HATAHOLI 20:29 - Susula Malalaok Hehelu Palak Ma Hehelu Beuk

²⁹ Au la'o ia so, tehu tao leo bee o busa fui makaa kala neukose ala mai leo emi tala'da mai. Fo emi manea hataholi sila la, neukose ala da'di busa fuik sila la nana'a nala.

HATAHOLI 20:29 ပူးပေါင်းရင်းမြစ်များ

YEREMIA 13:20

Manetualain nafa'da neu Yerusalem laun-nala nae, “Taoafik leona! Emi musum-mala mai leme kii mai! De hataholi-hataholi fo emi masulu-mahapak-kala, ma emi mamahenak-kala lai bee.

YEREMIA 23:1

Manetualain fo Israel Manetualain-na nafa'da nae, “Soe ba'eneu emi basa mauli-malanga fo manatao tapasasala Au anang-gala! Tunga ndoon-na emi masamumumu-masamamao Au anang-ngala, tehu emi ta tao-no'i fan; emi po'ilotak-kasa ala tapasasala ma lalai. Besak ia neukose Au huku emi nanahu emi tatao-nono'i mangalaum-mala.

YESKIAL 22:27

Manapaletan-nala sama leo busa fuik-ka, ana sisii-lulu'i nana'an-na. Ala lanisa, ka'da soaneu sanga nanalak.

YESKIAL 34:8

No Au, Manetualain fo maso'dak-ka na'den-na, taoafik leona! Bana fuik-kala, ala kaa-la Au bi'ilopong-ngala, de la'ahenis so, nanahu ta hapu hataholi foo fas. Au manafoong-ngala nde emi, tehu emi ta taoafik neu bi'ilopo sila-la fa. Emi dodoo ka'da emi aoinam-ma mesak-kana, te emi ta mete-makanae emi bi'ilopom-mala fa.

DANIAL 11:34

Nai lelek ala bei tao-tao loo kanisak ndia te, neukose Manetualain anan-nala, hapu tutulu-fafalik faa anak, tehu hataholi makadotok lakabubua loos ka'da soaneu sila paluun-na mesak-kana.

ZEFANYA 3:3

Kota ndia hataholi matua-mademan-nala, sama-na leo singa, fo ala nggasi beau. Manamaketu-mala'din-nala, sama-na leo busa fui kamala'ak-ka. Ala tenepeta lanseli, nalosa ta la'a ela paa dui esa boen, soaneu balahaa fa.

ZAKHARIA 11:17

Soo-supak ba'eneu manafoo sosoa-ndandaa tak ndia! Ana la'oela bi'ilopo bubuan-na so. Neukose natee-natatik-ka, tao nate'e koasan-na. Neukose, male heni alun-na, ma poke mata konan-na.”

MATEOS 10:16

“Taoafik neu dede'ak esa nde ia te: Au adenu emi sama leo bi'i lopo tapandoe sa, neu leo busa fui makaa mangalau ka tala'da neu. Hu ndia de, emi muse manea sama leo menge a, tehu emi dale ma ndoos, sama leo manupui kalua sina.

MATEOS 7:15

“Masanene'dak neu nabi pepeko kala, te lasale mai soona sama leo bi'ilopo a, te see ko na dale nala sama leo busa fui makaa mangalau ka.

LUKAS 10:3

Naa, la'o leona! Au adenu emi sama leo bi'ilopo a neu leo busa fui a tala'da heon leu.

LUKAS 12:32

“Emi dede'u ma ka'da lumanak mesa kana de boso bii! Nana emi Amam boeo no namahokok hapu paleta nai emi maso'da ma dalek.

YOHANIS 10:12

Tehu hataholi mana'a ngga'di a, manafoo ta ndia fa. Boema bi'i la lamatua na ta nde ndia boen. Hu ndia de, metema nita busa fui ka mai soona, neukose nalai la'oela bi'i la. Soona busa fui ndia, ana kaa nala bi'i la, ma ana tao na bi'i la tapasasala.

YOHANIS 21:15

La'a basa boema, Yesus nafa'da Simon Petrus nae, “Simon, fo Yona anan, ade o sue-lai Au, lenaheni basa ia la susue-lalain neu Au a do ta?” Boema Petrus nae, “Tete'e ka, Lamatuak. Lamatua ka bubuluk, au sue-lai Lamatua ka.” Yesus nafa'dan nae, “Makaboboi Au bi'ilopo ana ngala.”

HATAHOLI 20:28

Ela leo bee na emi manea emi aoina mala, ma manea basa hataholi salanik fo Manetualain Dula Dale na ana fes neu emi, fo emi maneas; nana emi nanaso'u basak da'di mana manea hataholi salanik so. Ela leo bee na emi manea Manetualain hataholi salanin sila la, sama leo manafoo a nanea bi'ilopo nala, hu ka nde Manetualain nakadada'dik basa hataholi salanik sila la da'di neu Ndia nuun, tunga Ana na mamate na so.

1 PETRUS 5:2

fo ela emi foo-lolo matalolole bi'ilopo fo Manetualain fe emi a. Foo-lolo bi'i sila la no dale namahokok, tunga Manetualain dale hihii na, ma boso no dale bibia-seselik. Boso sanga hahapuk neme emi ue le'dim ndia mai, te emi tao-no'ik ndia, nana memak te'e-te'e, emi hii malalau-maoono.

2 PETRUS 2:1

Makahulu na, hapu nabi masapepeko kala, ala mai leo Manetualain hataholi kamahehele nala dalek mai. Leondiak boe, neukose mese pepeko kala, ala mai leo emi tala'da mai boe. Mesen sila la, lanoli nanoli masalak, fo nini ka'da momopo-mamates fe hataholi a. Ma neukose lalelesi Mana Koasa fo mana soi-po'i sila. No enok ndia, sila nde lini momopo-mamates fe sila ao ina na, fo ta doo anak so'on te, ana tuni nalas so.

YUDAS 1:18

Hataholi sila la, lafa'da lakahuluk emi lae, sanga losa le'do fai mate'e ka soona, neukose hapu hataholi mana hakinonoli emi a, ala to'da mai. Hataholi sila la nde, hataholi fo laso'da tunga ka'da sila hihii-nanau masala-masingo nala.