HATAHOLI 21:24 - Susula Malalaok Hehelu Palak Ma Hehelu Beuk

²⁴ Naa, tolanoo ka mu fo tao balisi ao ma sama-sama mos, sa'di tolanoo ka se'ba fes fo ala nggeuheni langa doo nala. No enok ndia, neukose basa hataholi la ala bubuluk lae, hata fo sila lamanenen la'eneu tolanoo ka ndia ta tete'e ka fa, nana tolanoo ka boeo nakalala'ok Musa hoholo-lalanen boe.

HATAHOLI 21:24 ပူးပေါင်းရင်းမြစ်များ

AYUB 1:5

Metema basa feta esa soona, Ayub fo'a fafaianak tatas esa, fo ana tunu-hotu tutunu-hohotuk soaneu anan-nala esa-esak, fo ela Manetualain fes do'o do ampon. Nana Ayub dodoo nae, bole da'di anan sila-la tao basa sala-singok, ma ta lame'da fa te, lakamumulu-lakamamaek Manetualain so.

AYUB 41:25

Metema, ana fo'a napadeik soona, hataholi mabe'i-balakaik boeo, mopo palanin-na, ana taon-nan, ndole-ndaku, nanahu ana bii-namata'u nanseli.

KELUARAN 19:10

Besak ia, muu matongo moo hataholi sila-la, ma madenus fo faik ia, ma balahaa laheheleaon, soaneu makaluku-makatele. Ala muse safe-saa bua papaken-nala.

KELUARAN 19:14

Basa boema, Musa kona neme letek lain mai, de nadenu hataholi sila-la laheheleaon, soaneu makaluku-makatele. Nafa'da nae, “Binesak soona, emi muse maheheleaom, ma besak ia, saotouk saoinak, ta bole sungu lakabubua fa.” Boema leoina ndia, mulai laheheleaon, ma ala safe-saa sila bua papaken-nala.

BILANGAN 6:13

Metema hataholi nazir esa basa fai nasar-na soona, muse ana tao feta ia. Muse no hataholi ndia, leo Manetualain Lalaa Teman-na lelesun-na neu,

BILANGAN 6:18

Hataholi nazir ndia, muse nggeuheni langadoon-na nai Manetualain Lalaa Teman-na lelesun-na, fo tu'u langadook ndia leo ha'i manapilak manai tutunu-hohotu mole-dame ndia dalek neu.

BILANGAN 6:5

Nai faik-faik fo ana be fe nasar-ra, ana ta bole nggute langadoon-na, do nggeu nggolomein-na fa. Nai lelek ndia, muse namaa langadoon-na, ma nggolomein-na, nemen-na fo lamanalu. Hataholi ndia nanapa'ak no ndia nasar-na, losa basa tepo lelek, fo ana fe hehelik aoinan-na neu Manetualain.

BILANGAN 6:9

Metema hataholi nazir esa, ana fe hehelik langadoon-na so, boema langadoon-na nanggenggeo nanahu ana deka hataholi fo maten no kaiboik, soona ana muse nahani faik hitu dalen-na; basa ndia soona, muse ana ngguteheni langadoon-na, ma nggolomein-na, fo besak-ka ana da'di malalaok.

YOHANIS 11:55

Nai lelek ndia, Fai Matua Paskah Yahudi a, ana deka so. Hataholi makadotok leme nggolo-ta'du kala mai, fo ala leo Yerusalem leu, fo sue ka nde Feta beita losa fa te, ala tunga lakahuluk ito-ato tao nalalao ao ka.

YOHANIS 3:25

Boema Yohanis ana manatungan de'ubee, ala mulai lale'a lo hataholi Yahudi la la'eneu sasafe ao ka nakanenete nala.

HATAHOLI 18:18

Basa ndia boema, Paulus bei leo nala doo ka neme Korintus. Basa boema nate'a hataholi kamahehelek manai sila la de no Priskila ma Akwila sa'e ofak leo Siria leu. Ala losa Kengkrea boema Paulus nggeuheni langa doo na. Paulus namaa langa doo na nana naheluk basa no Lamatua ka nae, ndia sanga tao hata esa soaneu Lamatua ka.

HATAHOLI 21:26

Boema Paulus no hataholi kahak sila la leu tunga feta tao balisi ao ka. Basa boema leu leo Manetualain Uman leu fo latanes, bei faik de'ubee bai soona, besa ka feta tao balisi aok ndia basan, ma latanes, sila esa-esak fe tutunu-hohotuk tao leo beek.

HATAHOLI 24:18

Nai lelek fo au tao alalao-alalafu basa au ao nga neme Manetualain Uman dale boema lita au. Ta hapu hataholi ba'u lo au nai ndia fa, ma ta hapu tasi'bu nai ndia boen.

1 KORINTUS 9:20

La'eneu hataholi Yahudi a, au tao da'dileo hataholi Yahudi, fo ela au bisa sengi hataholi Yahudi a soaneu Kristus. La'eneu hataholi fo naso'da tunga Musa hoholo-lalane na, au tao nono'ka bai au nanapa'ak neu hoholo-lalanek ndia, leomae tunga ndo na au ta nanapa'ak neu fan. Au tao ndia fo ela au bisa helas da'di Kristus ana manatungan.

GALATIA 2:12

Makasososa na, na'a-ninu nakabubua no tolano-tolanook ta Yahudi la. Tehu lelek fo Yakobis nadenu hataholi la ala losa boema, nadook ao na neme tolano-tolanook ta Yahudi la ma ana ta nau na'a-ninu nakabubua nos so'ok, nana ana bii neu hataholi fo ala nau fo ela sunat basa hataholi la.

HAKIM-HAKIM 13:5

Bongi basa o anam ndia soona, boso nggute langadoon-na makandondook, nana nai lelek bei nai ilun dale-a, ni'iana ndia nananaketu basak, soaneu da'di hataholi nazir. Ndia nde neukose, puselaipana soaneu soi-po'i hataholi Israel-la neme hataholi Filistin-nala koasan-na mai.”