HATAHOLI 27:1 - Susula Malalaok Hehelu Palak Ma Hehelu Beuk

¹ Laketu basa lae, ami muse sa'e ofak leo Italia meu boema, ala fe Paulus no hataholi nanatahan de'ubee leo Yulius fo solda'du Roma la malanga matuaina na fo loken soona lae, “Resimen Kesel.”

HATAHOLI 27:1 ပူးပေါင်းရင်းမြစ်များ

KEJADIAN 50:20

Emi malahalak basa soaneu tao mangalauk neu au, tehu Manetualain nggati mangalauk ndia nenik malole, fo ela no manada'dik makahulun ndia, hataholi maso'dak makadotok, hapu nanasoi tefak.

MAZMUR 33:11

Tehu Manetualain dale tutu'un-na nakatatakak nahele, dale tutu'un-na, matea-mahelek losa dodo-na.

MAZMUR 76:10

Lelek O fo'a mapadeik fo O sanga maketu-mala'di, fo soi-tefa-mala hataholi nanatuni-ndenik manai daebafak-ka.

AMSAL 19:21

Hataholi daebafak-ka, nanuu dale tutu'uk makadotok, tehu ka'da Manetualain nde naketu, fo ana da'di.

RATAPAN 3:27

malole lenak ata tanoli fo ata da'di manamakatatakak nai lelek bei muli-soluk.

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

MATEOS 27:54

Malanga solda'du a no solda'du mana manea Yesu sa, ala bii lanseli, nai lelek lita daebafa ka nanggengo ma basa manda'dik sila la. Boema lae, “Tete'e ka Hataholi ia, Manetualain Anan!”

LUKAS 23:47

Lelek malanga solda'du matuaina nita basa hata fo ana da'di ndia boema, ana koa-kio Manetualain. Boema nafa'da nae, “Tete'e ka, Hataholi ia salan ta!”

LUKAS 7:2

Nai ndia hapu malanga solda'du Roma nanuu ata esa fo ana sue nan ba'u na seli. Ata ndia namahe'di de hihii maten.

HATAHOLI 10:1

Hapu touk esa nai Kaisarea na'de Kornalius. Touk ia Kaptein nai “Solda'du Italia”.

HATAHOLI 10:22

Boema lae, “Kaptein Kornaliu sa nde nadenu ami mai leo ia mai a. Hataholi ndia dale na malole, ma ana fe ha'da-holomata neu Manetualain, boema basa hataholi Yahudi la fe ha'da-holomata neun. Manetualain ata nusa so'dan esa nadenun fo noke Tuan neu leo uman neu, fo ana da'di neu natataak esa soaneu huhule-haladoin, ma ata nusa so'dak ndia nadenun fo namanene hata fo Tuan sanga nafa'da neun.”

HATAHOLI 16:10

Paulus nita basa ninitak ndia tutika, ami mahehele aom fo ami meu leo Makedonia meu. Nana ami mamahele Manetualain nadenu ami meu tui-benga Hala Malole ndia, neu hataholi manai naa la.

HATAHOLI 18:2

Ana losa ndia boema, natongo no hataholi Yahudi esa na'de Akwila, neme nusa Pontu sa mai. Akwila no saon Priskila besa ka leme Italia mai. Ala leo Korintus leu nana, Kesel Klaudiu sa nadenu basa hataholi Yahudi la kalua leme nusa Roma mai. Boema Paulus neu donge-dama duas,

HATAHOLI 19:21

Basa manda'dik sila la late'e boema, Paulus ho'i nakeketuk fo neu leo Makedonia ma Akhaya neu, fo basa soona, nakandoo leo Yerusalem neu. Paulus nae, “Au u leo naa u fo basa soona, au muse u leo Roma u boe.”

HATAHOLI 21:32

Tutika malanga solda'du ndia no solda'du la malanga matuainan de'ubee lo solda'du ana kala de lalai leo mamana tasi'bu leu. Nai lelek fo hataholi makadotok sila la lita malanga solda'du a no solda'du nala mai boema, ala hahae fepa Paulus.

HATAHOLI 22:26

Malanga solda'du matuaina ndia namanene dede'ak ndia boema, neu leo malanga solda'du neu de nafa'dan nae, “Ade ama sanga tao beek ia? Hataholi ia nusa Roma laun ndia!”

HATAHOLI 23:11

Balahaa le'odae boema, Lamatuak Yesus napadeik neu Paulus boboa na de nafa'dan nae, “Matetea-mahehele o dale ma! Te o fe basa sakasii la'eneu Au neme Yerusalem so, de neukose o muse fe sakasii leondia ka nai Roma boe.”

HATAHOLI 23:17

Boema Paulus nalo na malanga solda'du matuaina esa de nafa'dan nae, “Mo ni'iana ia leo malanga solda'du neu, te sanga nafa'dan dede'ak.”

HATAHOLI 24:23

Boema ana paleta malanga solda'du matuaina fo mana manea Paulu sa tahan nahele Paulus, tehu fen loak faanak, ma fe nonoo nala loak fo lini fen hata fo ana paluun.

HATAHOLI 25:12

Festus nakokolaok no basa ndia lasi-lasi nala boema nae, “O moke palisak o dede'a ma nai Kese la mana maketu-mala'din, da'di o muse mu mataa Kese la.”

HATAHOLI 25:25

Tehu au ta hapu hataholi ia tao salak hata esa boen fo nandaa huku nisa fan. Ma hu ka nde noke aon fo Kese la mana maketu-mala'di nala nde laketu dede'a na de aketu basa, haituan leo Kese la neu.

HATAHOLI 27:11

Tehu malanga solda'du matuaina ndia namahele ka'da mana ho'u uli no kaptei na lenaheni Paulus hala-kokolan.

HATAHOLI 27:43

Tehu malanga solda'du matuaina tanau fa, nana ana nau Paulus naso'da. Boema nadenu basa hataholi mana suik malela kala fo lakaboku lakahuluk leo tasi dale leu fo ala suik leo ma'dak lain leu,

HATAHOLI 27:6

De nai ndia, malanga solda'du matuaina, ana hapu ofak esa neme Aleksandria mai, fo sanga neu leo Italia neu. Boema ala nggati ami leo ofak ndia lain meu.

HATAHOLI 28:1

Ami losa ma'dak lain besa ka ami bubuluk pulu ndia na'de pulu Malta.

HATAHOLI 28:16

Lelek ami losa Roma boema, ala nau Paulus mesa kana leo fe'e, de ala fe solda'du esa nanean.

IBRANI 13:24

Manduku-malosak ami nate'a ma neu basa emi mauli-malanga mala, ma neu basa Manetualain hataholi kamahehele nala. Boeo sipo ma nate'ak neme ita tolano-tolanoon manai Italia la.