HATAHOLI 17:28 - Susula Malalaok Hehelu Palak Ma Hehelu Beuk

²⁸ Sama leo hataholi la lafa'da basan lae, ‘Ita taso'da ma ita takababale nai daebafak ia, nana Manetualain koasa na.’ Sama leo emi hataholi mana tao binim de'ubee lafa'da lae, ‘Ita basa-basa tala nde bee na, Manetualain anan.’

HATAHOLI 17:28 ပူးပေါင်းရင်းမြစ်များ

AYUB 12:10

Ndia nde, ito-ato basa mahahaek lala'en-na, so'dan-na; Ndia nde koasa, hataholi daebafak-ka ani hahaen-na.

MAZMUR 36:9

Ala la'a lakabete nana'ak fo, manasasi kao-kaok-ka, nai O Umam, O fes linu neme O leem fo, oen-na neni ao mapenak.

MAZMUR 66:9

Ana nanea basa ami so, fo ela ami maso'da mahele, ma Ana ta po'ilotak ami tu'u meu fa.

YEREMIA 38:16

Manek Zedekia ana helu au no nafufunik, nae, “Nenik Manetualain fo maso'dak-ka, Manetualain fo manafe so'dak neu ita, au supa-soo ae, au ta tao isa o, do au fe o neu hataholi fo mananau tao nisa o-a.”

DANIAL 5:23

Ama Manek namatutua-namadedema aoinan-na soaneu Manetualain nai nusa so'dak-ka, ma Ama Manek napalani nadenu hataholi neni mango fo Ama Manek aman loso nenis neme Manetualain Uman dale mai, leo feta dale mai. Boema Ama Manek noo basa hataholi matua-madema-la saoinan-nala, ma sao ka dua ka telun-nala minu pake mango sila-la. Ama Manek koa-kio lamatua daebafak fo nanataok neme lilopilas, lilofulak, liti, besi, ai ma batu, lamatua daebafak fo ta hapu lita do lamanene do lalelak hata-hata ndia fa. Ama Manek ta fe ha'da-holomata neu Manetualain fo manamaketu-mala'di Ama Manek maso'dan-na ma mamaten-na.

LUKAS 20:38

Naa, Manetualain ndia, hataholi manamate kala Manetualain ta ndia fa! Te hataholi maso'da kala Manetualain ndia! Nana soaneu Manetualain de basa hataholi la laso'da.”

LUKAS 3:38

Enos anan, Set anan, Adam anan, Manetualain anan.

YOHANIS 11:25

Tehu Yesus nafa'da Marta nae, “Au nde manafe maso'da ka, ma manatao naso'da falik hataholi manamate kala. Hataholi fo namahele neu Au a, neukose naso'da, leomae ana mate so.

YOHANIS 5:26

Sama na leo Ama ka nde maso'da ka huu na, boema Ana fe Ana na boeo, Ana da'di maso'da ka huu na.

ULANGAN 30:20

Sue-lai emi Manetualaim-ma, ma tungan leona, ma lilineka neun. Soona, emi ma emi tititi-nonosim, neukose laso'da ma teu naluk nai nusak fo, Manetualain helu basan neu emi bei-ba'i kaim Abraham, Isak ma Yakob.”

KOLOSE 1:17

Basa hata lala'ena beita da'di fa te, Kristus da'di nakahuluk so. Ma hu ka nde de, basa hata lala'e na, esa-esak neu mamana na.

TITUS 1:12

Sila nabin esa, ana mai hai neme Kreta mai boe, de ana kokolak nae, “Hataholi Kreta la lasapepeko-lasandandali tataas esa, ma hataholi sila la sama leo bana makisu-makaa maolo ka, boema pelatua mangananalo kala.”

IBRANI 1:3

Ndia nde nangale'do Manetualain matua-mademan, fo mandela-masa'a ka; Ndia nde dulak fo mangale'dok neme Manetualain ao ina na mesa kana. Ndia boeo nde nakaboboi lalai no daebafak maloa ia matea-mahelen ninik dede'a-kokolan fo mana koasa matua ina na. Ana soi basa enok fe hataholi daebafa ka soaneu nanasoi-po'ik neme sala-singo nala mai boema, Ana nangatuuk kandela mana paleta nai nusa so'da ka sama-sama no Manetualain fo Mana koasa ma madema ina.

IBRANI 12:9

Ita tanuu amak nai daebafa ka. Ana nanoli ita, ma ita fe ha'da-holomata neun. Naa, muda hata no ita Ama samanen manai nusa so'da ka bai, tao leo bee o ita muse takatele neun, fo ela ita taso'da.

IBRANI 2:11

Yesus safe balisi hataholi daebafa ka leme sala-singo nala mai; ma Ndia nde tao balisi, boema sila fo nanatao balisak ndia, sama-sama lanuu Amak esa. Hu ndia de, Yesus ta mae manaku hataholi sila, da'dileo tolanoo nala fa.

SEMUEL SUSULAK-KA ESAN-NA 25:29

Leouni'ka, hataholi esa, sapu-na au Ama Maneng, fo ana so'ba taonisa au Ama Maneng soona, tao leo bee-o, neukose Manetualain nasulu-nahapa au Ama Maneng, sama leo hataholi mahata-hetok-ka, nanea hata-heton. Tehu neukose, Manetualain tapa heni au Ama Maneng musun-na, leo dook eli neu, sama leo hataholi manaho'u pipiluk-ka, ana pilu batu-a leo dook eli neu.