HATAHOLI 19:9 - Susula Malalaok Hehelu Palak Ma Hehelu Beuk

⁹ Tehu hataholi sila la, de'ubee ala langa batu de ala ta nau lamahele fa. Nai basa hataholi mana makabubuak sila la matan, lakamu-lakadau nanolik la'eneu Manetualain dale tutu'un soaneu Ana soi-tefa na hataholi daebafa ka tunga Yesus. Hu ndia de Paulus la'oelas de no hataholi mana tunga Yesu sala leu leo Tiranus kama nanolin dale leu. Leu ndia boema, tunga faik Paulus natukaaafik no hataholi la.

HATAHOLI 19:9 ပူးပေါင်းရင်းမြစ်များ

2RAJA-RAJA 17:14

Tehu, Israel ma Yehuda, ta nau lamanene fa. Lalanga batu, sama leo sila bei-ba'ikain-nala, fo ta lemahele neu sila Manetualain fa.

2TAWARIKH 30:8

Boso malanga batu sama leo sila, tehu tunga neu Manetualain. Mai leo Yerusalem mai, leo Manetualain Uman fo emi Manetualain hele heheli basan ba'eneu Ndia mesak-kana losa dodoon-na. Mai fo sene-do'ok neun fo ela nasan-na tenak soaneu emi.

2TAWARIKH 36:16

Tehu ala lakamiminak Manetualain hataholi nadedenun sila-la, ma ala hika nabi-nabin-nala boema ala ta taoafik neu hala-kokolan fa. Mate'en-na Manetualain namanasa nanseli neus, nalosa ta hapu eno kaluak seluk ba'eneus soaneu latapo'i leme huhuku-dodokin mai.

NEHEMIA 9:29

O fes nasanene'dak, fo ela ala tunga O nanolim-ma, Tehu no koao-ndaeaok, ala ta sipok O hoholo-lalanem fa. Te se'kona, metema ala tao tunga O hoholo-lalanem soona, tao leo bee-o, neukose so'dan-nala da'di malole. Sila langa batuk ma dale matea, ta nau lamanene, ta nau tunga fa.

MAZMUR 95:8

“Boso malanga batu, sama leo o bei-ba'i kaim-mala leme Meriba, sama leo nai lelek leme Masa, fo nai moo solokaek-ka.

AMSAL 8:34

Namahoko-seteleek ba'eneu hataholi fo namanene neu au, fo su'di faik nangatuk nahani nai au umang-nga lelesun-na, ma manamaneak nai au mamana leleong-nga lelesuinan-na.

YESAYA 8:14

Hu kande, Au malalao-malalafuk nanseli, Au da'di batu nakatunuk ba'eneu laun Yehuda ma Israel, ma hihi'ik fo nala laun Yerusalem-mala.

YEREMIA 19:15

ae, Manetualain Fo Manakoasa, Fo Israel Manetualain-na nafa'da nae leo ia, “Hu ka nde emi malanga batu ma ta au mamanene fa, de neukose Au uni fe kota ia ma basa nggolo ta'duk manai boboa kaisun-nala, ma susa-soe lala'en-na fo Au dudu'a basas.”

YEREMIA 7:26

Tehu ta hapu hataholi namanene, do taoafik neu fas. Nakalenak, emi boetai malanga batu, ma mangalauk lena heni emi bei-ba'i kaim-mala.”

MATEOS 15:14

Lokopae hataholi Farisi sila tao. Sila mauli-malanga poke kala; de metema hataholi poke ka hela-nole seluk hataholi poke ka soona, neukose duas tu'da leo oe lolok dale leu.”

MATEOS 16:4

“Hataholi lelek besak ia la mangalau naseli, ma malena langa-masa'ba soo kala. Emi moke Au tao manda'di beuk, tehu neukose, Au ta tao fe emi manda'di beuk esa boen, ta'da fe'e mana da'di beuk Nabi Yunu sa.” Yesus kokolak basa nae leondia boema ana la'oelas leona.

MATEOS 26:55

Boema Yesus nafa'da hataholi makadotok sila la nae, “Ade Au ia hataholi mangalauk, de nalosak emi mini tafa ma ai keke'uk fo mai ho'u Au do? Tunga-tunga faik Au anoli nai Manetualain Uman dale, tehu emi ta ho'u Au fa!

YOHANIS 12:40

‘Ao tao apoke mata nala, Au tao atea dale nala, fo ela mata nala boso lita, dudu'a aafi nala boso lalelak, fo ela ala boso fali leo Au mai fo Au tao alea-ahais.’ ”

HATAHOLI 11:26

Ana hapun boema non leo Antiokia neu, de duas leo lakabubua lo hataholi salanik manai naa la teuk esa dale na, boema duas lanoli hataholi makadotok. Nai Antiokia ndia nde ala foi hataholi kamahehele kala na'de, Hataholi Salanik.

HATAHOLI 14:4

Tehu kota ndia lau nala esa nale'a no esa; nggelok lok hataholi Yahudi la, ma nggelok lok hataholi nadedenu kala.

HATAHOLI 17:4

Hataholi de'ubee lamahele, boema ala tunga Paulus no Silas. Leondiak boe, hataholi Yunani mana bii Manetualain makadotok nan seluk bai.

