HATAHOLI 24:14 - Susula Malalaok Hehelu Palak Ma Hehelu Beuk

¹⁴ Memak au muse manaku nai Ama matan, tete'e ka au sene-do'ok neu ami bei ba'ikai mala Manetualai na tunga Yesus nanolin fo sila lafa'da lae salan ndia. Tehu au bei amahele neu basa hata fo nanasulak nai Musa no Nabi la susula nala dalek.

HATAHOLI 24:14 ပူးပေါင်းရင်းမြစ်များ

1 TAWARIKH 29:18

Ou Manetualain, fo ami bei-ba'i kaim Abraham, Isak ma Yakob sene-do'ok-ka, ela leo been-na O manea O anam-mala fo ela ala sue-lai lahele O sama leo besak ia ma tulu-falis fo ela ala lilineka leu O losa dodoon-na.

MAZMUR 119:46

Neukose au tui-benga O nakanenetem-mala neu mane-manek-kala, de neukose au ta hapu mamaek fa.

KELUARAN 3:15

Boeo tui-benga fes, mae Au, Manetualain, fo sila bei-ba'i kain Abraham, Isak ma Yakob Manetualain-na, nadenu au mai leo emi mai. Au nde Manetualain, fo Au na'deng-nga nde ndia, losa dodoon-na. Au na'de nonokeng-nga nde ndia, soaneu basa leoina lala'en-na, neme tititi-nonosik leo tititi-nonosik neu.

AMOS 8:14

Hataholi fo ana soo-supa nenik Samaria sosongo-tatangon no nafa'da nae, ‘No leoina Dan-na lamatua daebafan-na na'den-na’, do ‘no Bersyeba lamatua daebafan-na, na'den-na’. Soona neukose ana tu'u neu, fo ana ta fo'a so'on.”

MIKHA 4:2

Neukose basa-basas lafa'da lae, “Mai fo ata kae leo Manetualain pupukun lain teu leo Israel Manetualain Uman-na teu! Neukose nanoli ita hata fo ita muse taon. Neukose ita tunga eno-dalan nana Manetualain nanolin-na neme Yerusalem mai; ana kokolak no anan-nala neme Sion mai.”

MATEOS 10:32

“Metema see manaku nai lea matan nae, Au ana mana tungang ndia soona, neukose Au boeo manaku hataholi ndia, nai Au Amang manai nusa so'da ka matan boe.

MATEOS 22:40

Basa hoholo-lalanek fo Musa fe kala ma nabi la nanoli nala, lapadeik lai paleta kaduak sila la lain.”

MATEOS 7:12

Metema emi nau hataholi tao malole neu emi soona, nakahuluk emi tao malole neu hataholi dei.”

LUKAS 1:70

Makahulun eli, tunga nabi-nabi nanahele nala, Manetualain fe basa hehelu-balataan

LUKAS 16:16

Hoholo-lalanek fo Musa fe ka ma nabi la nanoli nala nanapakek nahelek losa Yohanis Mana Salani ka tepo lele na. Neme lelek ndia, Hala Malole la'eneu tao leo beek fo Manetualain paleta da'dileo Mane ka, nanatui-bengak nakandoo. Boema hataholi a da'di Manetualain hataholi kamahehelen no nakasetik.

LUKAS 16:29

Boema Abraham nataa nae, ‘Sila lanuu Musa ma nabi la susula nala so! Nemena fo ala tunga hata fo nanasulak nai susulak sila la dalek!’

LUKAS 24:27

Basa boema Yesus nafa'da mangalele'dos basa hata fo nanasulak nai Susula Malaok dale la'eneu aoina na, mulai neme Musa susula nala ma basa nabi la susula na.

LUKAS 24:44

Basa ndia boema, Yesus nafa'das nae, “Dede'ak ia la nde Au afa'da basan neu emi, nai lelek Au bei sama-sama o emi a. Basa dede'ak fo nanasulak la'eneu Au nai Musa susula na, nai basa nabi la susula na, ma nai Mazmur susula na dale ka, muse ana da'di.”

YOHANIS 1:45

Felipus natongo no Natanael boema, nafa'dan nae, “Ami matongo mo hataholi fo Musa sesei kana nai Manetualain Susula Hoholo-lalanen dale ka, fo nabi la tui-benga ka. Hataholi ndia nde Yesus neme Nazaret, fo Yusuf ana na.”

