HATAHOLI 23:12 - Susula Malalaok Hehelu Palak Ma Hehelu Beuk

¹² Balahaa fafaik boema hataholi Yahudi la tao nakabua makahatuk. Ala soo-supa lae, metema ala beita taolisa Paulus fa soona ta la'a linu fa.

HATAHOLI 23:12 ပူးပေါင်းရင်းမြစ်များ

KEJADIAN 37:18

Yusuf bei dook-ka te litan so, de ana beita losa matan-nala fa te, ala lalahalak soaneu taolisan.

1RAJA-RAJA 19:2

Boema Izebel haitua fe Elia halak-ka nde ia nae, “Sa'di leo been-na basa lamatua daebafa dae bafak kala huku au ma lena-lenak taolisa au, metema balahaa nai li'u sama leo ia, au ta tao o sama leo o tao nabi Baal-la sila-la.”

2RAJA-RAJA 6:31

Manek-ka naloo bou-bou nae, “Faik ia boe, Elisa muse mate. Nemen-na, fo Manetualain huku au, nenik huhuku mabela, metema au ta taoisa Elisa fa!”

NEHEMIA 10:29

Ami basa-basam-mala makabubua moo basa ami mauli-malangam-mala, ma ami soo-supa soaneu maso'da tunga Manetualain hoholo-lalanen fo Ana fe basan tunga atan Musa. Sa'di leo been-na Manetualain supa-soo ami, metema ami ta tao matetu hehelu-balataak ia fa. Ami soo-supa, neukose ami tunga basa Manetualain fo ami Manetualaim-ma paletan, hoholo-lalanen ma nakaneneten lala'en-na.

ESTER 2:22

Mordekhai bubuluk sila dale tutu'un ndia, de no lai-laik nanduku-nalosak-kana neu Ester. Ester ta nahani naladook-ka so'on, de neu tui manek-ka, hata fo Mordekhai bubuluk-kana ndia.

MAZMUR 31:13

Au nananafandele henik, sama leo hataholi manamatek-ka, ma au da'di sama leo, buas fo nanatapa henik-ka.

YEREMIA 11:19

Au sama leo bi'i lopo-a fo ta pake dudu'a-dodok so'on, te nenin leo mamana dodo'dok-ka neu. Au ta bubuluk fa te, au nde da'di sila dudu'a-aafi mangalaun-na isin-na. Sila lafa'da lae, “Mai fo ata lo'o heni ai ia, beidai ana bei nabuna-naboa ia; Ita tao tamate-tamopon fo ela hataholi lasanggango heni na'den-na.”

IMAMAT 27:29

Nakalenak, hataholi fo nanafe hehelik neu Manetualain soaneu tao namopo-namaten soona, ta bole soi falik-kana fa; muse taonisan.

MATEOS 26:4

Lakokola aok fo ala sanga ho'u Yesus no denge-dengek fo ala tao lisan.

MATEOS 26:74

Boema Petrus mulai soo-supa nae, “Au ta alelak hataholi ndia fa!” No hatematak ndia boe, manu a kokoa.

MATEOS 27:25

Basa hataholi makadotok sila la lataa lae, “Hei, neme na fo ami mo ami upu-anak mala lu'a-lepa huhukuk soaneu mamate na!”

HATAHOLI 23:13

Hataholi hahulu lena kala tao nakabua makahatuk ndia.

HATAHOLI 23:14

Boema leu leo malanga ima mala lo lasi-lasi Yahudi la de lafa'das lae, “Ami soo-supa sama-sama basa mae, ami ta mi'a-minu hata esa boen, metema ami beita taomisa Paulus fa.

HATAHOLI 23:21

Tehu Ama boso tunga hataholi sila la nonoken ndia, nana hataholi hahulu lenak leu lahani Paulus nai eno tala'dak. Hataholi sila basa-basas soo-supa basa lae, ta la'a linu fa, metema ala beita taolisa Paulus fa. Besak ia lahehele aon basa so, te bei lahani ka'da Ama hala natataa na.”

