HATAHOLI 18:24 - Susula Malalaok Hehelu Palak Ma Hehelu Beuk

²⁴ Ndia te hataholi Yahudi esa bongin neme Aleksandria, na'de Apolos neu leo Efesus neu. Hataholi ia malela dede'ak, ma nalelak Susula Malalao ka isi liin no malole na,

HATAHOLI 18:24 ပူးပေါင်းရင်းမြစ်များ

EZRA 7:12

“Nanafek neme Mane Artahsasta neu Ezra, fo malelaina nai Manetualain, fo manakoasa nai nusa so'dak-ka, hoholo-lalanen.

EZRA 7:6

Ezra hataholi malelaina esa, de ana bubuluk ba'uk-ka, la'eneu Hoholo-lalanek, fo Israel Manetualain-na, fen neu Musa. Hu kande Ezra Manetualain-na ba'e-palan, de Ana fen basa hata fo ana noken. Mane Artahsasta paleta neu teu ka hitun-na, boema Ezra neme Babel leo Yerusalem neu, sama-sama no hataholi Israel bubuak esa, fo nde imam de'ubee, hataholi Lewi-la, manamakameek-kala, boema manamanea nai Manetualain Uman-na, lelesuinan-na, ma basa manatao bela-ba'uk-kala.

KELUARAN 4:10

Tehu Musa nae, “Ou, Manetualain, au hataholi esa, ta kokolak alelak fa, nau neme makahulun-na mai, do losa besak ia boe, lelek Manetualain kokolak basa no au. Au maang-nga balakaik-ka, de au kokolak ma'a-ma'a, te ta lai-lai fa.”

YESAYA 3:3

malanga solda'du manai lain-na, hataholi nananita-nalelak ma hataholi fo nalelak nusaina ketukee-makabi'an, manasuangi, ma manamete ua-nalek.

MATEOS 13:52

Boema Yesus nafa'das nae, “Hu ndia de mese agama see, fo ana da'di Manetualain hataholi kamahehelen soona, hataholi ndia sama na leo uma lamatuak esa, fo ana kalua bua beu palan neme petin dale mai.”

LUKAS 24:19

Boema Yesus natanes nae, “Manda'di beek ndia?” Boema lataa lae, “Manda'dik fo ana da'di neu Yesus fo hataholi Nazaret ndia. Hataholi ndia Nabi esa. Hala-kokolan ma tatao-nono'in nanuu koasa matuaina, nau tunga Manetualain mata memete na, do tunga basa hataholi daebafa ka mata memete na boe.

HATAHOLI 18:19

Lelek ala losa Efesus boema, Paulus la'oela Priskila no Akwila leme ndia de neu leo uma mamasok dale neu de natukaaafik no hataholi Yahudi manai sila la.

HATAHOLI 18:21

Leomae leondiak boe, nai lelek fo ana sanga la'o boema nafa'das nae, “Metema Manetualain po'i soona, neukose au fali seluk leo ia mai.” Ana kokolak basa nae leondia boema, ana sa'e ofak de ana la'oela Efesus.

HATAHOLI 18:28

Hu ka nde Apolos namahehele matea na de ana sengi hataholi Yahudi la nai natukaaafi ka dalek nai lea matan. Ana pake Susula Malalao ka isi liin de ana fe buti nae, Yesus nde Mane Mana Fe So'dak fo nanahelu ka.

HATAHOLI 19:1

Lelek Apolos bei nai Korintus te Paulus la'ok okofefeo nusak ndia nggolo-nggolo manai lete kala de ana losa nai Efesus so. Nai naa, natongo no hataholi de'ubee lamahele Yesus so.

HATAHOLI 27:6

De nai ndia, malanga solda'du matuaina, ana hapu ofak esa neme Aleksandria mai, fo sanga neu leo Italia neu. Boema ala nggati ami leo ofak ndia lain meu.

HATAHOLI 6:9

Tehu hapu hataholi la'ban Stefanus; fo uma mamasok esa hataholin sila. Uma mamasok ndia na'de, Hataholi Nanapo'ilota kala Uma Mamason. Uma mamasok ndia hataholi nala hataholi Yahudi, fo leme Kirene ma Aleksandria mai. Hataholi sila la lo hataholi Yahudi maleme Kilikia ma Asia la lase'i lo Stefanus.

HATAHOLI 7:22

Basa leoina Masi ra malela nala lanoli la'iesa kasa neu Musa, de nalosa Musa da'di hataholi mana koasa matuaina nai hala-kokolan ma tatao-nono'i na dalek.

1 KORINTUS 1:12

Fo au dudu'a ka nde lae, nai emi dalek hapu nggelok lafa'da “Au tunga Paulus,” ma nggelok boeo lae, “Au tunga Apolos” ma nggelok lae, “Au tunga Petrus”, ma nggelok seluk bai soona lae, “Au tunga Kristus.”

1 KORINTUS 16:12

La'eneu ita tolanoon Apolos soona, au adenun la'i de'ubee so, fo ela no tolanoo fe'e nala le'i donge-dama emi. Tehu name'da nana beita namahele ndia muse ne'i besak ia fa. Tehu mahani te metema ana hapu loak soona, tao leo beeo neukose ne'i.

1 KORINTUS 4:6

Tolano-tolanoo ngala lemin! Soaneu emi paluu ma, de au fua basa sila la neu Apolos ma neu au aoinang lain. Dede'ak ia tetee-tutu'dan nae, fo ela neme ami nana'dam ndia mai de, emi hapu manoli dede'ak esa nde ia sosoa-ndandaan nae le'e. Dede'ak ndia nae, “Ho'u mahehele neu nakanenete nanatao basa kala”. No enok ndia, nai emi dalek ta hapu esa namatutua-namadedema esa boen, ma nakamumulu-nakamamaek hataholi fe'ek fa.

2 KORINTUS 10:10

Hapu hataholi nai emi dalek nafa'da nae, “Paulus susulan sila la balakaik ma maheohak, tehu metema Paulus nai ita tala'daheon soona, ha'da-paliin mangana'uanak ma hala-kokolan sosoa-ndandaan ta!”

KOLOSE 3:16

Ela leo bee na, Kristus nanolin fo henuk no baba'e-papala ka, ana susi leo emi dalem dale neu. Ela leo bee na, esa nanoli esa, ma esa nanoli-nafa'da esa no dudu'a-aafi matetu-mandaak. Makamee nakamee Mazmur, ma kokoa-kikiok, boema makamee hataholi kamahehele kala nakamee nala; makamee soaneu Manetualain ma moke makasi neun nai emi dalem dale.

TITUS 3:13

Sanga enok te'e-te'e fo tulu-fali Zenas, fo hataholi malela kekee-fufula matua ina ndia, ma Apolos, fo ela ala la'o no ala ta to'a-taa hata esa boen.