HATAHOLI 5:19 - Susula Malalaok Hehelu Palak Ma Hehelu Beuk

¹⁹ Tehu le'odae boema, Lamatua ka ata nusa so'dan esa ana soiheni uma bui a lelesu na de no Lamatua ka hataholi nadedenun sila la leo deak leu. Ata nusa so'dak ndia, nafa'da Lamatua ka hataholi nadedenun sila la nae,

HATAHOLI 5:19 ပူးပေါင်းရင်းမြစ်များ

MAZMUR 146:7

Ana nasala'e hataholi nanatuni-ndenik-ka hak-ka, ma Ana fe hataholi kamala'ak-ka, na'a. Manetualain soi-po'i, basa hataholi nanahukuk-kala,

MAZMUR 34:7

Hataholi ua-nale ta malole-a, naloo bou-bou, de Manetualain nataan, Ana soi-po'in neme makase'en lala'ena mai.

YESAYA 61:1

Manetualain Fo Mademaina, koasan-na nai au dalek; Ana hele au, de nadenu au soaneu au uni hala malole-a, neu hataholi nuu taa-hata taak-ka, ma tao alea-ahai hataholi fo, dalen-na nakalulutuk; soaneu po'a-benga neu hataholi nanahukuk-kala ae sila nanasoi-po'ik no lai-laik, ma neu hataholi manai bui dale-la ae neukose sila nanasoi-po'ik.

DANIAL 3:28

Boema manek-ka nae, “Kokoa-kikiok ba'eneu Manetualain fo Sadrakh, Mesakh ma Abednego sene-do'ok-ka. Nadenu ata nusa so'dan-na mai soi-tefa-na ata ka telun fo lamahele neun ndia. Ala la'olena au paletang-nga so, de lahiik mate neme ala sene-do'ok do lamahele neu lamatua daebafak bee boe, te lamahele ka'da neu sila Manetualain mesak-kana.

MATEOS 1:20

Tehu nai lelek fo Yusuf bei dudu'a-dodoo dede'ak ndia te, nalame'i me'is esa. Nai me'is ndia dalek, nita Lamatua ka ata nusa so'dan esa nafa'dan nae, “Yusuf, fo Dauk tititi-nonosin; Boso bii ka'bing mo Maria; te nailu ni'iana ndia ana da'di neme Manetualain Dula Dale na koasa na mai.

MATEOS 1:24

Yusuf fo'a boema, ana tao tunga hata fo Lamatua ka ata nusa so'dan ndia nafa'da neun nana. Boema ana kabing no Maria leona.

MATEOS 2:13

Hataholi malela nduuk sila la la'o boema, Lamatua ka ata nusa so'dan esa natu'du ao na neu Yusuf nai me'is esa dalek nae, “Herodes tutu'u basa, ana sanga ni'iana ndia fo ana sanga taonisan. Hu ndia de fo'a leona, fo malai mo ni'iana ndia no inan leo Masir meu. Leo mahele meme naa, losa Au kokolak seluk o emi.”

MATEOS 2:19

Mate basa Herodes boema, Lamatua ka ata nusa so'dan esa natu'du ao na neu Yusuf neme Masir nai me'is esa dalek nae,

MATEOS 28:2

Boema no kaiboboi anak de dae a nanggengo matua ina. Lamatua ka ata nusa so'dan esa kona neme nusa so'da ka mai, boema ana loli heni late sa batu kekena na, de nangatuuk neu lain.

LUKAS 1:11

No kaiboik, Manetualain ata nusa so'da na natu'du ao na neu Zakharia. Ata nusa so'dak ndia napadeik nai mei tutunu boomini ka boboa kona na.

LUKAS 2:9

No kaiboik Manetualain ata nusa so'da nala, latu'du ao nala neus, ma masa'a ka nangale'do neme Manetualain mai de nangale'do nalas, boema ala bii lanseli.

HATAHOLI 10:3

Faik esa boema, fafa'kama la'e li'u telu lele'do na, boema nita no mangale'dok nai ninitak esa dalek, Manetualain ata nusa so'dan esa mai de nalon nae, “Kornalius!”

HATAHOLI 12:23

No hatematak ndia boe, Lamatua ka ata nusa so'da na fapa Herodes, nana ana ta fe ha'da-holomata neu Manetualain fa. Boema kalati kala la'a Herodes de maten.

HATAHOLI 16:26

No kaiboboianak, dae nanggengo matuaina, de nalosa uma bui nanggengo. Boema lelesu bui a basa-basas latahuka, ma namosina nanapa'ak neu hataholi bui la bukahenis.

HATAHOLI 27:23

Nana Manetualain fo au sene-do'o ka, fo nde Manetualain mana manuu au a, le'odae ka nadenu atan esa mai,

HATAHOLI 8:26

Lamatua ka ata nusa so'dan esa nafa'da Felipus nae, “La'o lai-lai leo kona mu fo tunga enok mana tuti Yerusalem no Gaza.” Enok ndia nee nee-lino lino.