HATAHOLI 23:30

Basa boema au hapu halak lae, hataholi Yahudi la lape'da dale mangalauk neun. Da'di au amanene tutika au haituan leo Ama Gobelno la mai. Ma au adenu hataholi mana kalaa kana fo lini sila kalaa na leo Ama mai.”

HATAHOLI 25:3

fo ela no dale malole na, ana nau nadenu hataholi lo Paulus leo Yerusalem neu, nana lalahalak basa fo sanga taolisan nai eno tala'dak.

HATAHOLI 9:23

Basa faik de'ubee dale na boema hataholi Yahudi la lalahalak, fo ala taolisa Saulus.

HATAHOLI 9:24

Tehu Saulus bubuluk sila dudu'a mangalaun ndia. Lele'do le'odaen hataholi Yahudi la lanea lahele kota ndia lelesu ina na fo ala hapu taolisa Saulus.

1 KORINTUS 16:22

Hataholi fo ana ta sue-lai Lamatua ka, neme na fo nanasoo-supak! Maranata! – Ami Lamatua ma mai leona.

2 KORINTUS 11:26

La'i ba'u ka au tao leleo-lala'ok fo nini susa-soe; asasalematak o faa lee, susa-soe manabonga uma, susa-soe neme hataholi Yahudi la do nau neme hataholi ta Yahudi la, susa-soe nai kota dale ma nai kota deak, susa-soe nai tasi lai, ma susa-soe neme hataholi fo ala manaku aoina nala da'dileo hataholi salanik, te se'ko na ta.

GALATIA 3:13

Tehu Kristus soi-po'i ita teme agama hoholo-lalanen soo-supan mai so. Ana tao dede'ak ndia tunga, Ana po'i lotak ao ina nanasoo-supak, hu ka nde ita. Nana nai Susula Malalaok dale, nanasulak nae, “Sosoo-susupak ba'eneu hataholi fo maten nanalonak nai dii ai lai na.”

1 TESALONIKA 2:16

Lena-lenak, ala sanga enok fo lapanggengge ami, fo ami boso meu tui-benga fe nggileo bobongi ta Yahudi la, halak fo manini so'dak fes ala. No enok ndia de, hataholi Yahudi sila la, boe tama lakandoo sala-singo nala, de nalosa sala-singo nala, dede'u na lamadai. De besak ia, neu mate'e na, ala hapu Manetualain nasa-melun!

YOSUA 6:26

Nai lelek ndia, Yosua kalua kena-ka'ik-ka nde ia nae, “Su'di see boe, fo ana sanga enok nafofo'a falik kota Yerikho ia soona, neukose Manetualain soo-supan la'en. Soo-supak-ka nde ia: See kande nafofo'a falik kota Yerikho-a soona, neukose namopo ana ulun-na; ma see kande pasak falik lelesuinan-nala soona, neukose namopo ana mulianan-na.”

YOSUA 7:1

Manetualain nafa'da basa hataholi Israel-la nae basa hata lala'en manai kota Yerikho, muse tao nakalulutuk-kasa, fo ta bole ho'i-la esa boen. Tehu ala ta tunga paleta ndia fa. Touk esa na'de Akhan, la'olena paleta ndia, nalosa Manetualain namanasa nanseli no hataholi Israel-la. (Akhan aman na'de Karmi, ma ba'in na'de Zabdi neme teidalek Zerah nai leo Yehuda dalek.)

YOSUA 7:15

Boema, hataholi nananatu'duk-ka, metema tete'ek-ka, ana pe'da bua-lo'as nanakena-ka'ik ndia soona, muse hotu henin sama-sama no teidalen, ma basa hata-heton lala'en-na; nanahu ndia nde la'olena hehelu-balataak, ma manatao tatao-nono'i mangalauk matua, nai hataholi Israel-la dalek.”

SEMUEL SUSULAK-KA ESAN-NA 14:24

Nai faik ndia, hataholi Israel-la beemale ma lamala'a, nana Saul soo-supa basa nae, “Metema au beita balas au nape'da daleng-nga neu au musung-ngala fa soona, nanasoo-supak ba'eneu hataholi fo na'a su'di beek-ka nai faik ia.” Hu ndia de, nai faik ndia dalen-na, hataholi esa boeo, ta na'a fa.