HATAHOLI 4:10 - Susula Malalaok Hehelu Palak Ma Hehelu Beuk

¹⁰ Naa, Tuan-tuan nasa muse bubuluk ma basa hataholi Israe la boeo muse bubuluk te besak ia, hataholi ia napadeik nai Tuan-tuan nala matan no so'da-molek nana be'ibalakaik ma koasa neme Yesus Kristus fo hataholi Nazaret ndia. Tuan-tuan nala lona-nggange basa Yesus ndia so, tehu Manetualain tao naso'da fali kana.

HATAHOLI 4:10 ပူးပေါင်းရင်းမြစ်များ

DANIAL 3:18

Tehu leomae Ana ta tao fan boe, ela leo been-na Ama Manek bubuluk te neukose ami ta sene-do'ok neu Ama Manek lamatua daebafan-na, ma sene-do'ok neu Ama Manek dodoki-dudula lilopilan ndia fa.”

MATEOS 2:23

Ana leo neme kota esa nai ndia na'de Nazaret. No enok ndia, hata fo nabi la lafa'dan la'eneu ni'iana ndia, ana da'di: “Neukose loken soona lae, Hataholi Nazaret.”

LUKAS 18:37

Lafa'dan lae, “Yesus fo hataholi Nazaret ndia, Ana tunga ia.”

HATAHOLI 2:32

Yesus ia, nde Manetualain tao naso'da fali kana neme mamate sa mai. Fo ami basa-basa mala ia, nde sakasii matam dede'ak ndia.

HATAHOLI 2:36

Hu ndia de basa hataholi Israe la muse ala bubuluk te'e-te'e, te Yesus fo emi lona nggangek ndia, Manetualain taon da'di Lamatuak, ma Mane Mana Fe So'dak!”

HATAHOLI 28:28

Mate'e na boema Paulus nafa'das nae, “Tolanoo kala muse bubuluk te, besak ia halak la'eneu maso'dak maneme Manetualain mai a, nanatui-benga basak neu leoina fe'ek fo hataholi ta Yahudi la, de ala tungan so!”

HATAHOLI 3:6

Tehu Petrus nafa'dan nae, “Au doing ta sen esa boen. Tehu hata fo au anuun soona, neukose ndia nde au fen neu o a: No Yesus Kristus, fo hataholi Nazaret ndia koasa na, la'ok leona!”

ROMA 1:4

tehu tunga Dula Dale ka soona, Manetualain Anan Yesus Kristus ndia. Fo ta'du-tanan nde, no Manetualain koasa matuaina na de, naso'da falik neme mamate sa mai.