HATAHOLI 24:26 - Susula Malalaok Hehelu Palak Ma Hehelu Beuk

²⁶ Ndia te Feliks namahena ana hapu doik neme Paulus mai. Hu ndia de nadenu hataholi neu nala Paulus tataas esa fo ana kokolak non.

HATAHOLI 24:26 ပူးပေါင်းရင်းမြစ်များ

2TAWARIKH 19:7

Emi muse bii-mamata'u neu Manetualain, ma tao hata esa no besa-besa, nana ita Manetualain namanasa hataholi manatao peko-pakik-ka, boso mete matak do sipo hataholi fo ana solo o dalem-ma nenik doik.”

AYUB 15:34

Neukose, hataholi mangalauk-ka, tititi-nonosin ta; ha'i na'a heni uma, fo ana taon neme doi sosolo dalek-ka mai

KELUARAN 23:8

Boso sipo doi sosolo dalek, nanahu doi sosolo dalek ndia, tao napoke hataholi-a matan-na, la'eneu eno ndoos-sa, fo nakatutu'dak hataholi sala taak-ka.

AMSAL 17:23

Manakee-manafula fo ta tao tunga ndoon-na fa, ana sipo doi sosolo dalek no nafufunik ma ta nakalala'ok ndoos ma matetuk-ka fa.

AMSAL 17:8

Hapu nggelok laedaenga, doi sosolo dalek-ka, hapu tao manada'di beuk; nana no doi sosolo dalek-ka, de basa hata lala'en-na bisa da'di.

AMSAL 19:6

Hataholi-a esa-esak, ana sanga enok, ho'i hataholi nananita-nalelak-ka dalen-na; basa hataholi lala'en-na, nau tao tia-laik no hataholi doi ba'uk-ka.

AMSAL 29:4

Metema hataholi manakoasa, ana taoafik neu ndoos ma matetuk-ka soona, neukose nusan-na natea-nahele. Tehu metema, ana paluu ka'da doik-ka soona, neukose nusan-na nakalulutuk.

YESAYA 1:23

Basa o mauli-malangam-mala manala'ban paleta, ma ala da'di nakodaa-la lima-ein; ala hii ka'da sipo bua palsen, ma tali-doi sosolo dalek. Ala ta nau lasala'e anamaak-kala nai manakee-manafula matan fa; ala ta nau lamanene faluina-la, hala kalaan-nala fa.

YESAYA 33:15

Emi hapu makatatakak, metema emi kokolak, ma tao-no'i hata fo ndoos-sa. Boso sanga nanalak nenik lulumu-eese hataholi nuu taa-hata taak-ka, ma boso sipo doi sosolo dalek. Boso tunga mo hataholi fo, ana tutu'u kanisak, do tatao-nono'i mangalauk fe'ek.

YESAYA 56:11

Sila sama leo busa maa fula, fo ta nakabete nita fa. Mauli-malangan sila-la nggoak-kala. Esa-esak tao tunga dale hihii-nanau mesan-na, ma ana sanga ndia nanalan-na, mesak-kana.

YESKIAL 22:27

Manapaletan-nala sama leo busa fuik-ka, ana sisii-lulu'i nana'an-na. Ala lanisa, ka'da soaneu sanga nanalak.

YESKIAL 33:31

Boema langanongo mai, fo da'di leo Au anang, de langatuuk fo lamanene o hala-kokolam, tehu ala ta tunga o hala kokolam sila-la fa. Difadoon-nala kokolak dede'a susue-lalaik-ka, tehu nai dalen-nala dalek, ala dodoo ka'da nanalak-ka mesak-kana.

HOSEA 4:18

Linu basa angol bauk-ka, fo ala mafuk soona, ala sosoa-piao no dale namahokok. Ala nau hataholi nakadadaek-kasa, neme fes ha'da-holomata.

MIKHA 3:11

Manakoasa kota-la paleta soaneu ala hapu doi sosolok, imam-mala lanoli Manetualain hoholo-lalanen soaneu hapu ngga'di, ma nabi-la loke natutu'duk neme Manetualain mai fo hapu doik – boema sila basa-basas lae daenga Manetualain nok sila. Lafa'da lae, “Manetualain nai ita tala'da heon; neukose susa-soe ta tuni-ndeni la'e ita fa.”

MIKHA 7:3

Basa-basas lalelak lanseli nai tatao-nono'i mangalauk-ka dalek. Manapaleta ma manakee-manafula loke doi sosolok, ma lasi nggolok-kala lakaseti laun-na tunga hihii-nanaun-nala, lalahalak sama-sama leondiak.

MATEOS 17:3

Basa boema ana mana tunga katelu nala, lita Musa ma Elia kokolak lo Yesus.

HATAHOLI 24:17

Au ta nai Yerusalem teuk de'ubee dale na boema au fali leo naa u, fo au uni doi tutulu-fafalik fe au leoina ngala ma au fe tutunu-hohotuk neu Manetualain.

1 KORINTUS 6:9

Ade emi bubuluk hataholi ta manatunga Manetualain hihii-nanau na, neukose ala ta da'di lima eik neme Manetualain hataholi kamahehele nala mai fa do? Boso fe hataholi ke'dindiu na emi! Hataholi manatao-no'i sosoa-piao kala, manasongo-tango kala, manahohonge kala, touk fo nase'o ao paa na neu ina kala fo ana hapu doik, touk manatao tatao-nono'ik fo manini mamaek soaneu nonoo tou na ma saoina na,

ULANGAN 16:19

Nai sila nakeketun-na dalek, sila ta bole laketu-lala'di, tunga sila dale hihiin-na fa, do laketu-lala'di no, ala mete matak. Sila boeo, ta bole sipo hata esa nalupa sosolo dalek fa, nanahu sosolo dalek ndia, ana tao napoke hataholi manatee-tenok ma hataholi manatao tunga ndoos ma matetuk-ka, matan-na, nalosa naketu-nala'din-nala ta ndoos ma matetuk fa.

2 PETRUS 2:3

Hu ka nde mese masapepekok sila la tenepeta nala de, neukose ala tui emi, sila tutui manapopo'de-papai nala, fo tao ka nde ala hapu nanalak neme emi mai. Tehu sila huhuku nala, nanasadiak doo ka so, boema momopo-mamates fo nananaketu basak soaneu sila boeo, nahani mema kasa so.

SEMUEL SUSULAK-KA ESAN-NA 12:3

Besak ia, au apadeik nai emi matam! Metema au tao salak soona, kalaak au nai Manetualain matan, ma nai Ana hele manek-ka matan. Au ho'i hai hataholi fe'ek sapin do keledein so do beik? Au tipu-dai hai, do tuni-ndeni hai, do sipo doi sosolo dalek hai so do beik? Mafa'da leona, fo au ho'i-a su'di beek-ka soona, au fe falik-kana.”

SEMUEL SUSULAK-KA ESAN-NA 8:3

Tehu ala ta tunga sila aman ha'da-tataon fa, te ala sanga ka'da nanalak soaneu sila aoinan-na mesak-kana. Ala sipo doi sosolo dalek, ma laketu-lala'di laun-na dede'an-nala ta tunga eno-dalak matetun-na fa.