HATAHOLI 7:42 - Susula Malalaok Hehelu Palak Ma Hehelu Beuk

⁴² Boema Manetualain la'oelas de Ana po'ilota kasa, ala sene-do'ok neu nduuk manai lalai la. Dede'ak ndia nandaa no hata fo nanasulak nai nabi la susulan dale. Nae leo ia ‘Hei hataholi Israe la lemin! Ta soaneu Au emi do'do ma emi tunu-hotu bana dodoo na teuk hahulu dale na, nai mo solokae ka.

HATAHOLI 7:42 ပူးပေါင်းရင်းမြစ်များ

2RAJA-RAJA 17:16

Ala la'olena sila Manetualain hoholo-lalanen lala'en-na, de ala tao-la sapi dua neme liti-a mai, fo ala sene-do'ok neun. Ala tao lamatua daebafa Inak Asyera, dodoki-dudulan, ala sene-do'ok neu nduuk-kala, ma ala sene-do'ok neu Lamatua Daebafak Baal-la.

2RAJA-RAJA 21:3

Aman Hizkia, tao nakalulutuk lamatua daebafak-ka mamana sosongo-tatangon-nala, ana nafofo'a falik-kasa. Ana tao mei tunu-hotuk, fo ana sene-do'ok neu Baal, ma ana tao Lamatua Daebafak Inak Asyera, dodoki-dudulan, sama leo Ahab, fo manek Israel-la tao-ka. Manasye sene-do'ok neu nduuk-kala boe.

MAZMUR 95:10

Au pela-maluas, teuk haahulu dalen-na, Au afa'da ae, Tete'ek-ka, leoina ndia, ta lilineka fa! Ala ta taoafik neu Au paletang-ngala fa.

YESAYA 43:23

O ta meni bi'ilopo, soaneu o tutunu-hohotu nanatunum-ma fa, o ta fe ha'da-holomata neu Au, nenik o tunu-hotum fa. Te se'kona, Au ta fe o lelepa mabela, nenik o tutunu-hohotum fa, do ta tao akatoto'ak o, nenik Au akaseti o, fe Au boomenik fa.

YESAYA 63:10

Tehu ala lena-la'ban, de ala tao lakahehe'dik, Manetualain dalen-na. Boema, Ana nasafali da'di sila musun, de Ndia mesak-kana, natee-natati la'ban-nasa.

YESAYA 66:4

Hu ndia de, Au boeo, neukose tao tunga Au dale hihii-nanau mesang-nga, de Au fes ala bii-lamata'u neu soe-la, tuni-ndeni nalas. Nana lelek Au aloo, ta hapu manamataa fa; lelek Au kokolak, ta hapu manamamanenek fa. Ala lahiik ka'da lena-la'ban Au, ma ala tao tatao-nono'i mangalauk.”

YEREMIA 19:13

Basa uma manai Yerusalem ma basa Yehuda manen uman-nala neukose langgenggeo sama leo Tofet; nanahu nai uma sila-la lain, hataholi-la tunu bomenik soaneu lamatua lalai-a, a fe fefeek angol soaneu lamatua daebafak fe'ek-kala.

YEREMIA 8:2

ta soaneu latoi-latono seluk-kasa fa, te nanapo'ilotak nai dae lain, fo da'di kadafuk. Hataholi sila-la duin-nala, besenggela-besenggali lai le'do bulak, ma bana-manu fo ala taos da'di lamatua daebafak, fo ala sue-lais, lalalau-laoonos, ala sene-do'ok neus ma loke natutu'duk-ka, matan-na.

YESKIAL 20:25

Basa boema, Au fes hoholo-lalanek ta malole, ma paleta-paleta fo, ta neni fes maso'dak fa.

YESKIAL 20:39

Manetualain Fo Mademaina nafa'da nae, “Hai hataholi Israel-la lemin! Besak ia, tunga emi dale hihiim-ma, fo esa-esak neu sene-do'ok neu ndia sosongo-tatangon! Tehu mafandendelek te, basa ndia soona, emi muse tunga Au, ma boso boe tao maggenggeo Au na'de malalao-malalafung-nga, nenik emi meni tutunu-hohotuk fe emi sosongo-tatangom sila-la.

YESKIAL 8:16

Boema, noo au leo Manetualain Uman-na, so'dan manai dalek-ka. Nai deka no lelesu masok leo kama malalao-malalafuk-ka neu, fo nai mei tunu-hotuk-ka no mangalolok-ka tala'da, hapu hataholi duahulu lima lai ndia. Langatuuk lasadea kama malalao-malalafuk-ka, de lasale leo dulu leu, fo ala sene-do'ok neu le'do-a.

HOSEA 4:17

Hataholi Israel-la, dalen-nala latea lahele neu sosongo-tatangok so. Hu ndia de, po'ilotak-kasa.

YOHANIS 6:45

Ala sula kana nai Nabi la Susulan dale nae leo ia: ‘Neukose Manetualain nanoli basa hataholi la.’ Hu ndia de, see namanene Ama ka, ma nanoli neme Ama ka mai soona, ana mai leo Au mai.

HATAHOLI 13:40

Hu ndia de emi muse manea matalolole, fo boso nalosak hata fo nabi la lafa'dak ia, ana tu'da la'e emi. Nabi la lafa'da lae leo ia,

HATAHOLI 7:36

Musa ia nde hela-nole leoina Israe la kalua leme Masir mai, ninik ana tao manda'di beuk, ma dede'a matuaina la neme Masir, neme Tasi Pila sa, ma neme mo maloa teuk hahulu dale na.

ULANGAN 17:3

ma paletan-nala nenik ana sene-do'ok ma amahele neu lamatua daebafak fe'ek-kala, do neu le'do-a, bulak-ka, do nduuk-kala,

ULANGAN 4:19

Boso tao sala-singok, nanahu sene-do'ok ma mamahele neu hata fo emi mitan nai lalai, sama leo: le'do-a, bulak-ka, ma nduuk-kala. Emi Manetualaim-ma po'ilotak leoina fe'ek-kala sene-do'ok neu basa sila-la.

IBRANI 3:9

Nai naa, ‘Emi bei ba'ikai mala, ala so'ba-su'di Au’, Manetualain nae, ‘te see ko na, ala lita basa Au tatao-nono'ing, teuk hahulu dale na so.’