HATAHOLI 6:3 - Susula Malalaok Hehelu Palak Ma Hehelu Beuk

³ Da'di malole lenak, tolanoo kala hele ma emi hataholim hitu, tehu hataholi kahituk sila la na'de nala ta langgenggeo faa anak boen, ma Manetualain Dula Dale na, ana koasa na hataholi sila la, boema hataholi sila la, hataholi manatee teno kala, fo ami fes ala ito-ato tutulu-fafalik ia la;

HATAHOLI 6:3 ပူးပေါင်းရင်းမြစ်များ

KELUARAN 18:21

Tehu fe'ek neme ndia mai, o muse hele-ma touk manatee-tenok de'ubee, fo fes da'di malangan neu hataholi lifun esa, natun esa, limahulu, ma sanahulu. Hataholi sila-la, muse hataholi fo ala bii Manetualain, ma ala tunga Manetualain, hapu nananamahelek, ma ala ta nau sipo doi sosolo dalek fa.

YESAYA 28:26

Ana foi-fala nalelak-kana, nana ndia Manetualain-na, nanoli basan so.

YESAYA 28:6

Neukose Manetualain fe ndoos ma matetuk-ka neu basa manakee-manafula-la, ma napalanik neu hataholi fo, manahapu bela-ba'uk fo lanea kota neme musu mamain-na.

MATEOS 23:8

Tehu emi boso nau lalo emi lae: ‘Ama Mesen’, nana emi mesem ka'da esa mesa kana, de emi ia tolanoo kala.

YOHANIS 21:23

Boema hala ka nakapela nai Yesus ana manatunga nala tala'da nae, neukose Yesus ana manatungan ndia, ta mate fan. Te see ko na Yesus ta nafa'da nae, ana manatungan ndia neukose ta mate fan, tehu nae, “Leo uni ka, Au nau naso'da nahele losa Au fali ma'i nga o, o ito atom ta ndia fa.”

HATAHOLI 1:15

Faik esa, fo nai lelek lakabubua – fafa'kama hapu hataholi natun esa duahulu lai ndia – Boema Petrus fo'a napadeik de ana kokolak nae,

HATAHOLI 1:21

Hu ndia de, muse hapu hataholi esa ana tunga no ita fo ana da'di sakasii nae, Lamatuak Yesus naso'da falik neme mamate sa mai so. Hataholi ndia muse hataholi esa neme basa hataholi fo sama-sama no ita tataas esa neme lelek fo ita tunga Lamatuak Yesus leo basa mamanak lala'ena, mulai neme Yohanis ana salani, losa lelek fo Yesus nanaso'uk leo nusa so'da ka neme ita tala'da mai.”

HATAHOLI 10:22

Boema lae, “Kaptein Kornaliu sa nde nadenu ami mai leo ia mai a. Hataholi ndia dale na malole, ma ana fe ha'da-holomata neu Manetualain, boema basa hataholi Yahudi la fe ha'da-holomata neun. Manetualain ata nusa so'dan esa nadenun fo noke Tuan neu leo uman neu, fo ana da'di neu natataak esa soaneu huhule-haladoin, ma ata nusa so'dak ndia nadenun fo namanene hata fo Tuan sanga nafa'da neun.”

HATAHOLI 15:23

Ala fe hataholi fo ladenuk sila la, lini susulak esa boe. Susulak ndia lii na nae leo ia, “Neu basa tolano-tolanook maneme leoina fe'ek fo ta hataholi Yahudi mana leo nai Antiokia, Siria, ma Kilikia. So'da-molek neme ami, fo Lamatua ka hataholi nadedenu nala, ma Penatua-penatua fo emi tolanoo mala.

HATAHOLI 16:2

Nai hataholi kamahehelek fo mana leo nai Listra ma Ikonium ma dalek, Timotius ia nananita-nalelak da'dileo hataholi malole.

HATAHOLI 2:4

Tutika Manetualain Dula Dale na koasa nalas de ala mulai kokolak linik dede'a fe'ek mata-mata kala. Ala kokolak tunga hata fo Dula Dale ka, ana fes ala kokola kana.

HATAHOLI 22:12

Touk esa na'de Ananias, ana leo nai ndia. Hataholi ndia hataholi malalao-malalafuk, ma ana tunga Musa hoholo-lalanen no matetuk. Basa hataholi Yahudi mana leo nai Damsyik-ka ala fe ha'da-holomata neun.

HATAHOLI 28:14

Ami matongo mo hataholi kamahehelek neu Yesus de'ubee lai kota ndia, de loke ami meu leo mos mamasok esa dale na. Boema ami meu leo Roma meu.

HATAHOLI 6:2

Hu ndia de, hataholi nadedenu kasanahulu dua kala lalo lakabubua basa hataholi mana tunga Yesu sa, de lafa'das lae, “Metema ami hahae tui-benga Manetualain dede'a-kokolan fo ami muse ito-ato ka'da nana'a-nininuk soona, ndia ta malole fa.

HATAHOLI 6:5

Basa hataholi sila la lakaheik tunga hataholi nadedenu kala hahapun ndia. Boema ala hele Stefanus, fo hataholi esa namahele nanseli neu Yesus, ma Manetualain Dula Dale na koasa nan. Boema ala hele Felipus, Prokhorus, Nikanor, Timon, Parmenas, ma Nikolaus, fo neme Antiokia mai; hataholi Yahudi ta ndia fa, tehu ana masok agama Yahudi so.

HATAHOLI 6:6

Ala fe hataholi kahituk ia la leo hataholi nadedenu kala leu fo ala hule-haladoi fes, ma loke Manetualain fo Ana fe baba'e-papalak neus.

HATAHOLI 9:30

Lelek hataholi kamahehele fe'e kala bubuluk dede'ak ndia boema, leu lala Saulus leo Kaisarea neu, de basa boema ala haituan leo Tarsus neu.

1 KORINTUS 12:8

Dula Dalek ndia fe be'ibalakaik neu hataholi esa fo ana kokolak ninik heohak. Neu fe'e kala soona, Dula Dalek fo sama ndia, ana fen be'ibalakaik fo lafa'da mangalele'do see Manetualain ndia.

1 KORINTUS 16:3

Mahani te metema au losa soona, neukose au adenu hataholi fo emi hele ma kala. Au fes susula la'o enok, fo ela lini doik sila leo Yerusalem leu.

EFESUS 5:18

Boso mafuk angol, nana ndia nde tao nalutu emi a. Dede'a nasafali na, ela leo bee na, Manetualain Dula Dale na koasa na emi.

ULANGAN 1:13

Hu ndia de, hele neme leo esan-na, touk de'ubee fo manatee-tenok, nanuu ha'da-paliin malole, ma ana mete nalelak, beek kande malole, ma beek kande mangalauk, fo ela au so'us da'di emi mauli-malangam.

1 TIMOTIUS 5:10

inafalu fo ana tao malole nai basa dede'ak lala'ena dale ka nde: naka boboi ana nala no malole, namahoko sipok hataholi sungu nai uman, nalalau-naoono hataholi kamahehele kala, tulu-fali hataholi mana to'a ta kala, ma ana tao tatao-nono'i malole lupa-lupa kala no te'e-te'ek.

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

3 YOHANIS 1:12

Basa hataholi la koa-kio Demetrius. Manetualain boeo, Ana koa-kion. Ami koa-kion boe, ma hata fo ami kokola kana, hapu nananamahelek.