HATAHOLI 21:3 - Susula Malalaok Hehelu Palak Ma Hehelu Beuk

³ ami la'o de ami mita pulu Sipru sa nai ami boboa kii ma, tehu ami makandoo leo Siria meu. Ami kona neme Tirus nana ami sa'e ofa ka sanga nakona bua-lo'as nai ndia.

HATAHOLI 21:3 ပူးပေါင်းရင်းမြစ်များ

2 SEMUEL 8:6

Basa boema, Dauk napadedeik solda'du-la lalaa ofun-nala nai hataholi sila nusan dale, de lakatele neu Dauk, boema ala bae bea leo Dauk neu. Manetualain fe Dauk sengi, su'di nai mamanak bee fo natee-nata'ti.

MAZMUR 45:12

O mata makeem-ma, tao natu'da manek-ka dalen-na, o tuam-ma nde ndia, de makatele neun.

MAZMUR 87:4

“Neukose Au sulak Masir ma Babel leo leoina fo, manatunga Au-a, susulan dale neu. Nakalenak, Filistea, Tirus ma Sudan, nanalekek leo laun Yerusalem-ma dalek leu.”

YESAYA 7:2

Lelek manek Yehuda namanene lae solda'du Siria-la masok nusa Israel-la, da'di leo tia-laik boema, ndia no leoinan-na bii-lamata'u lanseli, nalosa ala dele bengge'be, sama leo anin-na fafaek ai-la.

MATEOS 11:21

“Soe ba'eneu kota Korasi no hataholi nala! Ma soe ba'eneu kota Betsaida no hataholi nala boe. Leo uni ka, manda'di beuk fo nanataok neme emi tala'da ndia, nanatao basak neme Tirus no Sidon soona, tao leo bee o hataholi manai naa la, ala tuka tei-sale dale basa doo ka leme sala-singo nala mai so, ma ala pake bua papake fafaluk, boema ala tao afu neu langa nala lain.

MATEOS 4:24

Ala benga Yesus nafeo basa nusa Siria lala'ena, nalosa hataholi makadotok mai leo Yesus mai. Ala lo basa hataholi kamahe'di mata-mata kala ma hataholi mana to'a-ta kala. Hataholi nitu sa'e kala, kamulu bi'i kala, ma lu'u ei kala de Yesus nakahahaik basa-basas.

LUKAS 10:13

“Soe ba'eneu emi, fo kota Korazim! Ma soe ba'eneu emi, fo kota Betsaida! Leo uni ka, basa manda'di beuk fo nanataok neme emi tala'da ndia, nanatao basak neme kota Tirus ma Sidon na soona, tao leo bee o, hataholi sila la, ala tukatei-saledale basa doo ka, leme sila sala-singo nala mai so, boema ala pake bua-lo'a fafaluk, ma ala tao daesopuk neu langa nala lain.

LUKAS 2:2

Ala leke lau nala dede'u makasososa na nde ia, fo ndia te Kirenius da'di gobelnol nai nusa Siria.

HATAHOLI 11:19

Ala taolisa Stefanus boema, ala usi neu mai lo hataholi kamahehele kala, de nalosa ala tapasasala leo basa mamanak lala'ena leu. Nggelok lalai losa Fenisia, ma nggelok losa Siprus ma Antiokia. Ala tui-benga Manetualain dede'a-kokolan neu ka'da hataholi Yahudi la.

HATAHOLI 12:20

Ndia te, Herodes namanasa mangalalau hataholi Tirus-sala ma hataholi Sidon nala. Hu ndia de, hataholi sila la basa-basas mai de lasale lan. Makasososa na ala fufu'di Blastus, fo ndia malangan nai Herodes uma mane na, de nalosa Blastus no kasa. Basa ndia boema leu leo Herodes leu fo loke dame, nana hataholi sila la nusa na, lamahena hapu nana'ak neme Herodes nusa na mai.

HATAHOLI 13:4

Hu ka nde Manetualain Dula Dale na nadedenu na, de Barnabas no Saulus leu leo Seleukia leu. Duas sa'e ofak leme ndia leo pulu Sipru sa leu.

HATAHOLI 15:23

Ala fe hataholi fo ladenuk sila la, lini susulak esa boe. Susulak ndia lii na nae leo ia, “Neu basa tolano-tolanook maneme leoina fe'ek fo ta hataholi Yahudi mana leo nai Antiokia, Siria, ma Kilikia. So'da-molek neme ami, fo Lamatua ka hataholi nadedenu nala, ma Penatua-penatua fo emi tolanoo mala.

HATAHOLI 15:39

Boema Paulus no Barnabas lale'a matua ina de nalosa neu mate'e na boema, duas lasi'da-laba'e. Boema Barnabas nalo na Markus de duas sa'e ofak leo Siprus leu.

HATAHOLI 15:41

Ala la'ok okofeo Siria ma Kilikia de latetea-lahehele hataholi salanik manai naa la.

HATAHOLI 18:18

Basa ndia boema, Paulus bei leo nala doo ka neme Korintus. Basa boema nate'a hataholi kamahehelek manai sila la de no Priskila ma Akwila sa'e ofak leo Siria leu. Ala losa Kengkrea boema Paulus nggeuheni langa doo na. Paulus namaa langa doo na nana naheluk basa no Lamatua ka nae, ndia sanga tao hata esa soaneu Lamatua ka.

HATAHOLI 21:16

Tolanook de'ubee leme Kaisarea mai boe, de ami basa-basa mala meu leo Manason uman meu, nana ami sanga leo nai uma ndia. Manason ia hataholi Siprus, fo ana tunga Yesus doo ka so.

HATAHOLI 21:2

Ami losa Patara boema ami hapu ofak esa, ana sanga neu leo Fenisia neu. Boema ami sa'e ofak ndia leona de ami la'o

HATAHOLI 21:7

Ami sa'e ofak makandoo meme Tirus leo Ptolemais meu. Ami losa naa boema, ami meu donge-dama tolanoo kamahehele kala fo ami mate'as, boema ami leo mos faik esa dale na.

HATAHOLI 27:4

Ami makandoo meme ndia mai, tehu ofa ka natongo ani solu, boema ami la'ok ndolo-ndolo tunga pulu Sipru sa su'u na, fo sue ka nde ofa ka babaa neme ani na mai.

HATAHOLI 4:36

Yusuf boeo tao leondiak. Nase'o dae na de nini doi nala leo Lamatua ka hataholi nadedenu nala neu. Yusuf ia nde bee soona, Lewi fo neme Siprus, tititi-nonosin ndia; Lamatua ka hataholi nadedenu nala loken soona lae, Barnabas boe. (Sosoa na nae, Mana kokoe-nanasi).

HAKIM-HAKIM 10:6

Hataholi Israel-la, lasala-lasingo seluk neu Manetualain. Ala ta taoafik neu Manetualain fa, ma ala ta sene-do'ok-kana so'on. Ala sene-do'ok neu lamatua daebafak Baal ma Asytoret, boema leoina Siria, Sidon, Moab, Amon ma Filistin lamatua daebafan-nala.