HATAHOLI 6:5 - Susula Malalaok Hehelu Palak Ma Hehelu Beuk

⁵ Basa hataholi sila la lakaheik tunga hataholi nadedenu kala hahapun ndia. Boema ala hele Stefanus, fo hataholi esa namahele nanseli neu Yesus, ma Manetualain Dula Dale na koasa nan. Boema ala hele Felipus, Prokhorus, Nikanor, Timon, Parmenas, ma Nikolaus, fo neme Antiokia mai; hataholi Yahudi ta ndia fa, tehu ana masok agama Yahudi so.

HATAHOLI 6:5 ပူးပေါင်းရင်းမြစ်များ

KEJADIAN 41:37

Manek ma basa hataholi mana'a ngga'din-nala lakaheik tunga Yusuf dale tutu'un ndia.

AMSAL 15:1

No natataa mangana'uk-ka, nasa-meluk tenak; tehu no natataa makei-maketek-ka, nafofo'a nasa-meluk-ka.

AMSAL 15:23

Dede'a-kokolak fo kokolak-kana la'e fain-na, neni namahoko-seteleek.

MIKHA 3:8

Tehu la'eneu au aoinang ia soona, Manetualain tao duladalen ma koasan-na nai dalek. Ana fe au malelak la'eneu ndoos ma matetuk, ma napalanik boe, fo au afa'da hataholi Israel-la tao basa sala-singok-kala so.

MATEOS 23:15

Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala! Emi la'di tasi, fo emi meu leo dae dook meu, ma emi la'ok mafeo basa dae ma'dak lala'ena, ka'da soaneu hataholi esa ana masok emi agama ma. Fo hataholi ndia ana masok nai emi agama ma dalek soona, emi tao ma hataholi ndia hihii nae da'di tasi ha'i ka isi na, fo mangalau na lena heni emi la'i dua bai!

HATAHOLI 11:19

Ala taolisa Stefanus boema, ala usi neu mai lo hataholi kamahehele kala, de nalosa ala tapasasala leo basa mamanak lala'ena leu. Nggelok lalai losa Fenisia, ma nggelok losa Siprus ma Antiokia. Ala tui-benga Manetualain dede'a-kokolan neu ka'da hataholi Yahudi la.

HATAHOLI 11:20

Tehu nai hataholi kamahehelek sila la dalek, fo hataholi maleme Siprus ma Kirene mai a, sila de'ubee leu leo Antiokia leu, fo ala tui-benga Hala Malole la'eneu Lamatuak Yesus neu hataholi ta Yahudi la boe.

HATAHOLI 11:22

Manda'dik sila la tutui na, ana losa hataholi salanik manai Yerusalem mala. Boema ladenu Barnabas neu leo Antiokia neu.

HATAHOLI 11:24

Barnabas ia, hataholi dale malole ma Manetualain Dula Dale na koasa nan, boema namahele nanseli neu Lamatua ka, de nalosa hataholi makadotok tunga Lamatua ka.

HATAHOLI 11:26

Ana hapun boema non leo Antiokia neu, de duas leo lakabubua lo hataholi salanik manai naa la teuk esa dale na, boema duas lanoli hataholi makadotok. Nai Antiokia ndia nde ala foi hataholi kamahehele kala na'de, Hataholi Salanik.

HATAHOLI 11:27

Nai lelek ndia, hapu nabi de'ubee leme Yerusalem leo Antiokia leu.

HATAHOLI 13:1

Nai hataholi salanik Antiokia la dalek, hapu nabi-nabi ma mese-mese nala, fo nde Barnabas, Simon, fo ala foin na'de Ta'e Nggeok, Lukius neme Kirene mai, Menahem, fo lakaboboin sama-sama no Mane Herode sa, ma Saulus.

HATAHOLI 15:22

Boema hataholi nadedenu kala ma Penatua-penatua la lo basa hataholi salani kala, ala ho'i nakeketuk fo ala hele la sila hataholin de'ubee fo ladenus sama-sama lo Paulus ma Barnabas leo Antiokia leu. Boema ala hele Silas no Yudas fo loken soona lae, Barsabas boe. Hataholi kaduak ia la nde bee soona, hataholi nananita-nalelak nai hataholi kamahehelek manai Yerusalem ma dalek.

HATAHOLI 2:4

Tutika Manetualain Dula Dale na koasa nalas de ala mulai kokolak linik dede'a fe'ek mata-mata kala. Ala kokolak tunga hata fo Dula Dale ka, ana fes ala kokola kana.

HATAHOLI 21:8

Balahaa boema ami la'o seluk de ami losa Kaisarea. Ami kona ndia boema, ami meu leo tou mana tui-benga esa na'de Felipus boema ami leo meme uman. Ala hele hataholi kahituk manai Yerusalem mala, hataholi esa nde Felipus ia.

HATAHOLI 22:20

Leondiak boe, lelek O sakasiim Stefanus fo nanataonisa ka, au nai ndia boe, de au sipok kanisak ndia. Lena-lenak, au nde anea hataholi mana taolisa Stefanu sa bua-lo'a nala.’

HATAHOLI 6:10

Tehu ala ta hapu se'i la Stefanus dede'a-kokolan fa, nana Manetualain Dula Dale na fen dudu'a-aafi manatee tenok, fo ana kokolak.

HATAHOLI 6:3

Da'di malole lenak, tolanoo kala hele ma emi hataholim hitu, tehu hataholi kahituk sila la na'de nala ta langgenggeo faa anak boen, ma Manetualain Dula Dale na, ana koasa na hataholi sila la, boema hataholi sila la, hataholi manatee teno kala, fo ami fes ala ito-ato tutulu-fafalik ia la;

HATAHOLI 6:8

Manetualain ba'e-pala Stefanus ba'u na seli, de nalosa ana tao manda'di beuk makadotok, ma dede'a matua ina la nai lau nala tala'da.

HATAHOLI 7:1

Boema Imam Matua Ina natane Stefanus nae, Ade basa hata fo hataholi sila la kokola kana ndia, tete'ek-ka do ta?

NINITAK 2:15

Leondiak boe, nai emi dalek bei hapu hataholi fo ala bei ho'u lahele Nikolaus ana manatunga nala nanoli nala.

NINITAK 2:6

Leomae leondiak boe bei hapu hata malole esa nai emi dalek: Emi makamu-makadau Nikolaus ana manatunga nala tatao-nono'in, fo Au akamu-akadaus boe.