HATAHOLI 27:24 - Susula Malalaok Hehelu Palak Ma Hehelu Beuk

²⁴ de nafa'da au nae, ‘Boso bii Paulus! Te neukose o muu mataa Kese la. Ma hu no Manetualain dale malole na neu o de basa hataholi manai ofak ia lai na laso'da beno'u nanahu o.’

HATAHOLI 27:24 ပူးပေါင်းရင်းမြစ်များ

KEJADIAN 12:2

Neukose, Au fe o tititi-nonosik makadotok, fo neukose, ala da'di leoina matuaina. Neukose, Au ba'e-pala o, ma Au fe o na'dem-ma nanakoa-nanakiok, nalosa neukose, o da'di baba'e-papalak.

KEJADIAN 15:1

Basa ndia boema, Abram hapu ninitak, de namanene Manetualain nafa'dan nae, “Boso bii, Abram, te neukose, Au asulu-ahapa o neme soe-a mai, ma Au fe o ngga'di matuaina.”

KEJADIAN 19:29

Leondiak, lelek Manetualain tao namopo-namate kota sila-la nai bafak fo nai bee, Lot leo, Manetualain nafandele neu Abraham, ma Ana tulu-fali Lot, fo nalai.

KEJADIAN 30:27

Laban nafa'dan nae, “Mamanene dei: te au hapu hala nafa'da elak, nae hu kande o, de Amak-ka ba'e-pala basa au so.

KEJADIAN 39:23

Malanga bui ndia ta nanea basa hata lala'en fo nanafek neu Yusuf so'on, nanahu Manetualain tulu-falin, nalosa ana hapu buna-boan nai basa ue-osan lala'en-na dalek.

KEJADIAN 39:5

Mulai hatematak ndia, hu kande Yusuf de Manetualain ba'e-pala hataholi Masir ndia uma loon, ma basa hata-heton lala'en-na, nau manai uma do manai tina osi boe.

KEJADIAN 46:3

Manetualain nae, “Au Manetualain, Manetualain fo o amam sene-do'ok-ka. Boso bii soaneu muu leo Masir muu. Neukose Au tao o tititi-nonosim da'di leoina matuaina nai naa.

1RAJA-RAJA 17:13

Elia nafa'dan nae, “Ina, dale ma boso ba'ihana! Ina do'de-nasu soaneu Ina ma Ina ana ma. Tehu nakahuluk neme ndia mai, tao makahuluk loti anak esa neme ha'desopuk ma mina faa anak ndia fo menin leo ia mai.

2RAJA-RAJA 6:16

Boema Elisa nataa nae, “Boso bii. Te mana nok ita, de'u lena mana nok sila.”

AYUB 35:8

O sala-singom, ka'da tao nakatutu'dak o nonoo hataholim-ma. Ndia boeo, nde hapu nanalak neme o malolem-ma mai.

DANIAL 2:24

Basa ndia boema Danial neu leo Ariokh, fo ana hapu basa paleta soaneu taonisa basa hataholi malelaina manai Babel-la. Danial nafa'dan nae, “Boso taomisa hataholi malelaina sila-la. Moo au leo manek-ka neu, nana au sanga afa'da manek-ka me'is ndia sosoa-ndandaan.”

MIKHA 5:7

Hataholi Israel fo ala bei leo lai leoina-la tala'da, neukose sama leo meoasu nai bana manai nula-la tala'da, do nai bi'ilopo bubuak manai moo mana'uk-ka. Meoasu ndia neu leo bi'ilopo bubuak ndia tala'da heon neu, fo ana heheta-aa'i ma ana sisii-lulu'i. Ta hapu manasoi-po'i fo soi-po'i bi'ilopo sila-la fa.

MATEOS 10:18

Neukose lo emi meu mataa mana koasa la, mane-mane kala, nana Au ana mana tungang emi. Soona nai ndia nde emi hapu loak soaneu emi fe sakasii la'eneu Au soaneu hataholi manai sila la, ma hataholi fo ta lalelak Manetualai na fa.

MATEOS 10:28

Boso bii neu hataholi kanisa ao paa ka, nana sila ta lanuu koasa, fo tao lisa samane ka fa. Bii neu ka'da Manetualain, fo nanuu koasa taonisa la'iesak emi ao paa samanem nai tasi ha'ik dale.

YOHANIS 11:9

Tehu Yesus nafa'das nae, “Ade fai lele'do ka dodoo na, ta li'u sanahulu dua fa do? Hataholi manala'ok nai fai lele'do na ta nakatunu fa, ninik nita mangale'do daebafak ia.

HATAHOLI 19:21

Basa manda'dik sila la late'e boema, Paulus ho'i nakeketuk fo neu leo Makedonia ma Akhaya neu, fo basa soona, nakandoo leo Yerusalem neu. Paulus nae, “Au u leo naa u fo basa soona, au muse u leo Roma u boe.”

HATAHOLI 23:11

Balahaa le'odae boema, Lamatuak Yesus napadeik neu Paulus boboa na de nafa'dan nae, “Matetea-mahehele o dale ma! Te o fe basa sakasii la'eneu Au neme Yerusalem so, de neukose o muse fe sakasii leondia ka nai Roma boe.”

HATAHOLI 25:11

Metema au la'olena hoholo-lalanek do au tao salak esa nandaa huku nisa au, soona au hii au mate. Tehu metema sila kalaan sila la, ta tete'e ka fa soona, ta bole hataholi esa boen fe au leo hataholi sila la neu fa. Au oke palisak au dede'a nga nai Kese la mana maketu-mala'di nala!”

HATAHOLI 27:31

Tehu Paulus nafa'da malanga solda'du matuaina no solda'du ana kala nae, “Metema ofa isi la ta lahele leme ofak ia lain fa soona, tolanoo kala basa-basa mala ta maso'da fa.”

HATAHOLI 27:37

Hataholi natun dua hituhulu ne lai ofak ndia lain.

HATAHOLI 27:42

Boema solda'du ana kala bedoo lae, ala sanga taolisa la'iesak hataholi nanatahan manai ofak lai na, nana ala bii boso nalosak nggelok suik leo ma'dak lain leu fo lalai.

HATAHOLI 27:44

ma mana sui malela tak bee soona, ana ho'i papak do ofa ka bibia nala fo ana suik leo ma'dak lain neu. Ami basa-basa mala tunga malanga solda'du matuaina ndia paleta na de ami losa ma'dak lain no so'dak.

HATAHOLI 9:15

Tehu Lamatua ka nafa'da Ananias nae, “Ka'da mu leona! Nana Au hele basa hataholi ndia soaneu nalalau-naoono Au, ma ana tui-benga Au neu leoina fe'ek fo ala beita masok agama Yahudi a fa, ma neu mane-mane kala, boema neu Au hataholi kamaheheleng Israel ngala boe.

FILEMON 1:22

Au amahena tolanoo ka sadia fe au kama esa nai tolanoo ka umam, nana au amahena Manetualain sipok emi basa-basa mala huhule-haladoim, fo no falik au leo emi neu.

YAKOBIS 5:16

Hu ndia de, ela leo bee na, esa nafa'da sala na neu esa, ma esa hule-haladoi fe esa, fo ela emi hapu lea-hai. Hataholi fo ana hule-haladoi tunga Manetualain hihii-nanau na, nanuu koasa matua ina.

NINITAK 1:17

Lelek au itan boema, au bala u mata na nono'kabai hataholi manamate ka. Tehu Ana fua lima kona na neu au lain boema nae, “Boso bii! Au nde makasososak ma mate'ek.