HATAHOLI 8:21 - Susula Malalaok Hehelu Palak Ma Hehelu Beuk

²¹ O ta manuu hak soaneu tunga ami nai ami lau-onom dalek fa, nana o dale ma ta ndos soaneu Manetualain fa.

HATAHOLI 8:21 ပူးပေါင်းရင်းမြစ်များ

2TAWARIKH 25:2

Amazia tao hata fo nandaa no Manetualain dalen-na, tehu ana tao no dale bibia-seselik.

NEHEMIA 2:20

Boema au ataa ae, “Manetualain fo manakoasa nai nusa so'dak-ka, neukose Ana tao-na ami ue-le'dim nabuna-naboa. Ami nde been-na Ndia atan-nala, de neukose ami mulai mafofo'a. Tehu emi ta manuu hak do pusaka hata esa boen nai Yerusalem fa. Nakalenak metema hataholi kokolak la'eneu Yerusalem soona, neukose ala ta seseik o na'dem-ma fa.”

MAZMUR 36:1

Soaneu mauli-malanga nakameek-ka. Neme Dauk, fo Manetualain atan-na.

YESKIAL 14:3

“Hai hataholi daebafak fo, manasapu-manalalok-konei, hataholi ia-la, lase'o basa so'dan-nala neu sosongo-tatangok so, nalosa ala tu'da leo sala-singok dale leu. Masa bole ala nau latane Au dale hihiing-nga?

IMAMAT 13:8

Imam-ma muse palisak seluk-kana, de metema, memak he'din-na sii dapa-dapa soona, muse nafa'da nae, hataholi ndia, manggenggeok; nana ana hapu he'di lou mangalauk.

HABAKUK 2:4

Mafandendelek te, hataholi mangalauk-ka, neukose ta naso'da fa, tehu hataholi manatao tunga Manetualain hihii-nanaun-na, neukose naso'da, nanahu ana lilineka neu Manetualain.”

LUKAS 1:6

Saotouk saoinak ia la so'da nala nandaa no Manetualain dale na. Duas tunga basa paleta ma Manetualain hoholo-lalanen no dale katematuak.

YOHANIS 21:17

Yesus natanen neu kala'i telu na nae, “Simon, fo Yona anan, ade o sue-lai Au do ta?” Boema Petrus dale na he'di sa, nana Yesus natanen losa la'i telu, Boema Petrus nataa seluk nae, “Lamatuak, Lamatua ka bubuluk basa hata lala'ena. Lamatua ka bubuluk, au sue-lai Lamatua ka!” Boema Yesus nafa'dan nae, “Makaboboi Au bi'ilopo ngala.

HATAHOLI 8:37

Boema Felipus nae, “Metema Tuan namahele no dale katematuak soona, bole salani Tuan leona.” Boema pegawi matua-madema Etiopia ndia nae, “Au amahele Yesus Kristus nde bee na Manetualain Anan.”

EFESUS 5:5

Taoafik matalolole hataholi mana sosoa-piao ka, do matetu-mandaa ta ka, do mana tene peta ka ha'da-tatao matak leo sila kala, sama no sosongo-tatango ka, hataholi ndia, ta hapu da'di lima eik hataholi kamahehelek fo Kristus ma Manetualain paleta fan.

ULANGAN 10:9

Hu ndia de, leo Lewi-la, ala ta hapu dae pusaka sama leo, leo fe'e-fe'ek-kala, sama leo emi Manetualaim-ma nafa'da neus-sala.)

ULANGAN 12:12

Emi sama-sama moo emi anam-mala, emi atam-mala, ma hataholi Lewi manaleo manai emi kotam-mala, hu kande, ala ta hapu dae baba'ek nai emi nusam-ma fa, ela leo been-na, emi basa-basam-mala, mamahoko nai emi Manetualaim-ma matan-na.

IBRANI 4:13

Ta hapu mahahaek esa boen, fo nanafunik neme Manetualain mata memete na mai fa. Basan lala'ena makaholak ma nanabukak nai mata na. Hu ndia de, ita muse fe natataak neun.

YOSUA 22:25

Mitak, Ana tao Lee Yarden ia neu ita tala'da, fo ela ana ba'e ami moo emi, fo Ruben ma Gad hataholin-nala. Te'e-te'e, emi ta manuu tututi-nanatok hata-hata moo Manetualain fa.’ Soona mahani te, neukose hata da'di? Tao leo bee-o, neukose emi tititi-nonosim, tao-la ami tititi-nonosim hahae makaluku-makatele neu Manetualain.

NINITAK 2:23

Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.

NINITAK 20:6

Maua-manalek neu hataholi fo nanatao naso'da falik nai kala'i makasososan ndia. Sila landaa da'di Manetualain nuun. Mamate kala'i dua, ana ta koasa sila so'on. Neukose ala da'di Manetualain ima mala, ma Kristus ima mala, ma neukose ala paleta sama-sama lon teuk lifun esa dale na.

NINITAK 22:19

Ma metema hataholi tao kulang hata esa neme dede'a nafa'da elak ia la soona, Manetualain boeo neukose tao kulang baba'en fo nanasulak nai susulak ia dale ka, fo nde baba'ek neme ai maso'da ka ma neme kota malalaok ndia.