HATAHOLI 18:15 - Susula Malalaok Hehelu Palak Ma Hehelu Beuk

¹⁵ Tehu dede'ak ia ka'da dede'a nale'a-napilik la'eneu hala-kokolak la'eneu na'de kala, ma la'eneu emi hoholo-lalanem. Da'di emi palisak aom dede'ak ia. Te au ta nau palisak dede'a matak leoia ka fa!”

HATAHOLI 18:15 ပူးပေါင်းရင်းမြစ်များ

MATEOS 27:24

Mate'e na Pilatus name'da nana, ana ta hapu enok so'on, ma fafa'ka ma hataholi makadotok sila la ala tao tasibu. Da'di noke oe de nafui neu hataholi makadotok sila la matan ma nae, “Au ta lu'a-lepa Hataholi ia mamate na fa! Emi ito-atom ndia!”

MATEOS 27:4

Neu boema nafa'das nae, “Au asala-asingo so, nana au ke'dindiu hataholi sala tak ndia de nalosak nanahuku nisak!” Tehu lafa'dan lae, “Ami ta mafaduli fa. O dede'am ndia!”

YOHANIS 18:31

Boema Pilatus nafa'das nae, “Mo fali kana, fo maketu-mala'din tunga emi hoholo-lalanem!” Tehu hataholi Yahudi la lataa lae, “Ami ta bole hukumisa hataholi fa.”

HATAHOLI 18:13

Ala kalaak Paulus lae, “Hataholi ia, ana dudungu-papau hataholi makadotok, fo daenga lamahele Manetualain, ninik eno-dalak fo ta nandaa no Musa hoholo-lalanen fa!”

HATAHOLI 23:29

Boema ala palisak dede'a na te se'ko na ana ta tao salak hata esa boen fo nadaa huku lisan do taon leo bui dale neu fa. Ala kalaa kana ka'da ana la'olena sila agama na hoholo-lalanen.

HATAHOLI 25:11

Metema au la'olena hoholo-lalanek do au tao salak esa nandaa huku nisa au, soona au hii au mate. Tehu metema sila kalaan sila la, ta tete'e ka fa soona, ta bole hataholi esa boen fe au leo hataholi sila la neu fa. Au oke palisak au dede'a nga nai Kese la mana maketu-mala'di nala!”

HATAHOLI 25:19

Ka'da sila esa-esak hahapun la'eneu sila agama na, ma la'eneu hataholi esa na'de Yesus. Hataholi ndia maten so, tehu Paulus nahele ka'da hataholi ndia bei naso'da.

HATAHOLI 26:3

nakalenak, nanahu Ama Manek nalelak matalolole hataholi Yahudi la ha'da-tataon, ma dudu'a-aafi maseikosala nala. Hu ndia de au dokodoe, ela leo bee na Ama Manek mamanene au hala tutui nga no dale makasufuk.

1 TIMOTIUS 1:4

Mafa'das fo daenga, ala hahae kokolak la'eneu dede'a me'i-afek, ma tutui momoli-dada'di manalu ina sila la. Nana basa sila la, lini ka'da nasi'da-naba'ek mesa kana, te ta lini nafofo'ak soaneu Manetualain dale tutu'un, fo hapu lalela kasa, tunga ka'da namahele neu Manetualain.

1 TIMOTIUS 6:4

hataholi mana koaok ndia, boema ta nalelak hata esa boen! Mangalau na nde, ala hii ka'da latuik ma lale'a dede'a manda'di taa kala, fo ninini na nde, nape'da dale ka, nasi'da-naba'e ka, nakamumulu-nakamamae ka, dale ba'ihana ka,

2 TIMOTIUS 2:23

Boso matuik moo hataholi nggoak fo ta lalelak hata esa boen. O bubuluk basa sila la, nini ka'da nale'a-napilik.

TITUS 3:9

Madook o ao ina ma neme basa natuik sosoa-ndandaa ta kala mai, ma tutui momoli dada'di ka mai, nale'a-napili ka, boema masi ao, la'eneu agama hoholo-lalanen. Basa sila la, sosoa-ndandaan ta, ma ta nini nanalak faa anak boen.