HATAHOLI 2:43 - Susula Malalaok Hehelu Palak Ma Hehelu Beuk

⁴³ Hataholi kamahehele kala tao manda'di beuk makadotok nan, de basa hataholi la ala bee doo hiik ma ala bii lanseli.

HATAHOLI 2:43 ပူးပေါင်းရင်းမြစ်များ

ESTER 8:17

Boeo, nai basa kota ma propensi-la, su'di nai bee boe, fo ala lees manek-ka susula paletan-na soona, hataholi Yahudi-la lamahoko, dalen-nala loa-loak mesan, ma ala tao feta-dote. Nakalenak bai, laun ba'uk-ka masok leo leoina Yahudi dale leu, nanahu ala bii-lamata'u neu leoina ndia.

YEREMIA 33:9

Yerusalem neukose ana da'di namahokok ma Au matua mademang. Basa leoina manai daebafak ia neukose ala da'di manabiik ma mamata'uk, ma ala ta fe ha'da-holomata mai Au, metema lamanene la'eneu basa malole-mana'a fo Au taon soaneu Yerusalem laun-nala, ma la'eneu tetu-temak fo Au fen neu kota ndia.”

HOSEA 3:5

Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.

MARKUS 16:17

Fo ana da'di buti esa nae, sila lamahele soona neukose ala usiheni dula dale mangalau kala ninik Au na'de nga. Neukose ala kokolak lalelak dede'ak fo ala ta lalela kana fa.

LUKAS 7:16

Basa hataholi la bii ma ala mulai koa-kio Manetualain. Lafa'da lae, “Nabi matuaina esa to'da mai nai ita tala'da so! Manetualain mai fo Ana soi-tefa na hataholi kamahehele nala so!”

LUKAS 8:37

Boema basa nusa Gerasa lau na lala'ena loke lanseli fo daenga Yesus la'oela mamanak ndia, nana basa-basas bii lanseli. Boema Yesus sa'e leo ofak lain neu, fo Ana fali ne'un.

YOHANIS 14:12

Au dede'ang ia tete'e ka la'en: See namahele Au soona, neukose ana tao hata fo Au tao basa kala so, — lena-lenak ana tao dede'a matua lena seluk bai — nana Au u leo Ama ka u.

HATAHOLI 2:22

Tolano-tolanoo Israel ngala lemin! Mamanene hata fo au afa'dak ia la. Manetualain fe basa bela-ba'uk neu Yesus fo hataholi Nazaret ndia, soaneu tolanoo kala so. Ita titan no mangale'dok nai manda'di beu kala ma dede'a matua ina la dalek, fo Manetualain taon nai emi tala'da tunga Yesus ndia. Emi bubuluk basa dede'ak sila la so.

HATAHOLI 4:33

Lamatua ka hataholi nadedenun sila la tui-benga Yesus fo naso'da falik ndia no koasa matua ina. Hu ndia de, Manetualain fes baba'e-papala matua ina.

HATAHOLI 5:5

Leondiak Ananias namanene dede'ak ndia, tutika ana bala neu de maten. Basa hataholi mana lamanene dede'ak ndia, ala bii lanseli.

HATAHOLI 9:34

Boema Petrus nafa'da Eneas nae, “Eneas, Yesus Kristus tao nahai o. Fo'a fo mafafa'u matalolole o pepe'u ma leona.” No hatematak ndia boe, Eneas ana fo'a leona.

HATAHOLI 9:40

Boema Petrus nadenu basa-basas kalua leo deak leu, boema ana senek de ana hule-haladoi. Ana hule-haladoi basa boema, nasale leo Dorkas popola na neu de nafa'dan nae, “Tabita, fo'a leona!” Tutika Dorkas nalaak mata na de lelek fo nita Petrus boema, ana fo'a de nangatuuk.