HATAHOLI 17:20 - Susula Malalaok Hehelu Palak Ma Hehelu Beuk

²⁰ Nana o kokolak dede'a kala, nenenen soona nanoli mata beuk ndia. Hu ndia de ami nau malelak sosoa-ndandaan.”

HATAHOLI 17:20 ပူးပေါင်းရင်းမြစ်များ

HOSEA 8:12

Au sulak fes nanolik makadotok, tehu ala ta sipok-kasa fa, nanahu lafa'da lae sila ta paluu nanolik sila-la fa.

MARKUS 9:10

Ala tao tunga hala heheluk ndia, tehu ala mulai lakokolaaok la'eneu Yesus hala-kokolan fo nae, “naso'da falik neme mamate sa mai”.

YOHANIS 6:60

Lamanene Yesus dede'a-kokolan sila la boema, Yesus ana manatunga makadoto nala lae, “Nanolik ia bela na seli. See ka nde nalelak nanolik ndia!”

HATAHOLI 10:17

Petrus napangamak no dudu'a-dodoo ninitak ndia sosoa-ndandaan. Ana bei dudu'a-dodoo te Kornalius nadenu hataholi la losa Simon uman de lapadeik lai lelesu a bafa na so.

HATAHOLI 17:19

Boema lo Paulus leo mamana nakabuak esa nai Pupuku Areopagus lain neu. Ala losa boema lafa'da Paulus lae, “Ami hii bubuluk nanoli beuk fo o tui-bengak ndia.

HATAHOLI 17:21

Nana basa hataholi Atena la lo hataholi manamai leo nai kota ndia, ala hii ka'da labasa le'do fai nala soaneu lamanene ma ala kokolak la'eneu dede'a beuk.

HATAHOLI 2:12

Boema basa-basas bafan beepoo leona de lakokolaok lae, “Ia sosoa na nae leo bee ia?”

1 KORINTUS 1:18

Nana ba'eneu hataholi fo ana la'ok nasale leo mamate-momopo ka neu a, halak la'eneu Kristus mamaten nai ai nggangek lai na, nalupa tutui masapepekok basa sila la. Tehu ba'eneu ita fo Manetualain soi tefa basa ka, tutui-bebengak ndia, nalupa eno-dalak soaneu Manetualain natu'du koasa na.

1 KORINTUS 1:23

Tehu ita ia ka'da tui-benga Kristus, fo manamatek nai ai nggangek lai na. Tutuik ndia, ana tao na hataholi Yahudi la lamanasa, ma hataholi ta Yahudi la lafa'da lae, tutui bafa louk basa sila la.

1 KORINTUS 2:14

Hataholi fo Manetualain Dula Dale na beita nai dalen dale fa, ana ta sipok hata fo Dula Dalek ndia nafa'da ka fa. Nana ba'eneu hataholi ndia, dede'a nggoak basa sila la. Hataholi sila la ta lalela kana fa, nana dede'ak sila la hataholi a bubulu kana ninik ka'da dede'a samane ka.

IBRANI 5:11

La'eneu Yesus nangatutuun da'dileo Imam Matua ina ndia, hapu dede'ak ba'u ka paluu ami mafa'dan neu emi tehu tea na seli soaneu ami mafa'da mangalele'don, nana emi malela ma beita dai fa.

1 PETRUS 4:4

Besak ia, hataholi fo ta lalelak Lamatua ka, dodoo doa kana de bekola lae, emi ta tunga sila so'da na, fo tao sala-singok ta pake too-lane so'on. Hu ndia de, ala tao lalutu emi na'de ma.