HATAHOLI 7:35 - Susula Malalaok Hehelu Palak Ma Hehelu Beuk

³⁵ Musa ia nde Musa fo leoina Israe la ta sipo kana fa, ma ala tipahenin ninik dede'a-kokola ka nae, ‘See ka nde so'u o da'di ami mauli-malangam, ma mana maketu-mala'di ma?’ Tehu mate'e na, ndia nde Manetualain nadenun fo ana da'di mauli-malangan, ma mana fe so'dak neu hataholi Israe la, ninik tutulu-fafalik neme ata nusa so'dak fo ana mai natongo non neme telaana mana pilak dale a.

HATAHOLI 7:35 ပူးပေါင်းရင်းမြစ်များ

MAZMUR 75:7

Nana naketu-nala'dik-ka, ta mai neme dulu do muli mai fa, boeo ta neme kii do kona mai fa.

MAZMUR 77:20

O la'ok tunga lii lain, O la'ok feo tasi maloaina, tehu O ei mamanam-ma, ta nananitak fa.

KELUARAN 14:19

Boema, Manetualain ata nusa so'dan manai solda'du Israel-la uluk-ka, ana lali leo dea neu. Ma dii ko'as-sa boeo, ana lali de ana losa

KELUARAN 14:24

Sanga deka lolebalahaak boema, Manetualain mete solda'du Masir-ra neme dii ha'ik ma dii ko'as dale mai, de Ana taon-nalas lapokak.

KELUARAN 2:14

Hataholi ndia nataa nae, “See kande ndo ei o da'di ami mauli-malangam, ma ami manakee-manafulam? Ade o sanga taomisa au boe, sama leo huas-sa, o taomisa hataholi Masir ndia do?” Boema Musa bii, de ana dodoo nae, “Soe! Au tatao-nono'ing ndia nanabubuluk so.”

KELUARAN 32:34

Besak ia, muu leona, fo moo hataholi sila-la leo mamanak fo Au afa'da basan neu o so. Neukose Au ata nusa so'dang-nga hela nole o, tehu neukose fain-na losa soaneu Au huku hataholi sila nanahu sala-singon-nala.”

KELUARAN 33:2

Neukose Au adenu ata nusa so'dak esa hela-nole emi. Neukose Au usiheni leoina Kanaan, Amori, Het, Feris, Hewi ma Yebus.

YESAYA 63:9

Ndia mesak-kana, nde lu'a-lepa sila toto'a-tataan-na. Manetualain ta haitua hataholi nadedenuk, do lima boboa konan-na fa; Ndia mesak-kana, nde soi-po'is-sala, nanahu susue-lalain, ma dalek-kasian-na. Ana nakabobois tataas esa, neme makahulun eli mai.

BILANGAN 20:16

de ami maloo bou-bou neu Manetualain fo moke tutulu-fafalik. Boema namanene ami dokodoem-ma, de Ana nadenu ata nusa so'dak esa mai. Ata nusa so'dak ndia, nauli-nalanga ami kalua meme dae Masir-ra mai. Besak ia, ami nai Kades, fo kota esa nai dae too no Tuan nusan-na.

MARKUS 12:26

La'eneu hataholi manamate kala laso'da fali ka, ade emi beita les mitan nai Musa susulan dale, la'eneu telas manapilak ndia fa? Nai lalanek sila la dalek, nanasulak nae, Manetualain nafa'da Musa nae, ‘Au nde Abraham Manetualai na, Isak Manetualai na, ma Yakob Manetualai na.’

LUKAS 19:14

Tehu nusak ndia lau nala lakamun. Da'di, basa de ana la'o boema ala haitua hataholi nadedenuk neu soaneu nafa'da nae, ‘Ami ta nau hataholi ia da'di ami mane ma fa.’

YOHANIS 18:40

Tehu lataa no eekik lae, “Ta, boso po'i hataholi Ndia, te po'i Barabas!” (Barabas ndia, hataholi mana bonga uma esa.)

YOHANIS 19:15

Tehu ala eki lakandoo lae, “Tao misan! Tao misan! Lona-nggangen!” Boema Pilatus natanes nae, “Ade au muse lona-nggange emi mane ma do?” Tehu malanga ima mala lataa lae, “Ami manem ka'da esa mesa kana, fo nde Kese la!”

HATAHOLI 2:36

Hu ndia de basa hataholi Israe la muse ala bubuluk te'e-te'e, te Yesus fo emi lona nggangek ndia, Manetualain taon da'di Lamatuak, ma Mane Mana Fe So'dak!”

HATAHOLI 3:22

Musa nafa'da hai nae, Manetualain fo emi Lamatua ma, neukose nadenu emi hataholim esa da'di nabi neu emi, sama leo nadenu au ia. Emi muse mamanene basa hata, fo nabi ndia nafa'dan neu emi a.

HATAHOLI 5:31

Boema Manetualain fen nangatutuu madema ma koasa matuaina da'dileo Mauli-Malangan ma Mana Soi-Tefa, fo ela hataholi Israe la hapu loak soaneu ala tukatei-saledale leme sala-singo nala mai, fo ala hapu do'o do ampon.

HATAHOLI 7:30

Basa teuk hahulu boema, ata nusa so'dak esa natu'du ao na neu Musa neme mo malo a, fo deka no Lete Sinai. Ata nusa so'dak ndia ana mai nai ha'i mana pilak dale, fo ana kalua neme telaanak dale mai.

HATAHOLI 7:51

Tolanoo kala langa batu manseli, ma tea na seli soaneu emi tunga Manetualain! Emi di'idoo mala pake nanseli neu Manetualain dede'a-kokolan! Emi mo emi bei ba'ikai mala matak esa! Emi la'ban Manetualain Dula Dale na tataas esa!

KOLOSE 1:15

Kristus nde bee na Manetualai naoina na dula mangale'don fo nananita tak, Kristus nde bee na ana uluk, fo lena heni basa hata nananaka da'dik lalae'na.

IBRANI 2:2

Ata nusa so'da kala lafa'da ita bei-ba'i kai nala hala hehelu ka, memak tete'e ka la'en, ma hataholi fo ana ta tunga do nakalala'o kana fa soona, neukose ana sipo huhukuk nandaa no tatao-nono'in.

NINITAK 15:3

Boema lakamee Manetualain atan Musa ma Bi'ilopo Ana nakamee na. Lii na nae leo ia, “Lamatuak, Manetualain Mana Koasa, O tatao-nono'im ba'u na seli ma matabeuk! Manek neu basa leoina lala'ena. O tatao-nono'im nde maketu-mala'di tunga matetu na ma ndoos!

SEMUEL SUSULAK-KA ESAN-NA 10:27

Tehu, hataholi mangalauk de'ubee lafa'da lae, “Masa bole, hataholi ia masosoa-ndandaak ba'eneu ita?” Lakadadaek Saul, ma ala ta fen bua palsen fa, Tehu, ta'ko ana ta bubuluk fa.

SEMUEL SUSULAK-KA ESAN-NA 12:8

Lelek Yakob no teidalen-nala mai lo Masir mai, ma hataholi Masir-ra tuni-ndenis-sala, emi bei-ba'i kaim-mala dokodoe tutulu-fafalik neu Manetualain, boema Manetualain nadenu Musa no Harun. Hataholi ka duak sila-la loo emi bei-ba'i kaim-mala kalua leme Masir mai, de ala tulu-falis fo ala leo lahele nai nusak ia.