HATAHOLI 22:14 - Susula Malalaok Hehelu Palak Ma Hehelu Beuk

¹⁴ Basa boema nafa'da au nae, ‘Ita bei ba'ikai nala Manetualai na hele basa o fo daenga o bubuluk hihii-nanaun, ma o mita Yesus fo Manetualain Atan mana tao-no'i Manetualain hihii-nanau na, boema Manetualain nau o mamanene matam Yesus hala na.

HATAHOLI 22:14 ပူးပေါင်းရင်းမြစ်များ

2RAJA-RAJA 21:22

Ana ta naso'da tunga Manetualain hihii-nanaun fa, nakalenak, ana ta tunga Manetualain, fo bei-ba'i kain-nala sene-do'ok-ka fa.

1 TAWARIKH 12:17

Dauk neu natongo nos, de nafa'da nae, “Metema emi mai da'di leo tia-laik soaneu tulu-fali au soona, makabubua moo ami. Ami sipok emi no dale namahokok. Tehu metema emi sanga ke'di au, fo emi fe au leo musu neu soona, leomae au ta tao mangalauk neu emi fa, te Manetualain fo ita bei-ba'i kain sene-do'ok-ka bubuluk, de neukose Ana huku emi.”

1 TAWARIKH 29:18

Ou Manetualain, fo ami bei-ba'i kaim Abraham, Isak ma Yakob sene-do'ok-ka, ela leo been-na O manea O anam-mala fo ela ala sue-lai lahele O sama leo besak ia ma tulu-falis fo ela ala lilineka leu O losa dodoon-na.

2TAWARIKH 28:25

Nai basa kota ma nggolok manai Yehuda, ana nafofo'a mamana sosongo-tatangok soaneu ana hotu boomenik ba'eneu leoina fe'ek-kala lamatua daebafan-nala. No enok ndia, ana taon-na bei-ba'i kain-nala Manetualain namanasan.

2TAWARIKH 30:19

“Manetualain, fo ami bei-ba'i kaim-mala sene-do'ok-ka, ela leo bee na neme O dale malolem-ma, O fe do'o do ampon neu sila fo ala sene-do'ok neu O nenik dale katematua-nala, leomae ala beita tao lalalao-lalalafu aoinan-nala fa.”

EZRA 7:27

Boema Ezra nae, “Koa-kio Manetualain fo ita bei-ba'i kain-nala, sene-do'ok-ka! Ana nakababale basa manek-ka dalen-na, nalosa ana nau taoafik neu ka'da Manetualain Uman-na nai Yerusalem.

KELUARAN 15:2

Manetualain, nde au manamasala'eng fo mabe'i-balakaik; Ndia nde soi-tefa-nala au-a. Ndia nde au Manetualaing-nga, de au nau koa-kion, Manetualain fo au bei-ba'i kaing-ngala sene-do'ok-ka, de Au amatutua-amadedeman.

YEREMIA 1:5

“Au beita fe o lupa-aok nai o inam tein dale fa, ma beita bongi o fa te, Au hele ma Au so'u basa o, soaneu da'di nabi ba'eneu leoina-kala.”

DANIAL 2:23

Ou, Manetualain fo au be'i-ba'i kaing sene-do'ok-ka. O nde au koa-kio ma amatutua-amadedemak-ka. Nana O fe au manatee-tenok ma be'i-balakaik. O sipok ami dokodoem-ma. Ma O matu'du basa natataak soaneu manek-ka so.”

YOHANIS 15:16

Emi ta nde hele Au fa. Te Au nde hele emi, boema Au adenu emi meu, fo maboa ba'u ka, boak fo ta hapu mopo-mate fan. Boema neukose Ama ka fe emi, su'di hata fo emi moken minik Au na'de nga.

HATAHOLI 13:17

Leoina Israe la Manetualai na hele basa ita bei ba'ikai nala, fo Ana tao leoina ia da'dineu leoina matuaina nai lelek ala bei leo leme Masir, da'dileo hataholi manamai. Basa boema, no Manetualain koasa matuaina na de Ana kaluahenis leme Masir mai.

HATAHOLI 22:15

Neukose o da'di sakasii soaneu mu tui-benga neu basa hataholi lala'ena, basa hata fo o mitan ma o mamanenen ndia.

HATAHOLI 22:18

Au ita Lamatua ka boema nafa'da au nae, ‘La'oela Yerusalem lai-lai, te hataholi manai ia la ta nau sipok o tutui-bebengam la'eneu Au fa.’

HATAHOLI 24:14

Memak au muse manaku nai Ama matan, tete'e ka au sene-do'ok neu ami bei ba'ikai mala Manetualai na tunga Yesus nanolin fo sila lafa'da lae salan ndia. Tehu au bei amahele neu basa hata fo nanasulak nai Musa no Nabi la susula nala dalek.

