HATAHOLI 17:4 - Susula Malalaok Hehelu Palak Ma Hehelu Beuk

⁴ Hataholi de'ubee lamahele, boema ala tunga Paulus no Silas. Leondiak boe, hataholi Yunani mana bii Manetualain makadotok nan seluk bai.

HATAHOLI 17:4 ပူးပေါင်းရင်းမြစ်များ

AMSAL 13:20

Hataholi fo, ana leo-napalasa no hataholi manatee-tenok-ka, neukose ana da'di manatee-tenok; tehu hataholi fo, ana leo-napalasa no hataholi nggoak-ka, neukose ana hapu soe.

AMSAL 9:6

Tunga hataholi mantee-tenok-ka enon-na, fo tu'u-tapa heni dudu'a-aafi taak-ka, fo ela o maso'da no tetu-temak.”

KIDUNG AGUNG 6:1

O touana susuem-ma neu leo bee neu, hai anafe'oanak mana'ahiik-kala lemin? O touana susuem-ma neu leo bee neu, fo daenga ami boeo tunga meu sangan?

ZAKHARIA 2:11

Nai lelek ndia, neukose leoina makadotok, ala mai leo Au mai, fo ala da'di Au anang. Neukose, Ana leo nai emi tala'daheom, ma neukose emi bubuluk, mae Manetualain haitua basa au leo emi neu so.

YOHANIS 7:35

Boema basa manakoasa Yahudi la esa kokolak no esa nae, “Te Hataholi ia, ana sanga neu leo bee neu, de nalosak nae, ita ta hapu tatotongo ton so'on? Ade, Ana sanga neu leo hataholi Yahudi manaleo nai nusadea, fo nai hataholi Yunani la dalek, fo sue ka nde nanoli hataholi Yunani sila la do?

HATAHOLI 13:43

Hataholi sila la kalua leme uma mamasok dale mai boema, hataholi Yahudi la lo leoina fe'ek fo mana masok agama Yahudi a ala tunga Paulus no Barnabas. Boema Lamatua ka hataholi nadedenun kaduak sila la lanoli-lafa'das, fo daenga lamahena lakandoo neu ka'da Manetualain susue-lalain.

HATAHOLI 13:50

Tehu hataholi Yahudi la dudungu-papau hataholi matua-madema manai kota ndia, hataholi matua-madema fo mana bii neu Manetualai na ina nala. Ala tao musu lo Paulus no Barnabas, de ala usiheni duas leme nusak ndia mai.

HATAHOLI 14:1

Paulus no Barnabas la'ola'di dede'ak matak esa nai Ikonium. Duas leu leo hataholi Yahudi la uma mamason dale leu de duas kokolak de kokola nala malole hiik, de nalosa hataholi Yahudi ma hataholi ta Yahudi makadotok lamahele Yesus.

HATAHOLI 14:4

Tehu kota ndia lau nala esa nale'a no esa; nggelok lok hataholi Yahudi la, ma nggelok lok hataholi nadedenu kala.

HATAHOLI 15:22

Boema hataholi nadedenu kala ma Penatua-penatua la lo basa hataholi salani kala, ala ho'i nakeketuk fo ala hele la sila hataholin de'ubee fo ladenus sama-sama lo Paulus ma Barnabas leo Antiokia leu. Boema ala hele Silas no Yudas fo loken soona lae, Barsabas boe. Hataholi kaduak ia la nde bee soona, hataholi nananita-nalelak nai hataholi kamahehelek manai Yerusalem ma dalek.

HATAHOLI 15:27

Da'di, ami madenu Yudas no Silas le'i fo lafa'da matan emi, halak fo nanasulak nai susulak ndia dale ka.

HATAHOLI 15:32

Yudas no Silas nde bee na nabi boe. Ala kokolak doo na seli lo tolanoo kamahehelek manai Antiokia sila la, fo latetea-laheheles, ma ala fes napalanik.

HATAHOLI 15:40

Ma Paulus nalo na Silas de tolanook manai Antiokia la hule-haladoi basa fe duas boema, duas la'o leona.

HATAHOLI 16:3

Paulus nau fo ela Timotius tunga no ndia; hu ndia de ana sunat Timotius. Ana tao tataos ndia nana hataholi Yahudi manai nusak ndia, basa-basas bubuluk, Timotius aman hataholi Yunani.

HATAHOLI 17:10

Le'odaek ndia, hataholi kamahehelek manai kota ndia, ladenu Paulus no Silas leu leo Berea leu. Ala losa naa boema, leu leo hataholi Yahudi la uma mamason dale leu.

HATAHOLI 17:12

Sila ba'u ka lamahele Yesus, ma hataholi Yunani nananita-nalelak ba'u ka, nau inak do touk boe, lamahele.

HATAHOLI 17:14

Boema no lai-laik tolanook manai Berea la lo Paulus leo tasi su'u na neu, tehu Silas no Timotius soona, ala leo lahele leme kota ndia.

HATAHOLI 17:17

Hu ndia de nai uma mamaso kala dalek, Paulus natukaaafik no hataholi Yahudi la, ma hataholi kamahehelek neu Manetualai na. Leondiak boe, tunga faik natukaaafik no hataholi manai pasa kala.

HATAHOLI 17:34

Tehu hapu sila hataholin nggelok lok Paulus de lamahele Yesus. Hataholi sila nde, Dionisius fo majelis nai Areopagu sa, ma inak esa na'de Damaris, ma hataholi de'ubee seluk bai.

HATAHOLI 18:4

Tehu tunga-tunga fai Saba ta soona, Paulus neu kola-kola nai uma mamasok dale, de nalosa nau hataholi Yahudi do hataholi Yunani boeo lamahele Yesus.

HATAHOLI 19:10

Ana tao leondiak nakandondoohenin teuk dua dale na, de nalosa basa hataholi mana leo nai propensi Asia, nau hataholi Yahudi do hataholi leoina fe'e kala, basa-basas lamanene Lamatua ka dede'a-kokolan.

HATAHOLI 2:44

Hataholi kamahehelek sila la, basa-basas dalek esa, boema la'a-pake hata-heto nala leu esa.

HATAHOLI 21:28

ma ala eki lae, “Hei hataholi Israe la lemin, mai fo fali ma ami dei! Te hataholi ia nde neu leo basa mamanak lala'ena fo nanoli hataholi la la'ban leoina Israe la fo ala la'ban Musa hoholo-lalanen, ma ala la'ban Manetualain Uman ia. Nakalenak besak ia, ana hela no hataholi ta Yahudi la leo Manetualain Uman dale leu, fo ala tao langgenggeo mamana malalao-malalafuk ia!”

HATAHOLI 28:24

Hapu nggelok lamahele hata fo Paulus nafa'dak sila la, tehu hapu nggelok ta nau lamaele fa.

HATAHOLI 4:23

Ala po'i Petrus no Yohanis boema duas fali leo nonoo nala leu, de ala tuis basa hata fo malanga ima mala ma mauli-malanga Yahudi la lafa'da duas.

2 KORINTUS 8:5

Ala fe lena neme ami mamahena ka. Makasososa na ala fe aoina nala neu Lamatua ka, basa boema neu ami boe, dede'ak ndia nandaa no Manetualain hihii-nanaun.