HATAHOLI 5:14 - Susula Malalaok Hehelu Palak Ma Hehelu Beuk

¹⁴ Ma tunga faik, hataholi ba'u ka boetai lamahele Lamatua ka — nau touk do inak boe.

HATAHOLI 5:14 ပူးပေါင်းရင်းမြစ်များ

2 SEMUEL 6:19

Basa boema, ana baba'e fe basa-basas nana'ak. Basa hataholi manai sila-la, nau touk do inak boe, ana fe esan-na, paa nanadalak biak esa, loti ma koki kismis. Basa ndia boema, basa-basas fali le'us leo esa-esak uman neu.

EZRA 10:1

Lelek Ezra hule-haladoi boema, ana kii ma ana manaku sala-singon nai Manetualain Uman-na matan-na, boema hataholi Israel makadotok nanseli, ala mai, de lakabubua, nau touk do inak, ma ni'iana boe. Ala okofeo-lan, boema ala dola-dola mesan.

NEHEMIA 8:2

Boema Ezra neni susulak ndia leo nakabuak dale neu, fo nai ndia hapu touk, inak ma ni'iana fo lalelak so.

KELUARAN 35:22

Su'di see fo anan nau, nau touk do inak boe, ana mai fo neni faneti balias, lolo'ek, ndeli, henu, ma basa balias lilopilas mata-matak lala'en-na fo tunu-hotun soaneu Manetualain.

YESAYA 45:24

Neukose hataholi-la, lafa'da lae, ‘Ndoos ma matetuk-ka, ma be'i-balakaik, ka'da neme Manetualain mai!’ Basa hataholi fo, ta lahiik Au fa, neukose ala mai leo Au mai, fo ala hapu mamaek.

HATAHOLI 11:24

Barnabas ia, hataholi dale malole ma Manetualain Dula Dale na koasa nan, boema namahele nanseli neu Lamatua ka, de nalosa hataholi makadotok tunga Lamatua ka.

HATAHOLI 2:41

Hataholi ba'u lamahele Petrus hala kokolan sila la. Tutika loke salanis leona. Faik ndia dale na, tama seluk hataholi kamahehelek lifun telu.

HATAHOLI 2:47

Ala koa-kio Manetualain tataas esa, de nalosa basa hataholi la dale na loa-loak mesan los. Hu ndia de, tunga faik hapu hataholi mana tukatei-saledale kala boetai lamba'u ka, de nalosa hataholi kamahehele kala, dede'u nala boetai tama lakandoo.

HATAHOLI 22:4

Au tuni-ndeni hataholi mana tunga nanoli beuk ndia de nalosa mates. Basa-basas lala'ena, nau touk do inak boe, au ho'u alas fo au taos leo bui dale leu.

HATAHOLI 4:4

Tehu hataholi mana mamanene Lamatua ka hataholi nadedenu kaduan sila nanoli nala, ba'u ka lamahele. De dede'u nala boetai lamba'u ka. Fafa'ka ma, losa hataholi lifun lima.

HATAHOLI 6:7

No enok ndia, Manetualain dede'a-kokolan boetai namaloa ka, ma hataholi mana tunga Yesus manai Yerusalem-mala boetai lamba'u ka. Ma imam ba'u ka lamahele Yesus.

HATAHOLI 8:12

Tehu Felipus tui-benga fe hataholi sila la Hala Malole la'eneu tao leo beek de Manetualain paleta leo Mane ka, ma la'eneu Yesus Kristus fo Mane Mana Soi-Tefak ndia. Boema hataholi la lamahele Felipus tutui-bebengan ndia de ala salanis, nau touk do inak boe.

HATAHOLI 8:3

Tehu Saulus ka'da ana sanga enok nakandoo, fo ana tao nakalulutuk salani kala. Neme uma esa leo uma esa neu, fo ana lele'a-loloso hataholi kamahehele kala nau inak do touk boe leme uma dale mai, boema ana taos leo bui dale leu.

HATAHOLI 9:2

de noke susula koasa fo neu leo hataholi Yahudi la uma mamason manai Damsyik-ka mauli-malanga nala neu. Fo sue ka nde metema natongo no hataholi mana mamahele neu Yesus nai naa soona, ana ho'u nas fo nos leo Yerusalem leu.

HATAHOLI 9:31

Boema hataholi salanik manai basa Yudea, Galilea, ma Samaria lala'ena, dale nala tesa-tama. No Manetualain Dula Dale na tutulu-fafalin, ma no bii neu Lamatua ka, de hataholi salanik sila la boetai latea-lahele ma boetai lamba'u.

HATAHOLI 9:35

Basa laun manai Lida ma Saron lita Eneas boema, basa-basas lamahele Lamatua ka.

HATAHOLI 9:42

Dorkas naso'da falik ndia, tutui na nakapepela leo basa Yope lala'ena neu, de nalosa hataholi makadotok lamahele Yesus da'dileo sila Mane Mana Fe So'da na.

2 KORINTUS 6:15

Hapu nai bee, Kristus nala halak no Nitu a. Hu ndia de, ta hapu nai bee hataholi kamahehele ka sama no hataholi kamahehele ta ka?

GALATIA 3:28

Nai dede'ak ia dalek, hataholi Yahudi no hataholi ta Yahudi, ata no malanga na, ma tou ka no ina ka, sama so. Emi basa-basa mala da'di esa, hu ka nde Kristus Yesus.