HATAHOLI 21:14 - Susula Malalaok Hehelu Palak Ma Hehelu Beuk

¹⁴ Paulus ta nau namanene ami fa, boema ami ta kena-ka'in so'on. Ami bekola mae, “Neme na fo ka'da Lamatua ka hihii-nanaun nde da'di a.”

HATAHOLI 21:14 ပူးပေါင်းရင်းမြစ်များ

KEJADIAN 43:14

Sa'di leo been-na Manetualain Fo Manakoasa tao na filana ndia dalen-na tu'da neu emi, nalosa anan nau fe falik Benyamin ma Simeon leo emi neu. La'eneu au ia soona, metema memak au muse amopo au anang-ngala boeo, ta da'di hata-hata fa.”

2RAJA-RAJA 20:19

Boema, Manek Hizkia nataa nae, “Manetualain hala hehelun, fo o manduku-malosak-kana neu au-a, malole boe.” Hizkia nataa nae leondia nanahu, ana dodoo nae, “Sa'di au nusang-nga, nee-nee lino-linok nahele, ma mole-dame, nai lelek au bei aso'da.”

MATEOS 26:39

Basa boema Ana la'ok leo uluk neu doo-doo ana faa, de Ana senek boema Ana hule-haladoi nae. “Ama, metema Ama nau soona, madok doidosok fo Au muse lu'a-lepan ia neme Au a mai. Tehu boso tunga Au hihii-nanaung, te tunga ka'da Ama hihii-nanaun.”

MATEOS 26:42

Boema Yesus neu hule-haladoi la'i esa seluk nae, “Ama, metema doidosok ia, Au muse la'o la'din, ma ta hapu tao nadoo kana fa soona, neme na fo Ama hihii-nanaun da'di leona.”

MATEOS 6:10

Ami mane ma nde O, Ela leo bee na, O paleta nai daebafa ka fo ela ala tao tunga O hihii-nanaum, sama leo nai nusa so'da ka.

LUKAS 11:2

Boema Yesus nafa'das nae, “Metema emi hule-haladoi soona, mae leo ia, ‘Ama, O nde ma Manetualain fo Kisak. Ela leo bee na, O nananakaluku-nakatelek ma nanafe ha'da-holomatak. O nde ami Mane ma. Sa'di leo bee na O paleta nai daebafa ka.

LUKAS 22:42

nae, “Ama, metema bole soona, madook doidosok fo Au muse la'ola'din ia neme Au a mai leona. Tehu boso tunga Au hihii-nanaung, te tunga ka'da Ama ka hihii-nanaun.”

RUT SUSULAN-NA 1:18

Naomi nita Rut natea nahele fo ana tungan, da'di ana ta kokolak hata-hata so'on.

SEMUEL SUSULAK-KA ESAN-NA 3:18

Boema Semuel nafa'da la'iesak-kana neu Eli. Ta nafuni dede'ak de'ek esa boen. Basa boema Eli nafa'da nae, “Manetualain nde ndia, de nemen-na, fo Ana tao hata fo Ana meten malole.”