HATAHOLI 27:34 - Susula Malalaok Hehelu Palak Ma Hehelu Beuk

³⁴ Hu ndia de, au oke tolanoo kala mi'a-minu faa dei. Ndia malole soaneu emi, fo ela emi ao ma balakai. Nana neukose tolanoo kala basa-basam maso'da beno'u, ma ta kulang hata esa boen.”

HATAHOLI 27:34 ပူးပေါင်းရင်းမြစ်များ

1RAJA-RAJA 1:52

Salomo nataa nae, “Metema ana tao malole soona, neukose ndia ta nanahukuk faa anak boen; tehu metema ana tao mangalauk soona, ndia muse nanataonisak.”

MATEOS 10:30

Langa dook manai emi langam lai na, nanaleke basak so.

MATEOS 15:32

Basa boema Yesus nalo na ana mana tunga nala de nafa'das nae, “Au dale nga tu'da neu hataholi makadotok ia la. Faik telu dale na, ala sama-sama lo Au, de besak ia basa nana'a nala so. Au ta nau po'ilota kasa fali lo tei lou nala fa, te boso nalosak ala sapala'o nai enok.

LUKAS 12:7

Langadook manai emi langam lai na boeo, basa-basan nanaleke basak so. Hu ndia de boso bii, nanahu emi beli ma ba'u lenaheni manupui daiana sila la mai!”

LUKAS 21:18

Tehu neukose ta mopo emi langadoom dook esa boen neme emi langam lain mai fa.

HATAHOLI 27:33

Nai lelek fo beita dulufula boen te Paulus nafa'da basa-basas fo la'a-linu. Paulus nae, “Faik sanahulu ha dale na, tolanoo kala basa-basa mala mahani no dale ma ta tesa-tama fa, ma tolanoo kala ta mi'a minu hata esa boen.

FILIPI 2:5

Ela leo bee na, emi heheo-hihilum ma ha'da-tataom sama na leo Yesus Kristus:

1 TIMOTIUS 5:23

Boso minu ka'da oe mesa kana; minu angol faa fo matoto'bi o tei dalem, nana nasi'a o mamahe'di.

SEMUEL SUSULAK-KA ESAN-NA 14:45

Tehu laun-na nafa'da Saul nae, “Ade Yonatan muse nanahukunisak do? Te se'kona ndia nde neni sesengik matuaina ia? Ta! Ami maheluk pake Manetualain fo maso'dak-ka na'den-na, mae ta bole mopo Yonatan langa doon esa boen, neme langan lain mai fa. Nanahu no Manetualain nde tutulu-fafalin de, ana hapu sesengik nai faik ia.” No enok ndia, laun-na soi-nala Yonatan neme mamates-sa mai.