HATAHOLI 26:16

Fo'a fo mapadeik leona! Au atu'du Au ao nga neu o nana Au sanga so'u o da'di Au malalau-maoonong. O muse tui-benga hataholi la, hata fo faik ia o mitan la'eneu Au, ma la'eneu hata fo neukose Au atu'dun neu o, nai fai-fai mana mai kala.

HATAHOLI 5:30

Yesus fo emi lona-nggange ka, ita bei ba'ikai nala Manetualai na, Ana tao naso'da fali kana neme mamate sa mai so.

HATAHOLI 7:52

Ade emi bei ba'ikai mala ta fepa-li'u nabi esa boen do? Ala taolisa Manetualain hataholi nadedenun fo makahulun eli ala tui-benga lae, Manetualain Atan fo ndoos ndia, neukose Ana mai. Ma besak ia emi ta mo kana fa, nakalenak bai emi taomisa Manetualain Atan ndia.

HATAHOLI 9:15

Tehu Lamatua ka nafa'da Ananias nae, “Ka'da mu leona! Nana Au hele basa hataholi ndia soaneu nalalau-naoono Au, ma ana tui-benga Au neu leoina fe'ek fo ala beita masok agama Yahudi a fa, ma neu mane-mane kala, boema neu Au hataholi kamaheheleng Israel ngala boe.

HATAHOLI 9:17

Boema Ananias neu leo uma ndia neu de ana lalaa lima na neu Saulus langan lain. Nafa'dan nae, “Tolanoo Saulus, Lamatuak Yesus fo tolanoo ka mitan neme eno tala'dak nai lelek fo tolano ka leo ia mai a, Ndia nde nadenu au mai fo daenga o mita falik, ma Manetualain Dula Dale na koasa na tolanoo ka.”

ROMA 1:1

Tolano-tolanook manai Roma fo Manetualain hele ma sue-lai kala lemin! Manetualain hele basa au, boema Ana so'u heheli au, da'di mana tui-benga Hala Malole maneme Manetualai na mai.

1 KORINTUS 11:23

Nana hata fo au anolin neu emi ndia, au sipon neme Lamatua ka mesa kana mai fo nae: nai le'odaek ndia, nai lelek Yesus fo ita Lamatua na nanake'dindiu ka, Ana ho'i na loti,

1 KORINTUS 15:3

Hata fo au anduku-alosa kana neu emi ndia, nde bee na hata fo au sipon boe. Fo nanapaluuk nanseli a, sama leo nanasulak nai Susula Malalaok dale, au anduku-alosa kana neu emi ae, hu ka nde ita sala-singon de Kristus mate;

1 KORINTUS 15:8

Natu'du aoina makabui mate'e na neu au boe, au fo sama na leo ni'iana beuana fo nanabongik ta la'e fai na fa!

1 KORINTUS 9:1

Ade au ta hataholi ao loak fa do? Ade au ta hataholi nadedenuk fa do? Ade au beita ita hai Yesus fo ita Lamatua na fa do? Ade emi ta nde au ue-osang buna-boan soaneu Lamatua ka fa do?

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.

GALATIA 1:12

Boema au ta sipo halak ndia neme hataholi daebafa ka mai fa, ma hataholi ta nanoli-nafa'da au boen. Te Yesus Kristus nde nafa'da Hala Malole ndia isi-liin neu au a.

GALATIA 1:15

Tehu no Manetualain dale malole na de, beita bongi au boen te, Ana hele ma nalo au fo, au alalau-aoonon.

2 TIMOTIUS 1:1

Timotius fo au ana susue nga! Au, fo Paulus, au sulak fe o susulak ia, nana au amahena, ela leo bee na Amak Manetualain ma ita Lamatuan Kristus Yesus, fe baba'e-papalak, susue-lalaik ma mole-dame neu o. No Manetualain hihii-nanaun de, ala so'u au da'di Kristus Yesus hataholi nadedenun, boema nadenu au, fo au u tui-benga la'eneu maso'dak fo Manetualain helu ka. Ita hapu so'dak ndia, nana ita da'di esa to Kristus Yesus.

TITUS 1:1

Susulak ia neme au, Paulus. Au sulak susulak ia, da'dileo Manetualai natan ma Yesus Kristus hataholi nadedenun. Au nanahelek ma nananadenuk, soaneu au tulu-fali Manetualain hataholi kamahehele nala, fo ela ala da'di balakaik nai namahehele nala dalek. Au boeo muse hela-noles, fo ela lalelak nanoli ndoos fo agama nanoli kala.

1 PETRUS 2:22

Ana beita tao nita salak, ma beita hapu hataholi namanenen, nasapepeko-nasandandali fa.

1 YOHANIS 2:1

Ana ngala lemin! Au sulak fe emi susulak ia, fo ela emi boso boe tao sala-singok bai. Tehu metema bei hapu emi nggelok tao sala-singok soona, hapu ita hataholi mana masala'en esa na'de Yesus Kristus. Ana tao tunga ka'da ndo na. Neukose nasala'e ita nai Ama ka matan.