HATAHOLI 17:13 - Susula Malalaok Hehelu Palak Ma Hehelu Beuk

¹³ Lelek fo hataholi Yahudi manai Tesalonika la lamanene lae, Paulus tui-benga Manetualain dede'a-kokolan nai Berea boe, boema sila boeo leu leo Berea leu, de ala dudungu-papau hataholi manai sila la, de dale nala ta tesa-tama fa.

HATAHOLI 17:13 ပူးပေါင်းရင်းမြစ်များ

1RAJA-RAJA 21:25

Beita hapu hataholi fo nakikisak dalen-na ana tao nita tatao-nono'i mangalauk nai Manetualain mata memeten-na, sama leo hata fo Ahab tao-no'i nana fa. Ana tao basa tatao-nono'i mangalauk sila-la no saoinan Izebel fufu'di-oo'don-na.

AMSAL 15:18

Hataholi fo namanasa lai-lai-a, nakadada'dik nale'a-napilik, tehu hataholi fo, ta haelai namanasa fa, neni mole-dame.

AMSAL 28:25

Paluu ka'da aoinak-ka mesak-kana, neninin-na nale'a-napilik; Metema o mamahele neu Manetualain soona, o hapu nanalak lena.

MATEOS 23:13

“Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi mapanggengge hataholi soaneu ala da'di lima eik neme Manetualain hataholi kamahehele nala mai. Emi nde ta nau da'di lima eik neme Manetualain hataholi kamahehele nala mai fa, boema hataholi mana nau kala, emi mapanggengges. [

LUKAS 12:51

Ade emi maedaenga Au mai soaneu Au uni mole-dame leo daebafa ka mai do? Tao leo bee o ta. Ta mole-dame fa, te lena-la'ba ka.

HATAHOLI 14:2

Tehu hataholi Yahudi kamahehele ta kala dudungu-papau hataholi ta Yahudi la, de nalosa lakamuu-lakadau hataholi fo lamahele neu Yesu sa.

HATAHOLI 17:1

Paulus no Silas la'ok lakandoo de ala tunga Amfipolis ma Apolonia, boema ala losa Tesalonika. Hataholi Yahudi la uma mamaso na nai ndia boe.

HATAHOLI 17:10

Le'odaek ndia, hataholi kamahehelek manai kota ndia, ladenu Paulus no Silas leu leo Berea leu. Ala losa naa boema, leu leo hataholi Yahudi la uma mamason dale leu.

HATAHOLI 17:5

Tehu hataholi Yahudi la lape'da dalek. Lalo la hataholi mada'baoek manai eno kala lain de lapadedeik hataholi mana tao tasi'bu la nakabubua na. Boema ala mulai tao tasi'bu nai basa kota ndia lala'ena. Leu sapu la hataholi kamahehelek esa na'de Yason uma na fo ala sanga Paulus no Silas, nana ala sanga lo duas leu lataa hataholi makadoto kala.

HATAHOLI 20:4

Sopater, fo Pirus neme Berea ana na sama-sama non; leondiak boe Aristarkhus ma Sekundus fo hataholi Tesalonika, ma Gayus fo hataholi Derbe. Boema Timotius ma hataholi dua leme propensi Asia mai, fo nde Tikhikus ma Trofimus.

HATAHOLI 21:27

Lelek fo fai kahitu kala sanga deka basan boema, hataholi Yahudi de'ubee leme Asia mai de lita Paulus nai Manetualain Uman dale. Boema leu dudungu-papau hataholi makadotok, fo leu ho'u Paulus,

HATAHOLI 6:12

Ala dudungu-papau hataholi la, mauli-malanga Yahudi la, boema mese agama la leondiak. Boema leu ho'u la Stefanus, de basa boema lon leo Mana Maketu-Mala'di Agama Matua Ina neu.

2 KORINTUS 11:26

La'i ba'u ka au tao leleo-lala'ok fo nini susa-soe; asasalematak o faa lee, susa-soe manabonga uma, susa-soe neme hataholi Yahudi la do nau neme hataholi ta Yahudi la, susa-soe nai kota dale ma nai kota deak, susa-soe nai tasi lai, ma susa-soe neme hataholi fo ala manaku aoina nala da'dileo hataholi salanik, te se'ko na ta.