HATAHOLI 2:38 - Susula Malalaok Hehelu Palak Ma Hehelu Beuk

³⁸ Boema Petrus nafa'das nae, “Tukatei-saledale meme emi sala-singom mai leona, ma ela leo bee na salani emi ninik Yesus Kristus na'de na; fo ela emi sala-singom hapu do'o do ampon. Soona neukose Manetualain fe hiik Dula Dale na neu emi.

HATAHOLI 2:38 ပူးပေါင်းရင်းမြစ်များ

YESAYA 32:15

Tehu neukose, Manetualain mai la'iesa seluk no koasan-na. Soona neukose moo soloka'ek-ka, da'di tina maoe-maisik, ma neukose tina-la, sama leo nula.

YESAYA 59:20

Manetualain nafa'da anan-nala nae, “Neukose, Au mai leo Yerusalem mai, fo soi-tefa emi basa-basam fo, manatukatei-saledale neme sala-singon-nala mai.

YESAYA 59:21

Au tao hehelu-balataak o emi ae: Au fe emi, Au koasang-nga, ma Au nanoling-nga, losa dodoon-na. Manolin neu emi anam-mala, fo ela sila boeo, hapu lanolin neu sila tititi-nonosin, mulai besak ia, losa dodoon-na.”

YESKIAL 39:29

Neukose, Au akona Au Duladaleng-nga neu leoina Israel-la, ma neukose Au ta la'oelas so'on. Au, Manetualain Fo mademaina, nde manakokolak-ka.”

ZAKHARIA 12:10

Basa boema, Dauk tititi-nonosin, boema neukose Au fe laun Yerusalem-mala, dalek fo nau sue-lai, ma nau hule-haladoi. Neukose ala mete ndia fo ala pau basan so, fo ala kii-makaleleun, sama leo hataholi kii-makaleleu ana kisan-na. Neukose ala kii-makaleleu no dale he'dik, sama leo hataholi fo namopo ana ulun-na.

MATEOS 28:19

Hu ndia de meu leo basa leoina manai daebafa ka lala'ena, fo taos da'di Au ana mana tunga ngala. Salanis ninik Ama ka na'de na, Ana ka nade'na, ma Manetualain Dula Dale na na'de na.

MATEOS 3:2

“Tukatei-saledale meme emi sala-singo mala mai leona, nana ta doo ka so'on te, neukose Manetualain Ana paleta leo Mane ka so!”

MATEOS 3:6

Ala manaku sala-singo nala, de Yohanis salanis leme Lee Yarde na.

MATEOS 4:17

Mulai neme lelek ndia mai boema, Yesus mulai tui-benga nae, “Tukatei-saledale leona, te ta doo ka so'on te Manetualain paleta leo Mane ka!”

MARKUS 1:15

Yesus tui-benga nae: “Neukose Manetualain mulai paleta no lai-laik. Hu ndia de tukatei-saledale meme emi sala-singo mala mai, ma mamahele Manetualain Hala Malole na!”

MARKUS 16:16

Hataholi see ta namahele fa soona, neukose nanahukuk. Tehu hataholi see namahele fo salanin soona, neukose ana hapu so'da ka.

LUKAS 24:47

Susulak ia la boeo lafa'da lae, no Mane Mana Fe So'dak ndia na'de na, muse nanatui-bengak neu basa leoina lala'ena mae, hataholi daebafa ka muse tukatei-saledale, ma mafa'da mae Manetualain fe do'o do ampon neu sala-singo ka. Halak ndia muse nanatui-bengak mulai neme Yerusalem mai.

LUKAS 3:10

“Da'di hata fo muse ami taon?” hataholi latane Yohanis lae leondia.

HATAHOLI 10:43

Basa nabi la kokolak la'eneun. Lafa'da lae, basa hataholi fo lamahele neu Yesu sa, neukose sala-singon hapu do'o do ampon ninik Yesus koasa na.”

HATAHOLI 10:48

Boema Petrus nadenu salani hataholi sila la ninik Yesus Kristus na'de na. Basa ndia boema lafa'da Petrus, fo ana leo nos faik de'ubee dale na.

HATAHOLI 13:38

Hu ndia de, tolanoo kala muse bubuluk te tunga Yesus ia, de halak la'eneu sala-singok nanafe do'o do ampo na, nanatui-bengak neu emi; emi muse bubuluk, te hataholi fo namahele nana, nanasoi po'ik neme basa sala-singok fo ta bisa nanalosehenik tunga Manetualain paletan fo Musa nanduku-nalosa kana fa.