HATAHOLI 10:43

Basa nabi la kokolak la'eneun. Lafa'da lae, basa hataholi fo lamahele neu Yesu sa, neukose sala-singon hapu do'o do ampon ninik Yesus koasa na.”

HATAHOLI 13:15

Ala lees basa Musa Susula na, ma Nabi la Susula na boema, uma mamasok ndia mauli-malanga nala ladenu hataholi neu nafa'da Paulus no nonoo nala nae, “Metema tolanoo kala nau tao matetea-mahehele ma kokoe-nanasi hataholi ia la soona, manduku-malosa kana leona.”

HATAHOLI 15:5

Tehu hataholi Farisi kamahehelek basak de'ubee fo'a lapadeik de ala kokolak lae, “Hataholi leoina fe'ek fo kamahehele basak sila la muse suna tasa, ma muse ala tunga Musa hoholo-lalanen.”

HATAHOLI 19:23

Fafa'kama la'e faik ndia nde tasi'bu matua ina da'di nai Efesus, hu ka nde Yesus nanoli nala.

HATAHOLI 19:9

Tehu hataholi sila la, de'ubee ala langa batu de ala ta nau lamahele fa. Nai basa hataholi mana makabubuak sila la matan, lakamu-lakadau nanolik la'eneu Manetualain dale tutu'un soaneu Ana soi-tefa na hataholi daebafa ka tunga Yesus. Hu ndia de Paulus la'oelas de no hataholi mana tunga Yesu sala leu leo Tiranus kama nanolin dale leu. Leu ndia boema, tunga faik Paulus natukaaafik no hataholi la.

HATAHOLI 22:14

Basa boema nafa'da au nae, ‘Ita bei ba'ikai nala Manetualai na hele basa o fo daenga o bubuluk hihii-nanaun, ma o mita Yesus fo Manetualain Atan mana tao-no'i Manetualain hihii-nanau na, boema Manetualain nau o mamanene matam Yesus hala na.

HATAHOLI 24:22

Boema Feliks fo nalelak ba'u ka la'eneu Yesus nanoli na ndia, ana tatana nakabuak ndia ma nae, “Metema malanga solda'du Lisia sa ana mai soona, au aketu dede'ak ia.”

HATAHOLI 24:5

Ami ho'u ma hataholi ia hataholi mana tao tasi'bu mangalauk. Nai basa mamanak lala'ena nakadada'dik tasi'bu nai hataholi Yahudi la tala'da, ma ana da'di mauli-malangan nai hataholi Nazaret tala nakabua na.

HATAHOLI 25:8

Boema Paulus kokolak nai dede'a nasala'e na dalek nae, “Au ta tao sala hata esa boen la'eneu Musa hoholo-lalanen, do la'eneu Manetualain Uma na do la'eneu Kesel Roma boen.”

HATAHOLI 26:22

Tehu losa hatematak ia, Manetualain nasulu-nahapa au de nalosa au hapu apadeik nai ia, fo au fe sakasii neu basa hataholi la, nau ana do matua boe. Hata fo au kokolak ia, ta fe'ek neme hata fo Nabi la ma Musa lafa'da ela ka fa;

HATAHOLI 26:27

Ama Manek Agripa fo Mandela-Masa'ak! Ade Ama Manek mamahele hata fo Nabi la lafa'da ka do ta? Au ame'da nana, Ama Manek namaheles!”

HATAHOLI 26:4

Basa hataholi Yahudi la bubuluk basa au so'da nga leo beek neme au bei muli-solu nga mai so. Ala bubuluk basa, neme au muli-solung mai a, au aso'da nai Yerusalem, fo nai au leoina ngala tala'da.

HATAHOLI 26:6

Besak ia, au apadeik nai ia soaneu nananaketu-nala'dik, nana au amahele hehelu-balataak fo Manetualain taon no ami bei ba'ikai mala.

HATAHOLI 28:22

Tehu ami hii bubuluk tolanoo ka namahehele na, nana ami basa-basa mala mamanene hataholi la lakamu-lakadau nanolik fo tolanoo ka namahelen ndia.”