HATAHOLI 19:23

Fafa'kama la'e faik ndia nde tasi'bu matua ina da'di nai Efesus, hu ka nde Yesus nanoli nala.

HATAHOLI 19:30

Paulus nau masok tunga duas leo dalek neu, te hataholi kamahehelek manai sila la, ala ta nau fa.

HATAHOLI 20:31

Hu ndia de manea matalolole! Mafandendelek, te teuk telu dale na, titiheni au luu oe nga, nai lelek fo au anoli-afa'da emi nai lele'do-le'odaen.

HATAHOLI 22:4

Au tuni-ndeni hataholi mana tunga nanoli beuk ndia de nalosa mates. Basa-basas lala'ena, nau touk do inak boe, au ho'u alas fo au taos leo bui dale leu.

HATAHOLI 24:21

Sila bubuluk ka'da dede'ak esa ia fo au kokola kana neme sila matan ae, faik ia au nanapalisak nana au amahele hataholi mana mate kala laso'da falik.”

HATAHOLI 28:22

Tehu ami hii bubuluk tolanoo ka namahehele na, nana ami basa-basa mala mamanene hataholi la lakamu-lakadau nanolik fo tolanoo ka namahelen ndia.”

HATAHOLI 7:51

Tolanoo kala langa batu manseli, ma tea na seli soaneu emi tunga Manetualain! Emi di'idoo mala pake nanseli neu Manetualain dede'a-kokolan! Emi mo emi bei ba'ikai mala matak esa! Emi la'ban Manetualain Dula Dale na tataas esa!

HATAHOLI 9:2

de noke susula koasa fo neu leo hataholi Yahudi la uma mamason manai Damsyik-ka mauli-malanga nala neu. Fo sue ka nde metema natongo no hataholi mana mamahele neu Yesus nai naa soona, ana ho'u nas fo nos leo Yerusalem leu.

ROMA 11:7

Da'di, tao leo beek bai? Hataholi Israe la ta hapu hata fo ala sanga ka fa. Manahapu nana ka'da hataholi bubuanak esa fo Manetualain hele basa hataholi sila la so. Fe'e kala soona, basa-basas ta nau lamanene Manetualain hala nalolo na fa.

ROMA 9:18

Da'di, Manetualain dale susue-lalain neu hataholi esa, metema nahiik Ana tao leondiak. Ma Manetualain tao na hataholi esa langa batu, metema Manetualain nahiik tao leondiak boe.

1 KORINTUS 16:9

Hapu fai loak ba'u ka nai ndia, soaneu au tao tatao-nono'i masosoa-ndandaa kala, leomae hataholi ba'u ta nau sipok fa boe.

1 TIMOTIUS 6:5

fo nale'a-napili ka, ta hahae fa. Hataholi sila dudu'a-aafi nala lakale'o ma dudu'a-aafi nala, ta malole la so'on. Laedaenga lamasu'i neme agama mai.

2 TIMOTIUS 1:15

O bubuluk basa, hataholi manai nusa Asia, ala la'oela au so, fo Figelus no Hermogenes lai dalek boe.

2 TIMOTIUS 3:5

Meten tunga ao paa ka soona, ala tao latetu agama nakanenete nala, tehu tunga ndo na, ala ta tao tunga agama nanoli huhuu na fa. Madook ao ina ma neme hataholi matak leo sila kala mai.

2 TIMOTIUS 4:2

ela leo bee na, o tao mamaloa halak fo maneme Manetualai na mai a, ma boso hahae sanga enok, fo ela hataholi la lamanenen, nana hataholi nggelok nau lamanene ma nggelok ta nau lamanene fa. Ela leo bee na mafa'das fo lamahele, mafa'da sala nala, matetea-maheheles. Boso manoli hataholi no nasak.

IBRANI 3:13

Da'di fo ela sala-singo ka boso ke'dindiu na hataholi esa boen nai emi dalek, nalosa ana la'ban Manetualain, ela leo bee na emi esa nanoli-nafa'da esa tunga faik, beidai ita bei taso'da nai lelek, fo nananafa'dak nae, “Faik Ia”, nai Susula Malalaok dale.

2 PETRUS 2:12

Tehu mesen masapepekok sila la su'di selin! Sila sama leo bana fo bongi naan soona, ho'u nan fo do'don henin. Ala tao hata esa soona, ala ta dodoo fa, te ala tao tunga ka'da sila dale hihii nala, nalosa ala laban dede'ak fo ta lalela kana, ninik dede'a nakamumulu-nakamamaek. Hu ndia de, mopo-mates sama leo bana makaa-makisu ka, nana tatao-nono'i mangalaun sila la.

2 PETRUS 2:2

Leomae leondiak boeo, hataholi ba'u ka tunga mese masapepekok sila la maso'dan fo henuk no nasa melu mata-matak sila la. Boema, neme mese pepekok sila la tatao-nono'i nala mai de, neukose hataholi ba'u ka lafa'da sala la'eneu Eno Ndoos fo mana leo Manetualai na neu a.

YUDAS 1:10

Tehu no dede'a-kokola nakamumulu-nakamamae ka, de hataholi sila la fe salak neu hata fo ta lalela kana fa. Hataholi sila sama leo bana aafi ta ka, fo ala tao tunga ka'da dale hihii mesa nala, nalosa sila nde tao lakalulutuk seluk ao ina nala.