HATAHOLI 22:7 - Susula Malalaok Hehelu Palak Ma Hehelu Beuk

⁷ Tutika au bala u dae, boema au amanene halak esa nafa'da au nae, ‘Saulus, Saulus! Tao le'e de, o tuni-ndeni Au?’

HATAHOLI 22:7 ပူးပေါင်းရင်းမြစ်များ

KEJADIAN 16:8

Boema, ata nusa so'dak ndia nafa'da nae, “Hagar, fo Sarai atan-na, o meme bee mai, ma o sanga leo bee muu?” Boema, Hagar nataa nae, “Au alai eme au nyora Sarai mai.”

KEJADIAN 22:1

Basa teuk de'ubee boema, Manetualain fola Abraham namahehelen-na. Manetualain naloo nae, “Abraham!” Boema Abraham nataa nae, “Ou Manetualain.”

KEJADIAN 22:11

Tehu Manetualain ata nusa so'dan-na, naloo bou-bou neun neme lalai mai nae, “Abraham, Abraham!” Boema, Abraham nataa nae, “Ou Manetualain!”

KEJADIAN 3:9

Tehu Manetualain naloo bou-bou neu touk ndia nae, “O nai bee?”

KELUARAN 3:4

Manetualain, nita Musa neu deka no mamanak ndia, boema naloo bou-bou neme makatemak ndia tala'da mai, ma nae, “Musa! Musa!” Boema, Musa nataa nae, “Au nde ia.”

YEREMIA 2:5

Manetualain nafa'da nae, “O bei-ba'i kaim-mala, hapu sala beek nai Au-a, nalosa ala ke'di-ndiu Au? Ala usi ka'da sosongo-tatangok eli taak-ka de mate'en-na, lakadadaek seluk aoinan-nala.

YEREMIA 2:9

Manetualain nafa'da nae, “Besak ia, Au adede'a seluk o Au anan-ngala, ma Au aketu-ala'di tititi-nonosin-nala

MATEOS 25:45

Neukose Manek ndia nataa nae, ‘Bubuluk leona, te nai lelek fo emi ta nau tulu-fali hataholi matasi'da-matasaek esa nai daebafa ka fa soona sosoa na nae, emi ta nau tulu-fali Au fa.’

MATEOS 27:23

Lae leondia boema Pilatus natanes nae, “Tehu Ana tao tatao-nono'i managalauk beek?” Boema ala eki lapane'e seluk lae, “Lona-nggangen!”

HATAHOLI 22:6

Paulus tuis nae leo ia, “Lelek fo au bei nai au leleo-lala'o nga dalek, fo au sanga losa Damsyik nde ndia so. Ndia te le'dohana so, boema no kaiboik, mangale'dok esa tane na seli, nandela neme lalai mai de ana okofeo na au.

HATAHOLI 22:8

Boema au atanen ae, ‘See O Tuan?’ Halak ndia nataa nae, ‘Au nde Yesus, hataholi Nazaret ndia, fo o tuni-ndeni ka.’

HATAHOLI 9:4

Tutika ana bala neu dae, boema namanene halak esa nafa'dan nae, “Saulus, Saulus! Tao le'e de o tuni-ndeni Au?”

1 TIMOTIUS 1:13

leomae makahulu na, au tao anggenggeo na'de na, au fepa-li'un boema au akamumulu-akamamae kana. Tehu Manetualain sue-lai au, nana lelek ndia, au beita amahele fa de, au ta bubuluk hata fo au taok ndia fa.

SEMUEL SUSULAK-KA ESAN-NA 3:10

Basa boema, Manetualain mai, de napadeik neu mamanak ndia, boema naloo seluk nae, “Semuel, Semuel!” Boema Semuel nataa nae, “Kokolak leon Manetualain fo atam-ma namanene.”