HATAHOLI 16:15

Boema ala salani Lidia no uma isi nala. Salani basan boema, noke ami meu leo uman meu. Nafa'da ami nae, “metema tolanoo kala mame'da nana, te'e-te'e au amahele Yesus soona, mai fo ata teu leo au umang teu.” Boema nakaseti nahele ami, fo ami tunga ndia nonoke na.

HATAHOLI 17:30

Manetualain nafandeleheni ita nggoa na so, tehu besak ia nadenu basa hataholi daebafa ka tukatei-saledale leme sala-singo nala mai.

HATAHOLI 20:21

Au fe nasanene'dak tataas esa, nau neu hataholi Yahudi do leoina fe'e kala, fo ela ala tukatei-saledale leme sala-singo nala mai, fo ala fali leo Manetualain mai, boema lamahele Lamatuak Yesus.

HATAHOLI 22:16

Besak ia boso boe mahani mala doo ka bai. Fo'a fo salani o leona. Malo neu Lamatua ka fo Ana se'i-po'i o meme o sala-singo mala mai.’ ”

HATAHOLI 26:18

fo tao ma mata nala lalaak, fo daenga ala kalua leme makahatuk dale leo mangale'do ka dalek, ma latapo'i leme Nitu dudungu-papaun mai, fo ela Manetualain koasa nalas. Fo no namahehelek neu Au ndia, Au fe do'o do ampon neu sala-singo nala, fo ala da'di Manetualain hataholi kamahehele nanahelek.’ ”

HATAHOLI 26:20

Au kokolak no mangale'dok o hataholi la ae, sila muse tukatei-saledale leme sala-singo nala mai, fo ala fe so'da na leo Manetualain neu, ma latu'dun nai maso'da nala dalek lae, sila tukatei-saledale leme sala-singo nala mai so. Au afa'da dede'ak ndia makasososa na neme Damsyik, de basa boema neme Yerusalem, ma neme basa Yudea lala'ena, ma neme basa hataholi ta Yahudi la tala'da.

HATAHOLI 3:19

Hu ndia tolano-tolanoo ngala lemin, tukatei-saledale meme emi sala-singo mala mai leona, fo fali leo Manetualain mai, fo ela Ana kokaheni emi sala-singom sila la.

HATAHOLI 5:31

Boema Manetualain fen nangatutuu madema ma koasa matuaina da'dileo Mauli-Malangan ma Mana Soi-Tefa, fo ela hataholi Israe la hapu loak soaneu ala tukatei-saledale leme sala-singo nala mai, fo ala hapu do'o do ampon.

HATAHOLI 8:12

Tehu Felipus tui-benga fe hataholi sila la Hala Malole la'eneu tao leo beek de Manetualain paleta leo Mane ka, ma la'eneu Yesus Kristus fo Mane Mana Soi-Tefak ndia. Boema hataholi la lamahele Felipus tutui-bebengan ndia de ala salanis, nau touk do inak boe.

HATAHOLI 8:20

Tehu Petrus naen nae, “Soe ba'eneu o mo o doi ma! O maedaenga o hapu asa Manetualain baba'e-babatin ninik doik do?

ROMA 6:3

Ade emi ta bubuluk, lelek fo ala salani ita, nai lelek ndia ita da'di esa to Kristus fa do? Dede'ak ia sosoa na nae, ita da'di esa to Kristus nai mamate na dalek.

EFESUS 1:7

Nana, hu ka nde Kristus mamate na de, Manetualain se'i po'i ita, fo dede'ak ndia sosoa na nae, Ana fe do'o do ampon neu ita sala-singon so.

TITUS 3:5

Ana soi tefa nala ita nana ta hu ka nde ita tatao-nono'i malole na fa, te hu ka nde Ana sue-lai ita. Ana soi-tefa na ita tunga Manetualain Dula Dale na koasa na, nalosa ita nanasafek ma nanabongi nasafalik soaneu mulai so'da matetu ka ma mana ketu basa ta ka.

1 PETRUS 3:21

Naa, mana da'dik ndia, nalupa nakandandaak esa, neme oe salanik fo besak ia, nini so'dak fe emi. Tehu salanik ndia ta nde tao balisi hataholi a ao paa na neme manggenggeo na mai fa, te nalupa emi hehelu-balatam neu Manetualain no dale katema tuak. Salanik ndia nini so'dak fe emi, nanahu Yesus Kristus naso'da falik neme mamate sa mai de,