HATAHOLI 22:3 - Susula Malalaok Hehelu Palak Ma Hehelu Beuk

³ “Au hataholi Yahudi, bongi au neme Tarsus nai nusa Kilikia, tehu au amatua nai Yerusalem, de mese matuaina esa na'de Gamaliel, nanoli lutu-lutuk au, Musa fe ita bei ba'ikai nala, hoholo-lalane kala. Sama leo tolano-tolanook fo faik ia manai ia la, au boeo puse nga titi te'e-te'e neu Manetualain.

HATAHOLI 22:3 ပူးပေါင်းရင်းမြစ်များ

2 SEMUEL 21:2

(Hataholi Gibeon-nala, hataholi Israel ta sila fa; hataholi sila-la, nanalekek nai hataholi Amori bubuaanak esa dalek. Hataholi Israel-la laheluk basa, neukose lasulu-lahapas, tehu Saul sanga enok fo ana tao namopo-namates, nanahu ana dudu'a-dodoo ka'da hataholi Israel-la loo hataholi Yehuda-la paluun-nala.) Boema, Dauk naloo hataholi Gibeon sila-la,

2RAJA-RAJA 4:38

La'i esa boema, la'a-ndoes-sa, ana da'di nai basa nusak-ka lala'en-na. Boema Elisa fali ne'un leo Gilgal neu. Lelek ana bei nanoli nabi bubuak esa, te nadenu atan-na ho'i-na uledae matua esa, fo ana do'de-nasu sila nana'a-nininun.

LUKAS 10:39

Marta tolanoo inan esa na'de Maria. Maria ia nangatuuk deka no Lamatuak Yesus, fo namanene nanoli nala.

LUKAS 2:46

Ala sanga basa faik telu dale na boema, besa ka ala hapun nai Manetualain Uman dale. Ana bei nangatuuk namanene mese agama la nanoli nala, fo Ana fe natatanek neus.

LUKAS 8:35

Boema hataholi la kalua mai, fo ala mete hata manda'dik ndia. Ala mai leo Yesus mai te nai ndia, ala lita hataholi fo natapo'i neme dula dale mangalau ka mai ndia, bei nangatuuk deka no Yesus ei na. Ana pake bua-lo'as so, ma dudu'a-aafin namaneu so boe. Boema ala bii.

HATAHOLI 11:25

Basa boema, Barnabas neu sanga Saulus nai Tarsus.

HATAHOLI 15:23

Ala fe hataholi fo ladenuk sila la, lini susulak esa boe. Susulak ndia lii na nae leo ia, “Neu basa tolano-tolanook maneme leoina fe'ek fo ta hataholi Yahudi mana leo nai Antiokia, Siria, ma Kilikia. So'da-molek neme ami, fo Lamatua ka hataholi nadedenu nala, ma Penatua-penatua fo emi tolanoo mala.

HATAHOLI 15:41

Ala la'ok okofeo Siria ma Kilikia de latetea-lahehele hataholi salanik manai naa la.

HATAHOLI 21:20

Lamanene Paulus tutuin ndia boema basa-basas koa-kio Manetualain. Basa boema lafa'da Paulus lae, “Tolanoo Paulus! Tolanoo ka muse bubuluk te, hataholi Yahudi la lifu-lifun lamahele Yesus so. Basa-basas tunga Musa hoholo-lalanen no manggatek.

HATAHOLI 21:39

Boema Paulus nataa nae, “Au hataholi Yahudi, fo bongi au neme Tarsus fo kota matua nai Kilikia. Ama sue na fe au loak faa fo au kokolak o hataholi makadotok ia la.”

HATAHOLI 23:34

Gobelno la lees basa susula ka boema, natane Paulus da'di neme bee mai. Lelek fo ana bubuluk Paulus da'di neme Kilikia mai,

HATAHOLI 23:6

Paulus nita hataholi mana maketu-mala'dik sila la, nggelok hataholi Saduki, ma nggelok hataholi Farisi. Hu ndia de, nafa'da mana maketu-mala'di sila la nae, “Tolano-tolanoo ngala lemin! Au ia hataholi Farisi, fo tititi-nonosi Farisi. Au nanaketu-nala'dik nai ia nana, au amahele hataholi mana mate kala neukose laso'da falik.”

HATAHOLI 26:5

Lalelak au doo ka so. De metema ala nau soona, ala bole fe sakasii lae, neme makasososan mai a, au aso'da sama leo hataholi Farisi boe, boema au nde tunga atetu ami agama na hoholo-lalane nala.

HATAHOLI 26:9

Makahulu na boeo au hahapu nga nae, au muse tao basa hata lala'e na fo au la'ban Yesus fo maneme Nazaret ndia mai.

HATAHOLI 5:34

Tehu nai mana maketu-mala'di matuaina sila la dalek, hapu hataholi Farisi esa na'de Gamaliel. Hataholi ia mese agama, fo basa hataholi la fe ha'da-holomata neun. Ana fo'a napadeik boema nadenu hataholi la fo lo lalai hataholi nadedenuk sila la leo deak leu.

HATAHOLI 6:9

Tehu hapu hataholi la'ban Stefanus; fo uma mamasok esa hataholin sila. Uma mamasok ndia na'de, Hataholi Nanapo'ilota kala Uma Mamason. Uma mamasok ndia hataholi nala hataholi Yahudi, fo leme Kirene ma Aleksandria mai. Hataholi sila la lo hataholi Yahudi maleme Kilikia ma Asia la lase'i lo Stefanus.

HATAHOLI 9:1

Ndia te Saulus hii ka'da nakabibiik nakandoo ma ana taonisa hataholi mana tunga Lamatuak Yesus ala. Neu leo imam matua ina neu,

HATAHOLI 9:11

Boema Lamatua ka nafa'dan nae, “Ayo, la'o besak ia leona. Mu leo Yudas uman mu, fo nai mamana ka na'de, Eno Mando. Soona matane te hataholi esa nai ndia na'de Saulus, fo hataholi ndia neme Tarsus mai. Besak ia, hataholi ndia ana bei hule-haladoi,

HATAHOLI 9:30

Lelek hataholi kamahehele fe'e kala bubuluk dede'ak ndia boema, leu lala Saulus leo Kaisarea neu, de basa boema ala haituan leo Tarsus neu.

ROMA 11:1

Au atane bai: Ade Manetualain tu'u-tapaheni hataholi kamahehele nala so do? Tao leo bee o ta! Au boeo hataholi Israel fo Abraham tititi-nonosin, ma au da'di eme leo Benyamin-na mai.

2 KORINTUS 11:22

Metema sila lamatutua-lamadedema ao nala da'dileo hataholi Ibrani soona, au boeo hataholi Ibrani. Metema sila lamatutua-lamadedena ao nala da'dileo hataholi Israel soona, au boeo hataholi Israel. Metema sila lamatutua-lamadeema ao nala da'dileo Abraham tititi-nonosin soona, au boeo leondiak!

GALATIA 1:14

Nai dede'a nakalala'ok agama Yahudi a hoholo-lalanen soona, au nde malole lenaheni au dedena-baba'ung hataholi Yahudi ngala. Au nde manggate anseli, nai nakalala'ok ami bei ba'i kai mala ha'da na.

GALATIA 1:21

Basa ndia boema au u leo basa nusak manai Siria ma Kilikia u.

ULANGAN 33:3

Tete'ek-ka, Manetualain sue-lai leoinan. Nasulu-nahapa basa Ndia hataholin-nala. Mai fo, ata sene-do'ok neu ein-na, matan-na, ma ata tunga paletan-nala.