ma'an-na taon-na o, mamulu tataas esa moon, ma susue tou-ta'en-na taon-na o mafuk.

KIDUNG AGUNG 3:5

Hei anafe'oana yerusalem-mala lemin, maheluk leona, nenik nusa-la ma nusa susula mukuk-kala lai mook-ka, mae emi ta mapanggengge susue tou-taek, losa name'da namahokok.

KIDUNG AGUNG 8:14

Au touana susueng-ngonei, mai leon, sama leo nusa susula mukuk-ka, sama leo nusa ana nai letelepak Beter-ra.

YUNUS 1:3

Tehu Yunus neu leo eno fe'ek neu, fo dook-ka neme Manetualain mai. Neu leo Yopa neu, de ana hapu ofak esa sanga neu leo Spanyol neu. Ana asa basa susula pas boema, ana sa'e leo ofak lain neu, de neu leo Spanyol neu fo dook-ka neme Manetualain mai.

MATEOS 25:17

Leondiak boe, malalau-maoono mana sipo doi isi lilopilas lifu kadua ka, ana hapu bunak lifun dua seluk.

YOHANIS 15:5

Au nde ai huu ango la, boema emi nde ndana nala. Hataholi manada'di esa nahele no Au, ma Au o hataholi ndia, soona neukose naboa ba'u ka. Metema emi ta mo Au fa soona, emi ta hapu tao hata esa boen.

YOHANIS 15:8

Metema emi maboa ba'u ka, soona Au Ama nga nananamatutua-namadedemak, fo no enok leondia ka, te'e-te'e emi da'di Au ana manatunga ngala.

HATAHOLI 10:23

Boema Petrus nokes leo uma dale leu fo ala sungu lon le'odaek ndia. Balahaa de Petrus fo'a boema ala la'o leona. Hataholi kamahehelek de'ubee lai Yope boeo, ala tunga boe.

HATAHOLI 10:31

Touk ndia nafa'da au nae, ‘Kornalius! Manetualain namanene o huhule-haladoim so, ma nafandendelek o dale malole ma.

HATAHOLI 10:8

de ana tuis manda'dik ndia, boema nadenus leu leo Yope leu.

HATAHOLI 11:13

Basa boema Kornalius tui ami, tao leo beek de ata nusa so'dak esa neu, de napadeik neme ndia uman, boema nafa'dan nae, ‘Madenu hataholi neu leo Yope neu, fo nalo touk esa na'de Simon Petrus.

HATAHOLI 11:5

“Au hule-haladoi eme kota Yope, boema au ita ninitak esa. Au ita hata esa sama leo tema maloa biak esa kona neme lalai mai, belona nai bu'un has, basa boema nate'e neu au boboa nga.

HATAHOLI 9:38

Yope ia ta doo ka neme Lida mai fa. Da'di lelek fo hataholi mana tunga Yesus manai Yope la, lamanene Petrus nai Lida boema, ladenu hataholi dua leu lala Petrus. Ala helu duas lae, “Mai lai-lai leo Lida mai dei.”

HATAHOLI 9:42

Dorkas naso'da falik ndia, tutui na nakapepela leo basa Yope lala'ena neu, de nalosa hataholi makadotok lamahele Yesus da'dileo sila Mane Mana Fe So'da na.

EFESUS 2:10

Manetualain nde nakadada'dik ita, ma tunga Kristus Yesus de, Ana tao nasafali ita, fo daenga ita tao-no'i dede'a malole fo Ana sadia basan soaneu ita so.

FILIPI 1:11

Neukose emi so'da ma henuk no tatao-nono'ik fo te'e-te'e malole, fo hapun neme ka'da Yesus Kristus mesa kana mai; soona neukose Manetualain nandela-nasaa ma nana koa-kiok.

KOLOSE 1:10

No enok leondia ka, de besa ka emi hapu maso'da tunga Manetualain hihii-nanaun, boema tao ma dale na namahoko tataas esa, nalosa nai basa dede'ak lala'e na dalek, emi hapu mabuna-maboa tatao-nono'i malole. Boema emi boe tai malelak Manetualain.

1 TESALONIKA 4:10

Nana emi matu'du basa susue-lalaik ndia neu emi tolanoom manai Makedonia la so. Tehu tolano-tolanoo ngala lemin, ami moke manseli, fo ela emi so'da ma, ana da'di malole seluk bai.

1 TIMOTIUS 5:10

inafalu fo ana tao malole nai basa dede'ak lala'ena dale ka nde: naka boboi ana nala no malole, namahoko sipok hataholi sungu nai uman, nalalau-naoono hataholi kamahehele kala, tulu-fali hataholi mana to'a ta kala, ma ana tao tatao-nono'i malole lupa-lupa kala no te'e-te'ek.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

TITUS 2:7

Ela leo bee na, o ha'da-tatao malole ma, ana da'di natutu'duk nai basa dede'ak lala'ena dalek. Metema o manoli-mafa'da hataholi soona, muse manoli tunga ndo na, ma no te'e-te'ek.

TITUS 3:8

Dede'ak ia, memak tete'e ka la'en. Au nau o taoafik neu dede'ak ia la, fo ela hataholi fo lamahele neu Manetualai na, te'e-te'e ala sanga enok soaneu ala tao-no'i tatao-nono'i malole ma masosoa-ndandaak soaneu basa hataholi lala'ena.

IBRANI 13:21

Sa'di tao leo bee na Manetualain, fo oe mata mole-dame ndia, tao natetu-nandaa emi, ninik basa hata malole fo emi paluun soaneu tao-no'i hihii-nanaun. Sa'di leo bee na, no Yesus Kristus hehela-nonolen, de Manetualain tao-no'i nai ita dalek, hata fo nahii kana. Ela leo bee na, Kristus nanakoa-kiok losa dodoo na! Amin.

YAKOBIS 1:27

Nana tunga Amak Manetualain mata memetena soona, hataholi mana tao tunga agama hoholo-lalanen no matetu-mandaa ka nde: tulu-fali kisa ana maa kala, falu ina mana doi doso kala, ma nanea ao ina na, fo daenga ha'da-tatao daebafa ka, boso tao nalutu namahehele na.

YOSUA 19:46

Me-Yarkon, Rakon, ma nusak manai Yope titia-tatain-nala boe.