HATAHOLI 2:47 - Susula Malalaok Hehelu Palak Ma Hehelu Beuk

⁴⁷ Ala koa-kio Manetualain tataas esa, de nalosa basa hataholi la dale na loa-loak mesan los. Hu ndia de, tunga faik hapu hataholi mana tukatei-saledale kala boetai lamba'u ka, de nalosa hataholi kamahehele kala, dede'u nala boetai tama lakandoo.

HATAHOLI 2:47 ပူးပေါင်းရင်းမြစ်များ

LUKAS 19:48

tehu ala ta hapu enok soaneu tao fan, nanahu basa hataholi la ka'da lamanene lahelen, ma lahiik hala-kokolan.

LUKAS 2:52

Yesus boetai tama namatua ka, ma manatee teno na boetai tama, boema Manetualain sue-lain ma hataholi daebafa ka lahii kana.

HATAHOLI 11:21

Lamatua ka koasa na nai hataholi sila la dalek, nalosa hataholi ba'u ka lamahele de ala fe so'da nala leo Lamatua ka neu.

HATAHOLI 11:24

Barnabas ia, hataholi dale malole ma Manetualain Dula Dale na koasa nan, boema namahele nanseli neu Lamatua ka, de nalosa hataholi makadotok tunga Lamatua ka.

HATAHOLI 13:48

Nai lelek leoina fe'ek fo hataholi ta Yahudi la lamanene dede'ak ndia, boema lamahoko lanseli, de ala koa-kio Manetualain dede'a-kokolan. Ma hataholi fo Manetualain hele basa kala lamahele ala hapu so'da matetu ka, ma mana ketu basa ta ka.

HATAHOLI 14:1

Paulus no Barnabas la'ola'di dede'ak matak esa nai Ikonium. Duas leu leo hataholi Yahudi la uma mamason dale leu de duas kokolak de kokola nala malole hiik, de nalosa hataholi Yahudi ma hataholi ta Yahudi makadotok lamahele Yesus.

HATAHOLI 14:21

Nai Derbe, Paulus no Barnabas tui-benga Hala Malole a, de hataholi ba'u ka lamahele Yesus. Basa ndia boema, duas fali leo Listra leu, de basa boema lakandoo leo Ikonium leu, de ala leo Antiokia, fo nai Pisidia.

HATAHOLI 16:5

Boema hataholi salanik manai sila la, namahehele nala boetai latea-lahele, ma tunga faik dede'u nala boetai lamba'u ka.

HATAHOLI 17:12

Sila ba'u ka lamahele Yesus, ma hataholi Yunani nananita-nalelak ba'u ka, nau inak do touk boe, lamahele.

HATAHOLI 2:39

Nanahu hata fo Manetualain helu basan ndia nde bee na soaneu emi mo emi tititi-nonosi mala, boema soaneu hataholi manai mamana doo kala, fo nde hataholi fo ita Lamatuan Manetualain nalo basa kala.”

HATAHOLI 2:41

Hataholi ba'u lamahele Petrus hala kokolan sila la. Tutika loke salanis leona. Faik ndia dale na, tama seluk hataholi kamahehelek lifun telu.

HATAHOLI 4:21

Boema mana maketu-mala'dik sila la ta hapu ne'ek faanak boen soaneu ala huku Petrus no Yohanis. Da'di ka'da lakabibiik Lamatua ka hataholi nadedenu kaduan sila la boema ala po'i duas, nana basa hataholi la koa-kio Manetualain, hu ka nde manda'dik ndia.

HATAHOLI 4:33

Lamatua ka hataholi nadedenun sila la tui-benga Yesus fo naso'da falik ndia no koasa matua ina. Hu ndia de, Manetualain fes baba'e-papala matua ina.

HATAHOLI 4:4

Tehu hataholi mana mamanene Lamatua ka hataholi nadedenu kaduan sila nanoli nala, ba'u ka lamahele. De dede'u nala boetai lamba'u ka. Fafa'ka ma, losa hataholi lifun lima.

HATAHOLI 6:1

Hataholi mana tunga Yesu sa boetai lamba'u ka. Nai lelek ndia, hataholi Yahudi mana kokolak linik dede'a Yunani la, ala ta hii hataholi Yahudi nusa isi kala fa. Hataholi Yahudi mana kokolak linik dede'a Yunani la lae, “Ami inafalu mala ala ta hapu baba'ek neme tutulu-fafalik fo ala baba'e fe hataholi la fa.”

HATAHOLI 6:7

No enok ndia, Manetualain dede'a-kokolan boetai namaloa ka, ma hataholi mana tunga Yesus manai Yerusalem-mala boetai lamba'u ka. Ma imam ba'u ka lamahele Yesus.

HATAHOLI 9:31

Boema hataholi salanik manai basa Yudea, Galilea, ma Samaria lala'ena, dale nala tesa-tama. No Manetualain Dula Dale na tutulu-fafalin, ma no bii neu Lamatua ka, de hataholi salanik sila la boetai latea-lahele ma boetai lamba'u.

HATAHOLI 9:35

Basa laun manai Lida ma Saron lita Eneas boema, basa-basas lamahele Lamatua ka.

ROMA 14:18

Hataholi fo nalalau-naoono Kristus no enok leondia ka, hataholi ndia nandaa no Manetualain dale na, ma hataholi fe'e kala fe ha'da-holomata neun.

ROMA 8:30

Manetualain hala nalolon neu hataholi fo naketu basan neme makahulu na mai a, leondiak; boema hataholi nananalok sila la, ala hapu loak soaneu ala malole falik lo Manetualain. Ma ala hapu loak soaneu laso'da nai Manetualain so'da-mole na dalek.

ROMA 9:27

Nabi Yesaya kokolak no halabelak la'eneu leoina Israel nae, “Leomae leoina Israe la dede'u na de'u solokaek manai tasi su'u ka, tehu ka'da lumanak mesa kana neukose laso'da;

1 KORINTUS 1:18

Nana ba'eneu hataholi fo ana la'ok nasale leo mamate-momopo ka neu a, halak la'eneu Kristus mamaten nai ai nggangek lai na, nalupa tutui masapepekok basa sila la. Tehu ba'eneu ita fo Manetualain soi tefa basa ka, tutui-bebengak ndia, nalupa eno-dalak soaneu Manetualain natu'du koasa na.