HATAHOLI 18:13 - Susula Malalaok Hehelu Palak Ma Hehelu Beuk

¹³ Ala kalaak Paulus lae, “Hataholi ia, ana dudungu-papau hataholi makadotok, fo daenga lamahele Manetualain, ninik eno-dalak fo ta nandaa no Musa hoholo-lalanen fa!”

HATAHOLI 18:13 ပူးပေါင်းရင်းမြစ်များ

YOHANIS 19:7

Tehu hataholi Yahudi la lae, “Tunga ami hoholo-lalanem soona, muse hukunisa hataholi ndia, nana nafa'da aon nae, Manetualain Anan ndia.”

HATAHOLI 18:15

Tehu dede'ak ia ka'da dede'a nale'a-napilik la'eneu hala-kokolak la'eneu na'de kala, ma la'eneu emi hoholo-lalanem. Da'di emi palisak aom dede'ak ia. Te au ta nau palisak dede'a matak leoia ka fa!”

HATAHOLI 18:4

Tehu tunga-tunga fai Saba ta soona, Paulus neu kola-kola nai uma mamasok dale, de nalosa nau hataholi Yahudi do hataholi Yunani boeo lamahele Yesus.

HATAHOLI 21:28

ma ala eki lae, “Hei hataholi Israe la lemin, mai fo fali ma ami dei! Te hataholi ia nde neu leo basa mamanak lala'ena fo nanoli hataholi la la'ban leoina Israe la fo ala la'ban Musa hoholo-lalanen, ma ala la'ban Manetualain Uman ia. Nakalenak besak ia, ana hela no hataholi ta Yahudi la leo Manetualain Uman dale leu, fo ala tao langgenggeo mamana malalao-malalafuk ia!”

HATAHOLI 25:8

Boema Paulus kokolak nai dede'a nasala'e na dalek nae, “Au ta tao sala hata esa boen la'eneu Musa hoholo-lalanen, do la'eneu Manetualain Uma na do la'eneu Kesel Roma boen.”

HATAHOLI 6:13

Ma lo hataholi mana sakasii masapepeko kala, fo ala fe sakasii la'eneu Stefanus. Sakasii masapepekok sila la lae, “Hataholi ia nakamumulu-nakamamaek Manetualain Uma malalao-malalafu na tataas esa, ma nakamumulu-nakamamaek Manetualain paletan fo Musa naduku-nalosa kala.