HATAHOLI 8:32 - Susula Malalaok Hehelu Palak Ma Hehelu Beuk

³² Hataholi ndia lees lalane ka nae leo ia, “Ndia sama leo ala hela lini bi'ilopo a, fo leu do'don, sama leo bi'ilopo ana fo ta nakamee, metema ala nggute bulu na, leondiak boe Ana ta kokolak dede'ak de'ek esa boen,

HATAHOLI 8:32 ပူးပေါင်းရင်းမြစ်များ

MAZMUR 39:2

Au dodo ae, “Au nau anea au aoinang-nga, fo ela au ta asala-asingo inik, au maang-nga fa. Au ta nau kokolak nai lelek, hataholi mangalauk-ka bei deka no au.”

MAZMUR 39:9

Po'i au neme basa au sala-singong-ngala mai, boso po'ilotak hataholi nggoak-ka, hakinonoli au.

YEREMIA 11:19

Au sama leo bi'i lopo-a fo ta pake dudu'a-dodok so'on, te nenin leo mamana dodo'dok-ka neu. Au ta bubuluk fa te, au nde da'di sila dudu'a-aafi mangalaun-na isin-na. Sila lafa'da lae, “Mai fo ata lo'o heni ai ia, beidai ana bei nabuna-naboa ia; Ita tao tamate-tamopon fo ela hataholi lasanggango heni na'den-na.”

YEREMIA 12:3

Ou Manetualain, tehu O malelak au. O mita beek-ka fo au tao-no'ik-ka, ma o bubuluk au dale maedaenga tao leo beek soaneu O. Tipa-soli hataholi-hataholi mangalauk sila la leo deak neu, menis sama leo bi'i lopo-a leo mamana dodo'dok-ka neu. Maneas losa fain-na losa soaneu sila nana do'dok.

YEREMIA 51:40

Neukose Au inis fo tao nisas sama leo bi'i lopo anak-ka, bi'i hiik ma bi'i lopo mane anak-ka. Au, Manetualain de manakokolak-ka.”

LUKAS 23:34

Boema Yesus hule-haladoi nae, “Ama, fe do'o do ampon neu hataholi sila la! Te ala ta bubuluk hata fo ala tao fa.” Basa boema ala tu'u batu fo ala baba'e Yeus bua papake nala.

YOHANIS 1:29

Balahaa boema, Yohanis nita Yesus mai boema nae, “Mete mitak, Manetualain Bi'ilopo Anan, fo mana kokaheni daebafa ka sala singo na, ana mai nde ndia.

HATAHOLI 8:31

Hataholi ndia nataa nae, “Neme bee mai, au hapu alela kana, metema hataholi ta nafa'da mangalele'do au, sosoa-ndandaan fa.” Boema nafa'da Felipus fo ana kae leo kaleta lain neu fo nangatuuk sama-sama non.

ROMA 8:36

Nai Susula Malalaok dale nanasulak nae leoia, “Fai katemak esa ami maso'da nai susa-soe mamate sa dalek nanahu O. Ala tao ami sama leo bi'ilopo fo sanga do'don.”

1 KORINTUS 15:3

Hata fo au anduku-alosa kana neu emi ndia, nde bee na hata fo au sipon boe. Fo nanapaluuk nanseli a, sama leo nanasulak nai Susula Malalaok dale, au anduku-alosa kana neu emi ae, hu ka nde ita sala-singon de Kristus mate;

1 PETRUS 1:19

tehu nanabaek ninik hata esa beli na seli, fo nde Kristu saoina na, fo Ana da'dileo bi'ilopo masalak ma hina-dila tak, fo nanatunu-hotuk soaneu Manetualain.