HATAHOLI 5:42 - Susula Malalaok Hehelu Palak Ma Hehelu Beuk

⁴² Tunga faik nai Manetualain Uman ma nai hataholi la uma nala, hataholi nadedenuk sila lanoli lakandoo, ma ala tui-benga Hala Malole la'eneu Yesus lae, Ndia nde Mane Mana Fe So'dak fo nanahelu ka.

HATAHOLI 5:42 ပူးပေါင်းရင်းမြစ်များ

2 SEMUEL 6:22

Nakalenak, au sadia basa, soaneu lakamumulu-lakamamaek au, lena seluk neme nakamumulu-nakamamaek na'kasa. O bole ka'da, mete makamamaek au, tehu na'kasa o seseik ata inak-kala, neukose ala fe ha'da-holomatak neu au!”

LUKAS 21:37

Yesus nanoli nai Manetualain Uman nai fai lele'do na, ma nai fai le'odae na, Yesus neu leo Pupuku Setu na neu fo nahele neme ndia.

LUKAS 22:53

Tunga faik Au o emi nai Manetualain Uman, te emi ta ho'u Au fa. Tehu fai na nde ia soaneu emi, faik fo nai bee makahatu ka ana koasa.”

HATAHOLI 11:20

Tehu nai hataholi kamahehelek sila la dalek, fo hataholi maleme Siprus ma Kirene mai a, sila de'ubee leu leo Antiokia leu, fo ala tui-benga Hala Malole la'eneu Lamatuak Yesus neu hataholi ta Yahudi la boe.

HATAHOLI 13:32

Da'di besak ia, ami manduku-malosak Hala Malole ndia neu emi: Hata fo Manetualain helu basan neu ita bei ba'ikai nala,

HATAHOLI 17:18

Nakabua Epikuro sa mese nala lo nakabua Stoa mese nala boeo, lase'i lo Paulus. Sila hataholin nggelok lae, “Hataholi ia bubuluk beek? Malela nala ka'da faanak mesan, tehu bafa na soona, loa na seli!” Sila hataholin nggelok soona lae, “Me'dan te ana tui-benga leoina fe'e kala nitu lalai nala nde ndia.” Ala kokolak lae leondia nana Paulus kokolak la'eneu Yesus, ma la'eneu hataholi a ana mate, tehu naso'da falik.

HATAHOLI 17:3

Ana pake Susula Malalao ka isi-liin fo nafa'da mangalele'do ma ana fe buti nae, Mane Mana Fe So'dak fo Manetualain helu ka, Ana muse doidoso, ma naso'da falik neme mamate sa mai. Paulus nae, “Yesus fo au tui-bengan neu emi ndia, nde Mane Mana Fe So'dak fo nanahelu ka”

HATAHOLI 2:46

Tunga faik lakabubua tataas esa nai Manetualain Uman dale, ma la'a-linu lakabubua no namahokok, ma lasue-lalai ao nai uma lo nala dalek.

HATAHOLI 20:20

Tolanoo kala bubuluk basa, au ta hiapenge tui-benga neu emi, hata fo masosoa-ndandaak ba'eneu emi. Au anoli emi nai mamana nakabua matua la, ma nai uma puni sa'e-sa'e kala.

HATAHOLI 4:20

Nana ami ta bisa hahae kokolak la'eneu hata fo ami mitan ma ami mamanene matam fa.”

HATAHOLI 4:29

Besak ia Lamatuak, mita kasa lakabibiik tao ami le'e ia so. Fe ami fo atam ia la loak soaneu tui-benga O dede'a-kokolam boso no bibii-namata'uk.

HATAHOLI 8:35

Boema Felipus ana mulai kokolak. Ana pake lalanek sila la da'di neu tutui-bebenga makasososak, fo ana tui-benga Hala Malole la'eneu Yesus neu pegawi matua-madema ndia.

HATAHOLI 8:5

Felipus neu leo kota Samaria neu de ana tui-benga Mane Mana Fe So'dak fo Manetualain helu ka neu hataholi manai naa la.

HATAHOLI 9:20

Tutika neu leo uma mamaso kala de ana mulai tui-benga nae, Yesus ndia nde bee na Manetualain Anan.

1 KORINTUS 2:2

Nana au aketu basa ae, nai lelek fo au bei sama-sama o emi a, au ta kokolak hata-hata fa, te au kokolak la'eneu Yesus Kristus fo nanalona-nggange nisak ndia.

GALATIA 1:16

Manetualain natu'du Ana na neu au, fo ela au tui-benga Hala Malole la'eneu Anan ndia neu hataholi ta Yahudi la. Lelek ndia, au ta oke nanoli-nafa'dak neme hataholi esa mai boen.

GALATIA 6:14

Tehu au ta nau amatutua-amadedema hata esa makandondook boen, ta'da fe'e ka'da ita Lamatuan Yesus Kristus, fo Ana mate nanalona-nggange basa ka so. Nana, hu ka nde ala lona-nggange lisan ndia de, daebafa ka sosoa-ndandaan ta ba'eneu au so. Nonoo ka bai de, au mate basa soaneu daebafa ka so boe.

2 TIMOTIUS 4:2

ela leo bee na, o tao mamaloa halak fo maneme Manetualai na mai a, ma boso hahae sanga enok, fo ela hataholi la lamanenen, nana hataholi nggelok nau lamanene ma nggelok ta nau lamanene fa. Ela leo bee na mafa'das fo lamahele, mafa'da sala nala, matetea-maheheles. Boso manoli hataholi no nasak.