HATAHOLI 8:12 - Susula Malalaok Hehelu Palak Ma Hehelu Beuk

¹² Tehu Felipus tui-benga fe hataholi sila la Hala Malole la'eneu tao leo beek de Manetualain paleta leo Mane ka, ma la'eneu Yesus Kristus fo Mane Mana Soi-Tefak ndia. Boema hataholi la lamahele Felipus tutui-bebengan ndia de ala salanis, nau touk do inak boe.

HATAHOLI 8:12 ပူးပေါင်းရင်းမြစ်များ

MATEOS 28:19

Hu ndia de meu leo basa leoina manai daebafa ka lala'ena, fo taos da'di Au ana mana tunga ngala. Salanis ninik Ama ka na'de na, Ana ka nade'na, ma Manetualain Dula Dale na na'de na.

LUKAS 9:2

Basa boema nadenus leu lakahahaik hataholi kamahe'di kala, ma ala tui-benga halak la'eneu tao leo beek fo Manetualain paleta leo Mane ka.

LUKAS 9:60

Yesus nataa nae, “Nemena fo hataholi manamate ka natoi ndia hataholi manamate na mesa kana. Tehu o mu tui-benga hala ka nae Manetualain mulai paleta so.”

HATAHOLI 1:3

Mate basan de naso'da falik boema, nai faik hahulu dale na, nasi'a natu'du aoina na no le'do-le'dok neu hataholi nadedenu nala nae, tete'e ka naso'da falik so. Hataholi nadedenu nala litan de Ana kokolak nos la'eneu Manetualain Ana paleta leo Mane ka.

HATAHOLI 11:20

Tehu nai hataholi kamahehelek sila la dalek, fo hataholi maleme Siprus ma Kirene mai a, sila de'ubee leu leo Antiokia leu, fo ala tui-benga Hala Malole la'eneu Lamatuak Yesus neu hataholi ta Yahudi la boe.

HATAHOLI 18:8

Tehu Krispus fo uma mamasok ndia malanga na no basa uma isi nala, lamahele Lamatuak Yesus. Hataholi Korintus ba'u ka hii lamanene halak fo Paulus nanduku-nalosa kana de lamahele Yesus, boema ala salani.

HATAHOLI 19:5

Hataholi sila la lamanene dede'ak ndia boema, ala nau salani sila ninik Yesus na'de na.

HATAHOLI 2:38

Boema Petrus nafa'das nae, “Tukatei-saledale meme emi sala-singom mai leona, ma ela leo bee na salani emi ninik Yesus Kristus na'de na; fo ela emi sala-singom hapu do'o do ampon. Soona neukose Manetualain fe hiik Dula Dale na neu emi.

HATAHOLI 2:41

Hataholi ba'u lamahele Petrus hala kokolan sila la. Tutika loke salanis leona. Faik ndia dale na, tama seluk hataholi kamahehelek lifun telu.

HATAHOLI 20:21

Au fe nasanene'dak tataas esa, nau neu hataholi Yahudi do leoina fe'e kala, fo ela ala tukatei-saledale leme sala-singo nala mai, fo ala fali leo Manetualain mai, boema lamahele Lamatuak Yesus.

HATAHOLI 20:25

Au donge-dama basa tolanoo kala basa-basa mala so, ma au boeo tui-benga basa, la'eneu tao leo beek de, Manetualain paleta leo Mane ka so. Besak ia au dodoo nana, neukose au ta atongo o tolanoo kala so'on.

HATAHOLI 28:31

No napalanik, ana tui-benga neu hataholi la, la'eneu tao leo beek fo Manetualain paleta leo Mane ka, ma la'eneu Lamatuak Yesus Kristus. Paulus tui-benga su'di bebe'i ka, te ta hapu mana kena-ka'i fa.

HATAHOLI 5:14

Ma tunga faik, hataholi ba'u ka boetai lamahele Lamatua ka — nau touk do inak boe.

HATAHOLI 8:4

Hataholi kamahehelek fo mana tapasasalak sila la tui-benga Manetualain Hala Malole na leo basa mamanak lala'ena.

ROMA 10:10

Nanahu no dale ka fo hataholi a namahele, soona Manetualain sipo kana da'dileo hataholi fo ana mole falik no Manetualain so. Ma no bafa ka fo hataholi a manaku soona, ana hapu maso'da ka.

1 KORINTUS 11:11

Leomae leondiak boe, nai ita maso'da na dalek, fo da'dileo hataholi kamahehelek, ina ka ta napadeik mesa kana fo natapo'i neme tou ka mai, ma tou ka boeo ta napadeik mesa kana, fo natapo'i neme ina ka mai fa.

GALATIA 3:28

Nai dede'ak ia dalek, hataholi Yahudi no hataholi ta Yahudi, ata no malanga na, ma tou ka no ina ka, sama so. Emi basa-basa mala da'di esa, hu ka nde Kristus Yesus.

1 PETRUS 3:21

Naa, mana da'dik ndia, nalupa nakandandaak esa, neme oe salanik fo besak ia, nini so'dak fe emi. Tehu salanik ndia ta nde tao balisi hataholi a ao paa na neme manggenggeo na mai fa, te nalupa emi hehelu-balatam neu Manetualain no dale katema tuak. Salanik ndia nini so'dak fe emi, nanahu Yesus Kristus naso'da falik neme mamate sa mai de,