HATAHOLI 26:22 - Susula Malalaok Hehelu Palak Ma Hehelu Beuk

²² Tehu losa hatematak ia, Manetualain nasulu-nahapa au de nalosa au hapu apadeik nai ia, fo au fe sakasii neu basa hataholi la, nau ana do matua boe. Hata fo au kokolak ia, ta fe'ek neme hata fo Nabi la ma Musa lafa'da ela ka fa;

HATAHOLI 26:22 ပူးပေါင်းရင်းမြစ်များ

EZRA 8:31

Nai hataholi Yahudi-la bula ka esan-na, fain sanahulu dua boema, ami la'oela Lee Ahawa, de ami meu leo Yerusalem meu. Nai ami leleo-lala'om-ma dalek, ami Manetualaim-ma nasulu-nahapa ami, neme musu mamain-na.

MAZMUR 124:8

Ita tutulu-fafalin, ana mai neme Manetualain fo, manamakadada'dik lalai no daebafak-ka.

MAZMUR 18:47

Manetualain naso'da! Kokoa-kikiok ba'eneu au manamasala'eng-nga! Mamatutua-mamadedema Manetualain ndela-sa'an fo au manasoi-manatefang-nga!

MAZMUR 66:12

O po'ilotak musu-a heheta-aa'i ami; ami la'ok tunga faa, ma ha'i-a tala'da. Tehu besak ia, O moo ami leo mamana tetu-temak-ka neu.

MATEOS 26:24

Memak Ana Hataholi ka neukose Ana mate sama leo nanasulak nai Susula Malalaok dale. Tehu soe ba'eneu hataholi fo mana ke'dindiu Ana Hataholi ka! Malole lenak hataholi ndia boso bongin makandondook!”

LUKAS 16:28

Te au tolanoong lima bei lai ndia. Madenu Lasarus neu fo ana fes nasanene'dak, fo daenga boso nalosak sila boeo masok leo mamana doidosok ia mai.’

LUKAS 24:27

Basa boema Yesus nafa'da mangalele'dos basa hata fo nanasulak nai Susula Malaok dale la'eneu aoina na, mulai neme Musa susula nala ma basa nabi la susula na.

LUKAS 24:44

Basa ndia boema, Yesus nafa'das nae, “Dede'ak ia la nde Au afa'da basan neu emi, nai lelek Au bei sama-sama o emi a. Basa dede'ak fo nanasulak la'eneu Au nai Musa susula na, nai basa nabi la susula na, ma nai Mazmur susula na dale ka, muse ana da'di.”

LUKAS 24:46

Boema nafa'das nae, “Nai Susula Malalaok dale, nanasulak nae Mane Mana Fe So'da ka muse doidoso, ma muse naso'da falik neme mamate sa mai nai fai katelu na.

YOHANIS 1:17

Ita sipo Manetualain Hoholo-lalanen tunga Musa. Tehu lafa'da Manetualain susue-lalain, ma liinekan, tunga Yesus Kristus.

YOHANIS 1:45

Felipus natongo no Natanael boema, nafa'dan nae, “Ami matongo mo hataholi fo Musa sesei kana nai Manetualain Susula Hoholo-lalanen dale ka, fo nabi la tui-benga ka. Hataholi ndia nde Yesus neme Nazaret, fo Yusuf ana na.”

YOHANIS 5:39

Emi maedaenga emi manoli Susula Malalao ka, fo no enok ndia emi hapu maso'da matetu ka, ma manaketu basa tak ndia. Boema Susula Malalaok ndia nde fe sakasii la'eneu Au.

YOHANIS 5:46

Leo uni ka, emi mamahele Musa soona, neukose emi mamahele Au boe, nana Musa sula ka nde Au dei.

HATAHOLI 10:43

Basa nabi la kokolak la'eneun. Lafa'da lae, basa hataholi fo lamahele neu Yesu sa, neukose sala-singon hapu do'o do ampon ninik Yesus koasa na.”

HATAHOLI 13:29

Ala tao letetu basa hata fo nanasulak nai Susula Malalaok dale la'e neun, boema lakona la popola na neme ai nggangek lain mai de latoin.

