HATAHOLI 5:9 - Susula Malalaok Hehelu Palak Ma Hehelu Beuk

⁹ Boema Petrus naen nae, “Te tao le'e de, o mo o saotou ma mala halak fo emi so'ba Amak Manetualain Dula Dale na? Mamanene ha! Te hataholi fo leu latoi o saotou ma, ala fali ma'is so. Neukose ala ndolo o leo deak neu leondiak boe.”

HATAHOLI 5:9 ပူးပေါင်းရင်းမြစ်များ

KEJADIAN 20:13

Boema, lelek Manetualain nadenu au la'oela au amang uman-na fo aleu-alaak leo nusa fe'ek-kala u, boema au afa'da au saong-nga ae, ‘Mafa'da o lilinekam neu au, nenik mafa'da su'di see, mae o ka'am au.’ ”

2RAJA-RAJA 6:32

Boema, manek-ka nadenu hataholi esa, la'o nakahuluk-kana, leo Elisa uman neu. Faik ndia, Elisa nai uma, ma lasi nggolok de'u bee, lai ndia boe. Manek-ka nadenu hataholi-a, ana beita losa fa te, Elisa nafa'da lasi nggolok sila-la nae, “Taoafik leona! Te tou kanisak ndia, nadenu hataholi taonisa au. Metema, hataholi ndia losa soona, kena lelesu-a neu, fo boso po'ilotak-kana, leo dalek mai. Te tao leo bee-o, manek-ka nakabuik.”

MAZMUR 50:18

Metema o mita hataholi nakodaa esa soona, o tunga moon, ma o leo-mapalasa moo hataholi manahohongek-kala.

MAZMUR 78:56

Tehu lalena langa-lasa'ba soo ma ala fola Manetualain Fo Mademaina, nenik ala ta tunga paletan-nala fa.

KELUARAN 17:2

Boema, ala beemumu loo Musa ma lae, “Fe ami oe nininuk.” Musa nataa nae, “Tao le'e de, emi makamu ma emi so'ba-su'di Manetualain?”

KELUARAN 17:7

Ala foi mamanak ndia na'de Masa nanahu nai mamanak ndia, hataholi Israel-la so'ba-su'di Manetualain, nai lelek latane lae, “Ade Manetualain no ita do ta?” Ala foi mamanak ndia boeo na'de Meriba nanahu nai mamanak ndia, hataholi Israel-la lakamuu-muu.

AMSAL 11:21

Hataholi mangalauk-ka, tao leo bee-o, ana hapu huhukuk; tehu hataholi malole-a, neukose naso'da.

AMSAL 16:5

Manetualain ta hii basa hataholi manakoao-ndaeaok lala'en-na fa; Ana ta po'ilotak-kasa, lala huhukuk-ka deak fa.

MIKHA 7:3

Basa-basas lalelak lanseli nai tatao-nono'i mangalauk-ka dalek. Manapaleta ma manakee-manafula loke doi sosolok, ma lasi nggolok-kala lakaseti laun-na tunga hihii-nanaun-nala, lalahalak sama-sama leondiak.

BILANGAN 14:22

ae neme hataholi ia-la mai, ta hapu maso'dak esa boen, soaneu ana masok leo nusak fo, Au helu basan neu sila bei-ba'i kain-nala so. Nana ala ta nau tunga Au, ma ala so'ba Au do'e-do'e. Te se'kona, lita basa Au mandela-masa'ang, ma Au tao manada'di beuk-kala leme Masir ma neme moo solokaek-ka so.

MATEOS 4:7

Boema Yesus nataa nitu nae, “Tehu nai Susula Malalaok dale boeo nana sulak nae, ‘O boso so'ba o Lamatuam Manetualain.’ ”

LUKAS 16:2

Da'di nalo pegawi manape'da doik ndia ma nae, ‘Au amanene basa hata lala'ena la'eneu o so? Besak ia, fe au hala nafafa'da matetuk la'eneu o ue-le'dim ito-ato au su'i-beteng. O ta bole da'di au pegawi manape'da doing so'on.’

HATAHOLI 15:10

Na, tao le'e de besak ia emi nau la'ban Manetualain ninik emi fe hataholi mana tunga Lamatuak sila la, lulu'a-lelepa mabelaina ndia, te se'ko na ita bei ba'ikai nala, ma ita boeo, ta takalala'ok tabe'i fas?

HATAHOLI 5:6

Boema touana muli-solu kala ala mai de ala popoti la Ananias popola na de leu latoin.

ROMA 10:15

Ma tao leo beek fo hataholi hapu tui-benga halak ndia, metema hataholi sila ta nanadenu fa? Nai Susula Malalaok dale nanasulak nae leo ia, “Malole na seli, metema hataholi mai fo nini Hala Malole maneme Manetualai na mai!”

ROMA 3:19

Besak ia ita bubuluk basa, hoholo-lalanek fo nanasula basak nai agama Yahudi a hoholo-lalanen dale ndia, soaneu hataholi fo laso'da lai hoholo-lalanek ndia paleta na dae. No enok ndia, ta hapu hataholi esa boen, hapu fe ne'ek hata-hata so'on, ma Manetualain kalaak basa daebafa ka lala'ena.

1 KORINTUS 10:9

Ita ta bole so'ba-so'ba to Lamatua ka, sama leo makahulu na sila nggelok so'ba Lamatua ka de nalosa menge malaso ka ana kaa nisas.