HATAHOLI 3:16 - Susula Malalaok Hehelu Palak Ma Hehelu Beuk

¹⁶ Tolanoo kala mitan, ma emi mita hata da'di neu hataholi lu'uk ia so. Hataholi lu'uk ia, ana da'di hataholi balakaik, boema ana lea-hai so, nana namahele Yesus ma koasa na. Hu ka nde hataholi ia namahele Kristus, de ana lea-hai nai tolanoo kala basa-basam matan so.

HATAHOLI 3:16 ပူးပေါင်းရင်းမြစ်များ

MATEOS 14:29

Yesus naen nae, “Mai leona.” Boema Petrus kona neme ofak lain mai, de ana la'ok tunga oe lain fo neu leo Yesus neu.

MATEOS 9:22

Hatematak ndia boe, Yesus lipa leo dea neu, de nita inak ndia boema, nafa'dan nae, “Matetea o dale ma leon ana ngo! Hu ka nde o mamahele au de, o hai so!” No hatematak ndia boe, inak ndia hai.

YOHANIS 14:12

Au dede'ang ia tete'e ka la'en: See namahele Au soona, neukose ana tao hata fo Au tao basa kala so, — lena-lenak ana tao dede'a matua lena seluk bai — nana Au u leo Ama ka u.

YOHANIS 7:23

Metema emi tao enok ndia, fo daenga emi boso la'olena Musa nakaneneten la'eneu suna ta soona, tao le'e de emi mamanasa Au, nana Au akahahaik hataholi nai fai Saba ta?

HATAHOLI 14:9

Tou lu'uk ia boeo nangatuuk nai ndia fo namanene Paulus kokola na. Paulus nita tou lu'uk ndia namahele te'e-te'e de ana bisa lea-hai. Paulus meten,

HATAHOLI 16:18

Faik de'ubee dale na inak ndia eki nakandoo nae leondia. Boema Paulus namanasa, de nalosa ana lipa leo dea neu de nafa'da dula dale mangalauk ndia nae, “No Yesus Kristus na'de na, au paleta o, fo kalua meme inak ia dalek mai leona!” No hatematak ndia boe, dula dale mangalauk ndia kalua neme inak ndia dalek mai.

HATAHOLI 3:6

Tehu Petrus nafa'dan nae, “Au doing ta sen esa boen. Tehu hata fo au anuun soona, neukose ndia nde au fen neu o a: No Yesus Kristus, fo hataholi Nazaret ndia koasa na, la'ok leona!”

HATAHOLI 3:8

Touk ia nakaboku de napadeik, boema ana la'ok neu mai. Basa boema ana sama-sama no Petrus no Yohanis de leu leo Amak Manetualain Uman dale leu. Ana la'ok ma nakaboboku, boema ana koa-kio Manetualain.

HATAHOLI 4:10

Naa, Tuan-tuan nasa muse bubuluk ma basa hataholi Israe la boeo muse bubuluk te besak ia, hataholi ia napadeik nai Tuan-tuan nala matan no so'da-molek nana be'ibalakaik ma koasa neme Yesus Kristus fo hataholi Nazaret ndia. Tuan-tuan nala lona-nggange basa Yesus ndia so, tehu Manetualain tao naso'da fali kana.

HATAHOLI 4:30

Fe O tutulu-fafalim mai, fo ela hataholi kamahe'dis ala lea-hai, ma manda'di beu kala boema dede'a matua ina la ala da'di tunga O atam Yesus fo malalao-malalafuk ndia na'de na.”

HATAHOLI 4:7

Boema lo Petrus no Yohanis leu lataa mauli-malangan sila la de latane duas lae, “Eno na tao leo beek de emi tao mahai hataholi lu'uk ndia? No be'ibalakik do no koasa neme see mai, de emi tao dede'ak ndia?”

ROMA 3:22

metema hataholi daebafa ka nau malole falik lo Manetualain soona, muse lamahele Yesus Kristus. Manetualain tao leondiak fo hataholi daebafa ka lamahele Yesus Kristus, nana basa-basas matak esa:

1 KORINTUS 13:2

Leomae au tui-benga alelak Manetualain dede'a-kokolan ma au alelak basa dede'a nanabibila-babaa kala, ma au bubuluk basa hata lala'ena, boema au amahele anseli neu Manetualain, nalosa au adenu lete kala fo ala keko, tehu au ta sue-lai hataholi fe'ek fa soona, basa sila la sosoa-ndandaan ta.

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.