HATAHOLI 22:25 - Susula Malalaok Hehelu Palak Ma Hehelu Beuk

²⁵ Tehu nai lelek ala pa'a Paulus fo ala sanga filu kana boema, Paulus nafa'da malanga solda'du matuaina fo napadeik nai ndia nae, “Ade bole filuk nusa Roma hataholin esa, leomae beita palisak dede'a na fa do?”

HATAHOLI 22:25 ပူးပေါင်းရင်းမြစ်များ

MATEOS 10:17

Manea leona, nana neukose ala ho'u la emi fo lo emi meu mataa mana maketu-mala'di kala. Neukose ala fepa-li'u emi nai uma mamaso kala dalek.

MATEOS 27:54

Malanga solda'du a no solda'du mana manea Yesu sa, ala bii lanseli, nai lelek lita daebafa ka nanggengo ma basa manda'dik sila la. Boema lae, “Tete'e ka Hataholi ia, Manetualain Anan!”

MATEOS 8:8

Tehu malanga solda'du ndia nafa'dan nae, “Au ta andaa sipok Ama nai au umang fa. Ka'da Ama paleta leona. Neukose au atang ndia ana hai.

HATAHOLI 10:1

Hapu touk esa nai Kaisarea na'de Kornalius. Touk ia Kaptein nai “Solda'du Italia”.

HATAHOLI 16:37

Tehu Paulus nafa'da polisi sila la nae, “Nusa Roma laun ami. Ma emi beita palisak ami dede'a ma boen te, emi filuk ami nai lea matan, ma emi tao ami leo bui dale meu. Tehu besak ia, emi madenu ami fali no denge-dengek? Ami ta nau fa. Madenu mana paleta sila la mai matan fo ala po'i ami.”

HATAHOLI 22:26

Malanga solda'du matuaina ndia namanene dede'ak ndia boema, neu leo malanga solda'du neu de nafa'dan nae, “Ade ama sanga tao beek ia? Hataholi ia nusa Roma laun ndia!”

HATAHOLI 23:17

Boema Paulus nalo na malanga solda'du matuaina esa de nafa'dan nae, “Mo ni'iana ia leo malanga solda'du neu, te sanga nafa'dan dede'ak.”

HATAHOLI 23:27

Hataholi Yahudi la ho'u la hataholi ia de isabai na ala taolisan, tehu malole boe de au o au solda'du ngala masi'a de ami fali man; nana au amanene hataholi la lafa'da lae, hataholi ndia nusa Roma laun ndia.

HATAHOLI 25:16

Tehu au ataa ae, hataholi Roma la ta fe sila hataholi nanakalaan esa fo hukun leondiak mesa kana fa, metema hataholi nanakalaak ndia beita nadede'a no hataholi mana kalaa kana, ma beita fe hataholi ndia loak soaneu nasala'e ao na fa.

HATAHOLI 27:1

Laketu basa lae, ami muse sa'e ofak leo Italia meu boema, ala fe Paulus no hataholi nanatahan de'ubee leo Yulius fo solda'du Roma la malanga matuaina na fo loken soona lae, “Resimen Kesel.”

HATAHOLI 27:3

Balahaa boema ami losa Sidon. Yulius ta tao mangalauk neu Paulus fa. Ana po'i Paulus bole neu donge-dama nonoo nala, fo ana paluu beek soona, ala fen.

HATAHOLI 27:43

Tehu malanga solda'du matuaina tanau fa, nana ana nau Paulus naso'da. Boema nadenu basa hataholi mana suik malela kala fo lakaboku lakahuluk leo tasi dale leu fo ala suik leo ma'dak lain leu,