HATAHOLI 2:1 - Susula Malalaok Hehelu Palak Ma Hehelu Beuk

¹ Lelek fai Pentakosta losa boema, basa hataholi kamahehele kala lakabubua leme mamanak esa.

HATAHOLI 2:1 ပူးပေါင်းရင်းမြစ်များ

2TAWARIKH 30:12

Nai Yehuda boeo Manetualain tao-no'i de laun-na dalek esa soaneu tunga te'e-te'e neu Manetualain hihii-nanaun nenik ala tunga manek-ka ma hataholi mana'a ngga'din-nala paletan-na.

MAZMUR 133:1

Dauk nakamee dodonge-dadaman. Tete'ek-ka, malole ma namahokok nanseli, metema Manetualain anan-nala laso'da no mole-dame!

KELUARAN 23:16

Tao Feta Ketu-koluk-ka nai lelek, emi mulai ketu-kolu emi tinam-ma buna-boa makasososan-na. Tao feta Lalaak Akidook-ka nai teuk-ka basan, fo nai lelek emi ketu-kolu basa emi osi angol-la ma osi aiboam-mala.

KELUARAN 34:22

Tao Feta Keketu-kokoluk nai lelek emi mulai ketu-kolu gandum-ma buna-boan makasososan-na. Boeo tao Feta Lalaa Akidook-ka nai basa teuk-ka, nai lelek emi ketu-seu ai boak-kala.

YEREMIA 32:39

Neukose Au fe sila dudu'ak ka'da esa fo nde, fe ha'da-holomata neu Au neme dodoon losa dodoon-na; dede'ak ndia neukose neni malole ba'eneu sila aopaan-na, ma ba'eneu sila tititi-nonosin.

ZEFANYA 3:9

Tehu basa boema, Au tao asafali leoina sila-la dalen-nala, nalosa ala sene-do'ok ka'da neu Au mesang-nga, te ta neu lamatua daebafa fe'ek-kala fa. Neukose, basa leoina sila-la, ala tunga Au.

HATAHOLI 1:5

Nana Yohanis salani ninik oe, tehu bei faik de'ubee bai soona, neukose emi nanasalanik ninik Manetualain Dula Dale na.”

HATAHOLI 1:8

Tehu neukose emi hapu koasa, metema Manetualain Dula Dale na ana kona mai emi. Ma neukose emi da'di sakasii soaneu Au nai Yerusalem, nai basa Yudea lala'ena, ma nai Samaria, losa daebafa ka bu'u-bu'u nala.”

HATAHOLI 2:46

Tunga faik lakabubua tataas esa nai Manetualain Uman dale, ma la'a-linu lakabubua no namahokok, ma lasue-lalai ao nai uma lo nala dalek.

HATAHOLI 20:16

Paulus naketu basa ana ta tuli Efesus fa, fo boso tu'u-tapaheni le'do fai nai nusa Asia. Ana hii losa lai-lai Yerusalem, nai fai Malole Pentakosta.

HATAHOLI 4:24

Nonoo nala lamanene basa dede'ak sila la boema basa-basas teikesa-dalekesa de ala hule-haladoi neu Manetualain. Ala hule-haladoi lae, “Manetualain, O nde makadada'dik lalai no daebafa ka ma tasi no basa oe isin lala'ena.

HATAHOLI 4:31

Ala hule-haladoi basa boema lakabubua lai mamana ka, nanggengo. Boema Manetualain Dula Dale na koasa na basa-basas de ala mulai kokolak no napalanik nanseli la'eneu halak maneme Manetualai na mai a.

HATAHOLI 4:32

Basa hataholi kamahehelek sila la teikesa-dalekesa ma dudu'a-aafik esa. Ta hapu hataholi esa boen nafa'da nae, ndia hata-heton sila la ndia nuu mesan fa. La'a-pake hata-heto nala leu esa.

HATAHOLI 5:12

Hu ka nde Lamatua ka hataholi nadedenu la lau-onon de manda'di beu kala ma dede'a matuaina la ala da'di nai lau nala tala'da. Basa hataholi kamahehele kala lakabubua no teikesa-dalekesa nai Serambi Salomo, fo nai Amak Manetualain Uman.

ROMA 15:6

No teikesa-dalekesa, tolanoo kala basa-basa mala koa-kio Manetualain fo ita Lamatuan Yesus Kristus Aman.

1 KORINTUS 16:8

Besak ia, neukose au leo nai ia fo nai kota Efesu sa, losa fai Pentakosta.

FILIPI 1:27

Na, fo nana paluuk besak ia nde, nae emi so'da ma nandaa no hata fo Hala Malole a nakasetin la'eneu Kristus ndia. No enok ndia, fafa'ka ma au bei atongo o emi do ta, neukose au amanene lae, emi teik esa-dalek esa mahele ma tunga sanga sama-sama soaneu ka'da dudu'a-aafik esa ma hihii-nanauk esa; fo nde soaneu namahehelek fo nandaa no Hala Malole fo maneme Manetualai na mai a.

FILIPI 2:2

Na, so'ba te'e-te'e, emi tao ma au daleng-nga namahoko ninik dede'ak ia la: Maso'da teik esa-dalek esa ninik susue-lalaik matak esa, dudu'a-aafik matak esa, ma dale hihiik matak esa.