HATAHOLI 19:19 - Susula Malalaok Hehelu Palak Ma Hehelu Beuk

¹⁹ Ma hataholi mana pake mo'do-akidoo kala, ala tao lakabubua sila susula mo'do-akidoo nala de ala hotuhenis nai hataholi makadoto kala matan. Metema leke basa susulak sila la beli na soona, fafa'kama doi fulak lifun limahulu.

HATAHOLI 19:19 ပူးပေါင်းရင်းမြစ်များ

KEJADIAN 35:4

Boema ala fe basa dodoki-dudula lamatua daebafak nusa dea fo ala ho'uk-kala leo Yakob neu, ma sila lolo'en manai di'idoon-nala boe. Yakob natoi basa bua-lo'as sila-la nai ai manituk huun-na nai deka no Sikhem.

1 TAWARIKH 10:13

Saul maten nanahu ana ta lilineka neu Manetualain, ma ana ta tunga paletan-nala fa. Ana ta noke natutu'duk neme Manetualain mai fa, te noke neme hataholi manamatek-kala dula dalen-na mai. Hu ndia de, Manetualain hukun, de Ana fe kandela manen-na neu Dauk fo Isai anan-na.

2TAWARIKH 33:6

Ana tunu-hotu anan-nala da'di leo tutunu-hohotu nanatunuk nai Bafak Hinom-ma. Boeo ana da'di hataholi malelak, manasiula-tongonok, manasuangi, ma noke natutu'duk neme dula dalek-kala mai. Ana nasala-nasingo nanseli neu Manetualain nalosa ana tao nafo'a Manetualain nasa-melun.

KELUARAN 32:20

Basa boema, ana ho'in-na hataholi Israel-la tao-la sapi nanadoki-dulak ndia de ana hotun, boema ana ha'bo nan lutu-lutu sama leo daesopuk, boema ana nggalin leo oe lain neu. Basa boema, nadenu hataholi Israel-la linun.

KELUARAN 7:11

Hu ndia de, manek-ka boeo naloo ndia hataholi malelainan-nala, ma malela siula-tongonok-kala, de no sila malela siula-tongonoon-na, ala bisa tao leondiak boe.

KELUARAN 7:22

Tehu, basa malela siula-tongonok Masir-ra, ala tao leondiak boe, nenik sila malela siula-tongonoon-na, nalosa manek-ka nalanga batu nahele. Sama leo hata fo Manetualain nafa'da basan so, nae manek-ka ta nau namanene Musa no Harun fa.

YESAYA 30:22

Emi dodoki-dudula sosongo-tatangom fo, nananakadiditak nenik lilofulak ma lilopilas-sa, neukose emi tapahenis, sama leo manggenggeok-ka, boema emi mafa'da mae, “La'oela au leona!”

YESAYA 8:19

Tehu neukose hataholi-la ladenu emi meu moke natutu'duk neme hataholi malelak fo lamakukutuk ma bafan-nala bekoti. Neukose hataholi sila-la lafa'da lae, “Ade ta nandaa, ita toke natutu'duk neme hataholi manamatek-kala samanen-nala mai, soaneu hataholi maso'dak-ka paluun-na fa do?”

DANIAL 2:2

Hu ndia de, naloo-na basa hataholi mananafa'da nalelak manda'di manamaik-kala, dukun-nala ma hataholi malela ina-la, fo lafa'da mangalele'do me'in ndia sosoa-ndandaan.

IMAMAT 13:52

Imam-ma muse hotu heni buas ndia, nanahu pulu po'ok ndia nde been-na pulu po'ok, fo ana sii dapa-dapa, da'di muse hotu henin.

LUKAS 14:33

Mete'ena Yesus nae, “Leondiak boe no emi. Ta hapu hataholi esa boen neme emi mai a, hapu da'di Au ana manatungang, metema ana ta nau feheni maso'da na fa.”

LUKAS 15:8

Basa boema Yesus tui nakandandaak fe'ek esa nae, “Leo uni ka inak esa doi isi lilofulan sanahulu, boema namopo esa. Neukose ana tao beek? Tao leo bee o neukose ana de'de napila banu ka fo ana sasapu uma na, boema ana sanga te'e-te'e no doik ndia losa ana hapu fali kana.

HATAHOLI 13:6

Ala la'ok lafeo pulu ndia, losa Pafos. Ala losa naa boema, duas latongo lo hataholi Yahudi esa na'de Bar Yesus. Hataholi ndia mana suangi mangalauk. Nafa'da aon nae, ndia nabi boe.

HATAHOLI 13:8

Tehu Elimas fo tou mana suangik ndia, ana la'ban Barnabas no Saulus, nana Elimas (fo na'de Yunani na nde ndia) ana sanga enok fo boso nalosak gobelnol ndia namahele Yesus.

HATAHOLI 19:18

Hataholi kamahehelek neu Yesus makadotok leu manaku sila tatao-nono'i fai-fai maneu ka, nai lea matan.

IBRANI 10:34

Leondiak boeo emi tunga mame'da dale he'dik soaneu hataholi fo nanahuku ka. Ma nai lelek basa hata fo emi manuu kala nanaloso nak, emi sipok ndia no dale namahokok nana emi bubuluk mae emi bei manuu hata esa fo malole na lena, fo neukose nakatatakak losa dodoo na.