HATAHOLI 7:10 - Susula Malalaok Hehelu Palak Ma Hehelu Beuk

¹⁰ de ana soi nan neme basa toto'a-tatan dalek mai. Manetualain ba'e fen dale malole, ma ndolu malelak nai lelek neu nataa mane Masi ra fo Firon, nalosa ana so'un da'di Gobelnol nai nusa Masi ra, ma ana paleta koasa mane Firo na uma mane na.

HATAHOLI 7:10 ပူးပေါင်းရင်းမြစ်များ

KEJADIAN 39:21

Tehu Manetualain tulu-fali Yusuf ma sue-lai nahelen, nalosa malanga bui a nahiik non.

KEJADIAN 42:6

Fo manamase'o gandum neu hataholi fo maleme daebafak-ka lala'en-na mai ndia, nde Yusuf, fo ana da'di filana nai Masir. Hu ndia de, Yusuf ka'an-nala mai, de ala senek leu matan-na.

KEJADIAN 44:18

Boema Yehuda tutulumatak fo ana deka no Yusuf de nafadan nae, “Ampon, Tuan, fe ata ma loak kokolak seluk o Tuan. Boso mamanasa ata ma; nana Tuan nde been-na sama no manek Masir-ra.

KEJADIAN 48:16

Ndia nde ata nusa so'dak fo ana se'i-po'i au eme soe lala'en-na mai so. Sa'di leo been-na Manetualain ndia, ba'e-pala ni'iana ia-la. Sa'di leo been-na, au ma Abraham ma Isak na'dem mala nanakoa-nanakiok, hu kande n'iana ia-la! Sa'di leo been-na, ala bongi upu anak, ma tititi-nonosin makadotok nai daebafak-ka.”

1RAJA-RAJA 8:50

Fe do'o do ampon neu basa sala-singok ma sila nalelesin la'eneu O a, ma tao ma sila musun-nala tao malole neus.

MAZMUR 22:24

Koa-kion leon, hai hataholi kamahehelek-kala lemin! Mamatutua-mamademan leon, hai Jakob tititi-nonosin-nala lemin! Sene-do'ok neun leon, hai basa Israel tititi-nonosin-nala lemin!

MAZMUR 37:40

Ana tulu-fali, ma Ana soi-tefas, ma Ana fes lala hataholi mangalauk-kala deak, nana, ala lasulu-lahapa leu Manetualain.

AMSAL 16:7

Metema o mandaa moo Manetualain dalen-na soona, Ana tao o musum-mala da'di tia-laik.

AMSAL 2:6

Manetualain nde manafe manatee-tenok-ka; hataholi daebafak-ka hapu malelak ma dudu'a-aafi manadaik neme Ndia mai.

AMSAL 3:4

fo ela Manetualain ma hataholi daebafak-ka, dalen-na nahiik ma fe o ha'da-holomata.

YEREMIA 39:12

“Mu sanga Yeremia, fo manea matalololen. Boso taon le'e esa boen; tao-no'i hata fo ana nokek-kala.”

2 TIMOTIUS 4:18

Memak neukose Lamatua ka soi-po'i au eme hataholi mana mape'da dale mangalauk lo au a. Neukose no falik au no so'dak, leo nusa so'da ka neu. Ela leo bee na Lamatua ka nananamatutua-namadedemak losa dodoo na! Amin.

YAKOBIS 5:11

Loke hataholi sila la lae, hataholi maua-manalek, nana lakatatakak. Emi bubuluk basa, Ayub ta haelai namanasa fa, ma emi bubuluk, tao leo beek de neu mate'e na, boema Amak Manetualain fen baba'e-papalak. Nana Amak Manetualain ndia mana sue-laik nanseli, ma dale malole.

NINITAK 7:14

Au ataa ae, “Au ta bubuluk fa Tuan, Tuan mesa kana nde bubulu ka.” Boema nafa'da au nae, “Hataholi sila la nde hataholi fo no so'da-molek ala la'ok seli le'dofai fefepa lili'u matuaina so. Ala safe basa ba'du manalu nala ma ala tao las da'di fulak ninik Bi'ilopo Ana ndia daa na.