HATAHOLI 28:23

Boema basa-basas laketu la faik esa fo latongo seluk. Nai faik ndia, hataholi ba'u ka leu leo Paulus mamana leleo na neu. Neme fafain ndia losa le'donoso, Paulus nafa'da mangalele'dos ma ana tui-benga fes, halak la'eneu tao leo beek fo Manetualain paleta leo Mane ka. Paulus pake Musa ma Nabi la susula na lalane nala fo ana sanga enok, fo daenga lamahele Yesus.

HATAHOLI 3:13

Manetualain fo Abraham, Isak, ma Yakob sene do'o ka nde bee na ita bei ba'ikai nala Manetualain. Manetualain ndia namatutua-namadedema basa Ata na, fo nde Yesus Kristus. Yesus Kristus ndia nde emi fe henin leo mana koasa la neu, boema emi la'ba nana nai Pilatus matan, nai lelek fo Pilatus ana sanga po'i nana.

HATAHOLI 5:30

Yesus fo emi lona-nggange ka, ita bei ba'ikai nala Manetualai na, Ana tao naso'da fali kana neme mamate sa mai so.

HATAHOLI 7:32

‘Au ia, o bei ba'i-kaim Manetualain; Au ia, Abraham, Isak, ma Yakob Manetualain,’ Musa dele ngge'be-ngge'be no bibii ka, de nalosa ana ta napalani mete leo telaanak ndia neu so'on,

HATAHOLI 9:2

de noke susula koasa fo neu leo hataholi Yahudi la uma mamason manai Damsyik-ka mauli-malanga nala neu. Fo sue ka nde metema natongo no hataholi mana mamahele neu Yesus nai naa soona, ana ho'u nas fo nos leo Yerusalem leu.

ROMA 1:9

Metema au hule-haladoi soona, au afandele emi tataas esa. Manetualain nde sakasii au hala-kokolang ia la memak tete'e ka. Manetualain ndia nde, au alalau-aoonon no dale katematuak, ninik au tui-benga Hala Malole ndia la'eneu Ana na.

ROMA 3:21

Tehu besak ia, Manetualain natu'du basa fe hataholi daebafa ka, eno na tao leo beek fo ala malole falik lon; tehu enok ndia, ta natutik no agama Yahudi a, hoholo-lalanen fa. Dede'ak ndia nanasulak nai Musa no nabi la susulan dale boe nae,

1 KORINTUS 11:19

Memak nandaa, nasi'da-naba'e ka moli-da'di nai emi dalek, fo ela nananitak, see ka nde hataholi kamahehelek isi matetuk.

GALATIA 5:20

nai sosongo-tatango ka dalek, ma suangi a dalek; nai esa musu no esa, nahote ka, ta nau hataholi lena fan, namanasa lai-lai, ma paluu ka'da ao ina na mesa kana; nasi'da-naba'e ka, ma nok ia nok naa,

2 TIMOTIUS 1:3

Au oke makasi neu Manetualain fo, au alalau-aoonon no dale katema tuak, sama na leo makahulu na, au bei ba'i kai ngala tao-no'i ka. Au oke makasi tataas esa neu Manetualain, nai lelek fo au afandele o nai huhule-haladoi ka dalek, leomae lele'dok do le'odaek ndia boe.

TITUS 3:10

Hataholi fo nakadada'dik nasi'da-naba'ek nai salani ka dalek soona, ela leo bee na, o mabenga hataholi ndia, la'i esa do la'i dua; basa ndia soona, boso boe leo mapalasa moos bai.

1 PETRUS 1:11

Nabi sila la, ala palisak matalolole tao leo beek, ma faihi'da fo dede'ak sila la ala da'di, fo tetee-tutu'dan nde, Kristus Dula Dalen manai sila dalen dale a. Nai lelek ndia Kristus Dula Dale na nafa'da elas, la'eneu doidosok fo Kristus muse la'oladin, ma la'eneu basa doidosok sila la seli soona, besa ka nananamatutua-namadedemak.

NINITAK 19:10

Au bala u ata nusa so'dak ndia mata na, fo au sanga sene-do'o kana, tehu nafa'da au nae, “Bosok! Boso sene-do'ok neu au te sene-do'ok neu Manetualain! Nana au boeo ata sama leo o ma sama leo basa o tolanoom fo manaho'u lahele neu Yesus sakasii na!” Nana Yesus sakasiin ndia fe koasa neu Manetualain hataholi kamahehele nala, fo ala tui-benga Manetualain hala hehelu na.