HATAHOLI 24:14

Memak au muse manaku nai Ama matan, tete'e ka au sene-do'ok neu ami bei ba'ikai mala Manetualai na tunga Yesus nanolin fo sila lafa'da lae salan ndia. Tehu au bei amahele neu basa hata fo nanasulak nai Musa no Nabi la susula nala dalek.

HATAHOLI 26:17

Neukose Au se'i-po'i o meme leoina Israe la mai, ma neme leoina fe'ek fo hataholi ta Yahudi la. Au sanga adenu o mu leo hataholi ta Yahudi sila la,

HATAHOLI 26:6

Besak ia, au apadeik nai ia soaneu nananaketu-nala'dik, nana au amahele hehelu-balataak fo Manetualain taon no ami bei ba'ikai mala.

HATAHOLI 28:23

Boema basa-basas laketu la faik esa fo latongo seluk. Nai faik ndia, hataholi ba'u ka leu leo Paulus mamana leleo na neu. Neme fafain ndia losa le'donoso, Paulus nafa'da mangalele'dos ma ana tui-benga fes, halak la'eneu tao leo beek fo Manetualain paleta leo Mane ka. Paulus pake Musa ma Nabi la susula na lalane nala fo ana sanga enok, fo daenga lamahele Yesus.

ROMA 3:21

Tehu besak ia, Manetualain natu'du basa fe hataholi daebafa ka, eno na tao leo beek fo ala malole falik lon; tehu enok ndia, ta natutik no agama Yahudi a, hoholo-lalanen fa. Dede'ak ndia nanasulak nai Musa no nabi la susulan dale boe nae,

1 KORINTUS 15:3

Hata fo au anduku-alosa kana neu emi ndia, nde bee na hata fo au sipon boe. Fo nanapaluuk nanseli a, sama leo nanasulak nai Susula Malalaok dale, au anduku-alosa kana neu emi ae, hu ka nde ita sala-singon de Kristus mate;

1 KORINTUS 15:4

latoi henin so, tehu basa boema naso'da falik nai fai katelu na. Ndia boeo, nanasulak nai Susula Malalaok dale.

2 TIMOTIUS 3:11

O mita ala fepa-li'u au de, au doidoso so. O bubuluk basa, hata da'di au neme Antiokia, Ikonium, ma Listra so; ma o bubuluk basa, hu beek de au doi doso so. Tehu Lamatua ka, soi-tefa na au neme basa dede'ak sila la dalek mai.

NINITAK 11:18

Leoina la fo ta nalelak Lamatua ka, ala tao musu nana fai na losa O po'a O nasa-melum, ma fai na boeo losa O maketu-mala'di hataholi manamate kala. Fai na nde ia, soaneu fe nggadi neu O ata mala, nabi la, ma neu basa O hataholi kamahehele mala, fo nde basa hataholi fo ala hule-haladoi neu O, nau matua do ana boe. Ia nde fai na soaneu tao nakalulutuk hataholi-hataholi fo manatao nakalulutuk daebafa ka!”

NINITAK 15:3

Boema lakamee Manetualain atan Musa ma Bi'ilopo Ana nakamee na. Lii na nae leo ia, “Lamatuak, Manetualain Mana Koasa, O tatao-nono'im ba'u na seli ma matabeuk! Manek neu basa leoina lala'ena. O tatao-nono'im nde maketu-mala'di tunga matetu na ma ndoos!

NINITAK 20:12

Ma au ita hataholi manamate kala ana-matua lapadeik lai kandela manek ndia mata na. Boema susula kala boeo nanabukak. Boema susula fe'ek esa nanabukak, fo nde Susula Hataholi Maso'da ka. Basa boema huhuku ka nanaketuk neu hataholi manamate kala, nandaa no sila tatao-nono'in tunga hata fo nanasulak nai susulak sila la dalek.

SEMUEL SUSULAK-KA ESAN-NA 7:12

Basa ndia boema, Semuel napadedeik batu esa nai Mizpa no Sen dae toon-na. Nafa'da nae, “Tete'ek-ka Manetualain tulu-fali ita so.” – boema ana foi batu ndia na'de, “Batu Manatulu-manafali.”