HATAHOLI 7:38 - Susula Malalaok Hehelu Palak Ma Hehelu Beuk

³⁸ Musa ia nde nai leoina Israe la tala'da fo neme mo solokae ka, ana da'di lelete soaneu ata nusa so'dak fo mana kokolak non neme Lete Sinai, ma no ita bei ba'ikai nala. Ndia nde mana sipo hala maso'dak maneme Manetualain mai fo nanduku-nalosa kana neu ita.

HATAHOLI 7:38 ပူးပေါင်းရင်းမြစ်များ

YESAYA 63:9

Ndia mesak-kana, nde lu'a-lepa sila toto'a-tataan-na. Manetualain ta haitua hataholi nadedenuk, do lima boboa konan-na fa; Ndia mesak-kana, nde soi-po'is-sala, nanahu susue-lalain, ma dalek-kasian-na. Ana nakabobois tataas esa, neme makahulun eli mai.

YOHANIS 1:17

Ita sipo Manetualain Hoholo-lalanen tunga Musa. Tehu lafa'da Manetualain susue-lalain, ma liinekan, tunga Yesus Kristus.

YOHANIS 6:63

Manetualain Dula Dale na, nde ana fe hataholi daebafa ka naso'da. Nanahu hataholi daebafa ka be'i-balakain sosoa-ndandaan ta. Au afa'da emi dede'a-kokolak sila la nde bee na, Manetualain Dula Dale na dede'a-kokolan, fo dede'a-kokola manafe maso'da ka.

HATAHOLI 7:30

Basa teuk hahulu boema, ata nusa so'dak esa natu'du ao na neu Musa neme mo malo a, fo deka no Lete Sinai. Ata nusa so'dak ndia ana mai nai ha'i mana pilak dale, fo ana kalua neme telaanak dale mai.

HATAHOLI 7:35

Musa ia nde Musa fo leoina Israe la ta sipo kana fa, ma ala tipahenin ninik dede'a-kokola ka nae, ‘See ka nde so'u o da'di ami mauli-malangam, ma mana maketu-mala'di ma?’ Tehu mate'e na, ndia nde Manetualain nadenun fo ana da'di mauli-malangan, ma mana fe so'dak neu hataholi Israe la, ninik tutulu-fafalik neme ata nusa so'dak fo ana mai natongo non neme telaana mana pilak dale a.

HATAHOLI 7:53

Ata nusa so'da kala landuku-lalosak Manetualain paleta nala neu emi so, tehu emi ta tunga fas!”

ROMA 3:2

Tao leo beeo, sosoa-ndandaan ba'uk-ka! Makasososa na, hu ka nde Manetualain fe dede'a-kokolan neu hataholi Yahudi la.

ROMA 9:4

Tolanook sila nde bee na Manetualain hataholi kamahehelen nanahele kala ma Manetualain taos da'di ana mesa nala boema natu'du koasa na neus. Ana tao hehelu-balataak nos, ma Ana fes agama hoholo-lalanen. Manetualain nafa'das tao leo beek fo ala maso kasasi, ma ala sipo hehelu-balataa nala boe.

GALATIA 3:19

Metema leondiak soona, sosoak hata de, agama hoholo-lalanen nanafek mai? Natataa na nae, hoholo-lalanek ndia nanatamak, soaneu nafa'da hataholi daebafa ka la'olena na. Agama hoholo-lalanen ndia, nanapakek losa ka'da Abraham tititi-nonosin esa ana mai, fo nanaseseik nai Manetualain hala hehelun no Abraham ma, dalek. Agama hoholo-lalanen ndia, ata nusa so'da kala nde landuku-lalosa kana, fo hataholi esa da'di mana makalala'ok.

ULANGAN 33:4

Ata tunga Musa fe hoholo-lalanek-kala, fo leoina ia, pusakan fo, belin-na seli ndia.

IBRANI 2:2

Ata nusa so'da kala lafa'da ita bei-ba'i kai nala hala hehelu ka, memak tete'e ka la'en, ma hataholi fo ana ta tunga do nakalala'o kana fa soona, neukose ana sipo huhukuk nandaa no tatao-nono'in.

IBRANI 4:12

Manetualain hala-kokolan nde bee na, hala-kokolak fo maso'dak, ma mabe'i-balakaik; tane na lenaheni tafaina tane kadua ka. Hala kokolak ndia, ana tola losa leo samane ka ma dula dale ka dae too na; ana tola losa leo bu'u-bu'u kala, ma dodole dui ka dae too na, nalosa ana bubuluk besa-besa no hataholi daebafa ka dale-aafin, ma dale tutu'u na.

IBRANI 5:12

Tunga ndo na fai na losa ba'eneu emi soaneu da'di mesen, tehu bei paluu emi manoli neme hataholi fe'ek la'eneu Manetualain nanoli makasososa na eno ma'an. Emi beita hapu sipo nana'a-nininu matea fa; emi bei muse minu ka'da su'u oe mesa kana.

1 PETRUS 4:11

Hataholi mana manduku-malosak hala ka, muse nanduku-nalosak halak maneme Manetualai na mai; hataholi mana malalau-maoono hataholi fe'e ka, muse nalalau-naoono ninik be'i balakaik maneme Manetualai na mai, fo ela nai basa dede'ak lala'e na dalek, Manetualain nananamatutua-namadedemak tunga Yesus Kristus. Ndia nde mana koasa ma nandaa nana namatutua-namadedemak losa dodoo na. Amin.