HATAHOLI 5:5 - Susula Malalaok Hehelu Palak Ma Hehelu Beuk

⁵ Leondiak Ananias namanene dede'ak ndia, tutika ana bala neu de maten. Basa hataholi mana lamanene dede'ak ndia, ala bii lanseli.

HATAHOLI 5:5 ပူးပေါင်းရင်းမြစ်များ

2RAJA-RAJA 2:24

Elisa lipa leo dea neu, de nakanaes, boema ana soo-supas nenik Manetualain na'den-na. No hatematak ndia boe, meoasu ina dua, ala kalua leme nula dale mai, de ala sii-sii lulu'i ni'iana 42, neme ni'iana makadotok sila-la mai.

1 TAWARIKH 13:12

Tehu Dauk boeo ana bii Manetualain de nafa'da nae, “Besak ia tao leo bee fo au hapu ho'i eni Peti Hehelu-balataak ndia?”

1 TAWARIKH 15:13

Lelek Peti ndia nanalaliheok makasososan-na, emi ta ndia fo so'un fan. Hu ndia de Amak, fo ita Manetualain na huku ita, nana ita ta sene-do'ok kana ta nandaa no hihii-nanaun fa.”

MAZMUR 119:120

Au dele ngge'be-ngge'be nanahu au bii-amata'u neu O, au daleng-nga dele, la'eneu O nakeketum-ma.

MAZMUR 64:9

Mopo-mates, nanahu hala-kokolan-nala, basa hataholi fo, manalitas-sala, lakakale langa.

YEREMIA 5:14

Boema Manetualain Fo Manakoasa, nafa'da au nae, “Yeremia, hu kande hataholi sila-la kokolak lae leondia, de neukose soe-a la'es, fo tunga sila hahapun-na soona, neukose soe ndia ta da'di fa. Neukose Au akadada'dik au hala-kokolang sama leo ha'i nai o bafam dale. Fo leoina ia, neukose ana da'di ai ha'i, fo ha'i ndia na'a henis.”

YESKIAL 11:13

Au bei kokolak dede'ak sila-la te, no kaiboik, Pelaca tu'u neu, de maten. Boema au senek, de au aloo bou-bou ae, “Awi, Manetualain Fo Mademaina! Ade, O sanga taomisa la'iesak hataholi Israel fo, bei elak ia-la lala'en-na do?”

IMAMAT 10:3

Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

HATAHOLI 13:11

Besak ia meten te, neukose Lamatua ka huku-doki o! Neukose o da'di pokek, fo o ta mita le'do mata na, nai faik de'ubee dale na.” No hatematak ndia boe, Elimas name'da makamamasu nggeo ka potiketu mata na de nalosa ana la'ok nafangganggao sanga hataholi fo ana helan.

HATAHOLI 2:43

Hataholi kamahehele kala tao manda'di beuk makadotok nan, de basa hataholi la ala bee doo hiik ma ala bii lanseli.

HATAHOLI 5:13

Ma hataholi dea kala esa boeo ta napalani neu nakabubua no hataholi kamahehelek sila la fa. Tehu lau nala fe ha'da-holomata mangalalau neu hataholi kamahehelek sila la.

1 KORINTUS 4:21

Da'di hele ka'da hata fo emi mahii kana! Ade emi nau au ne'i fo au anoli emi no balakaik do au anoli emi no mangana'uk ma susue-lalaik do?

2 KORINTUS 13:10

Hu ndia de au sulak susulak ia nai lelek au beita nai emi tala'da heom fa. No enok ndia, mahani te metema au ne'i soona, ta paluu au tao heohaa napalani balakaik neu emi ninik au pake koasa fo Lamatua ka fen neu au a. Koasa ndia nanafek soaneu au afofo'a emi, te ta soaneu tao nakalulutuk fa.

2 KORINTUS 13:2

Hataholi lelek maneuk eli la, ala tao basa sala-singok ma basa hataholi fe'e kala boeo au fe basa balataak nakahuluk ndek lelek au donge-dama emi nai kala'i dua na. Besak ia lelek au bei doo ka o emi, au fe emi nasanene'da seluk ae, metema au ne'i seluk soona, ta hapu hataholi esa boen neme sila mai a, neukse latapo'i neme huhuku ka mai fa.

2 KORINTUS 7:11

Soba emi taoafik hata fo hapu nini buna-boak neme dale he'dik fo enok esa no Manetualain hihii-nanaun! Buna-boan nde ia, emi sanga enok te'e-te'e soaneu tao mamaneu kelupua ka! Emi makamu sala-singo ka, emi bii-mamata'u, emi mahiik, emi manggate, emi nau huku mana tao masala kala! Nai basa dede'ak ia la dalek, emi matu'du basa mae emi salam ta.

ULANGAN 13:11

Boema, basa leoina Israel-la lala'en-na, neukose lamanene la'eneu kanisak ndia, fo ala bii-lamata'u, nalosa hataholi esa boen, ta napalani tao tatao-nono'i mangalauk ndia so'on.

ULANGAN 21:21

Soona, touk manai kota ndia dalek-ka, ala muse tapalisa ni'iana ndia, nenik batu. No enok ndia, emi tao mamopo tatao-nono'i mangalauk ndia. De metema, basa hataholi Israel-la, ala lamanene manada'dik ndia soona, neukose ala bii-lamata'u.”

YOSUA 22:20

Mafandele, Akhan fo Zerah anan-na, ana ta nau tunga Manetualain paletan la'eneu bua-lo'as fo muse tao nakalulutuk-kasa, de mate'en-na beek da'di? Hataholi Israel-la lala'en-na nanahukuk. Fo masala-masingok-ka ka'da Akhan dei, tehu manamatek-ka, ta ka'da ndia mesak-kana fa!”

NINITAK 11:13

Boema nai lelek ndia, dae manggengo matuaina ana da'di. Kota ndia baba'ek esa neme baba'ek sanahulu nakalulutuk, de mate hataholi lifun hitu hu ka nde dae manggengok ndia. Hataholi fe'e kala bii lanseli, boema ala koa-kio Manetualain manai nusa so'da ka, matua-mademan.

NINITAK 11:5

Metema hataholi so'ba tao hata esa ta malole neu duas soona, ha'i kalua neme bafa nala mai fo ana tao namate-mopo musu nala. No enok leondia ka, basa hataholi fo ala nau tao lahe'dis neukose nanataonisak.