HATAHOLI 2:5 - Susula Malalaok Hehelu Palak Ma Hehelu Beuk

⁵ Lelek ndia, hataholi Yahudi makadotok ala mai leme nusa mata-matak manai daebafak ia lala'ena, de lakabubua lai Yerusalem. Hataholi sila la nde bee na hataholi fo lamahele neu Manetualain.

HATAHOLI 2:5 ပူးပေါင်းရင်းမြစ်များ

KELUARAN 23:16

Tao Feta Ketu-koluk-ka nai lelek, emi mulai ketu-kolu emi tinam-ma buna-boa makasososan-na. Tao feta Lalaak Akidook-ka nai teuk-ka basan, fo nai lelek emi ketu-kolu basa emi osi angol-la ma osi aiboam-mala.

YESAYA 66:18

Au bubuluk sila dudu'a-aafin ma tatao-nono'in. Au mai soaneu tao nakabubua basa hataholi-la, leme leoina lala'en-na mai. Nai lelek ala lakabubua, neukose ala lita Au koasang-nga.

ZAKHARIA 8:18

Manetualain Fo Manakoasa, fe au hala heheluk-ka nde ia, fo au anduku-alosak-kana neu anan-nala nae,

MATEOS 24:14

Ma Hala Malole la'eneu tao leo beek fo Manetualain paleta, neukose nanatui-bengak leo basa daebafa ka lala'ena neu, fo ela basa hataholi la lamanenen. Basa ndia soona, besa ka fai mate'e ka ana losa.”

LUKAS 17:24

Sama na leo ndela sa nandela nai lalai, fo nasa'a neme pedak leo pedak neu soona, mahani te Ana Hataholi ka heheo-hihilun nai fai mamai na leondiak boe.

LUKAS 2:25

Lelek ndia nai Yerusalem, hapu hataholi esa na'de Simeon. Hataholi ndia hataholi malole, fo ana bii neu Manetualain, ma ana bei nahani fai na losa ba'eneu Manetualain soi-tefa hataholi Israe la. Manetualain Dula Dale na koasa nan,

LUKAS 24:18

Boema hataholi kaduak sila la esa na'de Kleopas, natane Yesus nae, “Ade Ama hataholi manamai esa nai Yerusalem de, ta bubuluk manda'dik fo ana da'di nai fai-fai mate'ek ia la fa do?”

YOHANIS 12:20

Nai hataholi manamaik leme Yerusalem fo nai lelek fai malole ndia, hataholi Yunani de'ubee lai dalek boe.

HATAHOLI 10:2

Touk ia no basa uma isi nala fe ha'da holomata neu Manetualain. La'iba'u ka ana tulu fali hataholi Yahudi nuu ta-hata ta kala, ma ana hule-haladoi neu Manetualain tataas esa.

HATAHOLI 10:7

Ata nusa so'dak fo mana kokolak no Kornalius ndia ana la'o boema, nalo na malalau-maoonon dua, ma solda'du mana manea kamahehelen esa,

HATAHOLI 13:50

Tehu hataholi Yahudi la dudungu-papau hataholi matua-madema manai kota ndia, hataholi matua-madema fo mana bii neu Manetualai na ina nala. Ala tao musu lo Paulus no Barnabas, de ala usiheni duas leme nusak ndia mai.

HATAHOLI 2:1

Lelek fai Pentakosta losa boema, basa hataholi kamahehele kala lakabubua leme mamanak esa.

HATAHOLI 22:12

Touk esa na'de Ananias, ana leo nai ndia. Hataholi ndia hataholi malalao-malalafuk, ma ana tunga Musa hoholo-lalanen no matetuk. Basa hataholi Yahudi mana leo nai Damsyik-ka ala fe ha'da-holomata neun.

HATAHOLI 8:2

Hataholi fo lamahele neu Manetualai na, latoi Stefanus. Dale nala he'di sa, de ala kii-makaleleun.

HATAHOLI 8:27

Boema Felipus la'o leona. Ndia te mane Etiopia pegawi esa bei nai eno tala'dak fo ana sanga fali ne'un leo nusa na neu. Hataholi ndia pegawi matua-madema esa, fo ndia nde ito-ato basa ina mane Etiopia fo Kandake su'i-beten lala'ena. Hataholi ndia neu leo Yerusalem neu fo ana hule-haladoi neu Manetualain, de besak ia ana fali ne'un no kaleta na. Nangatuuk neu kaletan lain boema ana lees Nabi Yesaya Susula na.

ULANGAN 2:25

Neme faik ia, neukose Au tao-a leoina fo manaleo su'di lai bee boe, ala bii-lamata'u neu emi. Metema lamanene emi na'dem-ma soona, ala dele-bengge'be, nana bibii-namata'uk-ka.’ ”

KOLOSE 1:23

Tehu tao leo bee o emi muse lilineka mahele ma mapadeik mahele nai emi namahehele ma dalek. Boso nalosak emi po'i heni namahehenak fo nanafe basak neu emi, nai lelek emi sipok Hala Malole maneme Manetualai na mai a. Hala Mole ndia nanatui benga basak neu hataholi manai daebafa ka lala'ena. Ma hu no enok ndia de au Paulus, dadi malalau naoono boe.