HATAHOLI 16:6 - Susula Malalaok Hehelu Palak Ma Hehelu Beuk

⁶ Manetualain Dula Dale na ta po'i Paulus no Silas tui-benga Manetualain dede'a-kokolan nai propensi Asia fa. Da'di, duas la'ok lakandoo leo nusa Frigia ma Galatia leu.

HATAHOLI 16:6 ပူးပေါင်းရင်းမြစ်များ

YESAYA 30:21

Metema, emi singo heni enok-ka soona, neukose emi mamanene halan-na, neme emi deam-ma mai, nae, “Enok-ka nde ia; tunga enok ia leona.”

LUKAS 1:2

Ala sula kana nandaa no basa hata fo nanatuik neu ita neme hataholi fo lita matan manda'dik sila la neme makasososa na mai, de basa boema ala tui-bengan.

HATAHOLI 10:19

Ndia te Petrus bei sanga enok nakandoo, fo ana sanga bubuluk ninitak ndia sosoa-ndandaan, te Manetualain Dula Dale na nafa'dan nae, “Hei Petrus, hataholi telu sanga o.

HATAHOLI 11:12

Boema Manetualain Dula Dale na nafa'da au nae, o dale ma boso naba'e, fo la'o sama-sama mos leona. Tolanoo kaneek ia la boeo, ala tunga au leo Kaisarea, de ami basa-basa mala masok leo Kornalius uman dale meu.

HATAHOLI 16:7

Lelek ala losa nusa Misia dae too na boema, ala masok so'ba leo propensi Bitinia leu, tehu Yesus Dula Dale na ka'i duas fo boso leu leo naa leu.

HATAHOLI 18:23

Ana leo faik de'ubee neme ndia boema, ala la'o seluk de neu donge-dama hataholi salanik manai nusa Galatia no Frigia, fo natetea-nahehele hataholi kamahehelek sila la namahehele nala.

HATAHOLI 19:10

Ana tao leondiak nakandondoohenin teuk dua dale na, de nalosa basa hataholi mana leo nai propensi Asia, nau hataholi Yahudi do hataholi leoina fe'e kala, basa-basas lamanene Lamatua ka dede'a-kokolan.

HATAHOLI 20:16

Paulus naketu basa ana ta tuli Efesus fa, fo boso tu'u-tapaheni le'do fai nai nusa Asia. Ana hii losa lai-lai Yerusalem, nai fai Malole Pentakosta.

HATAHOLI 20:28

Ela leo bee na emi manea emi aoina mala, ma manea basa hataholi salanik fo Manetualain Dula Dale na ana fes neu emi, fo emi maneas; nana emi nanaso'u basak da'di mana manea hataholi salanik so. Ela leo bee na emi manea Manetualain hataholi salanin sila la, sama leo manafoo a nanea bi'ilopo nala, hu ka nde Manetualain nakadada'dik basa hataholi salanik sila la da'di neu Ndia nuun, tunga Ana na mamate na so.

HATAHOLI 20:4

Sopater, fo Pirus neme Berea ana na sama-sama non; leondiak boe Aristarkhus ma Sekundus fo hataholi Tesalonika, ma Gayus fo hataholi Derbe. Boema Timotius ma hataholi dua leme propensi Asia mai, fo nde Tikhikus ma Trofimus.

HATAHOLI 21:27

Lelek fo fai kahitu kala sanga deka basan boema, hataholi Yahudi de'ubee leme Asia mai de lita Paulus nai Manetualain Uman dale. Boema leu dudungu-papau hataholi makadotok, fo leu ho'u Paulus,

HATAHOLI 6:9

Tehu hapu hataholi la'ban Stefanus; fo uma mamasok esa hataholin sila. Uma mamasok ndia na'de, Hataholi Nanapo'ilota kala Uma Mamason. Uma mamasok ndia hataholi nala hataholi Yahudi, fo leme Kirene ma Aleksandria mai. Hataholi sila la lo hataholi Yahudi maleme Kilikia ma Asia la lase'i lo Stefanus.

HATAHOLI 8:29

Boema Manetualain Dula Dale na nafa'da Felipus nae, “Mu leona, fo deka mo kaleta ndia.”

ROMA 16:5

Manduku-malosak au nate'a nga neu salanik fo lakabubua nai duas uman. Ma neu Epenetus fo au sue-lai ka. Ndia nde hataholi makasososak fo namahele neu Kristus nai nusa Asia.

1 KORINTUS 12:11

Basa sila lala'ena ka'da Dula Dale kisak ndia nde tao sala; Dula Dalek ndia ana fe hataholi a esa-esak nok ndia baba'e-babatin tunga Dula Dalek ndia hihii-nanaun.

1 KORINTUS 16:1

Besak ia la'eneu doik fo emi nau tulu-falin neu tolano-tolanook fo namahehelek esa. Au oke, fo ela emi taon nandaa no natutu'duk fo au fen neu hataholi kamahehelek manai Galatia la.

1 KORINTUS 16:19

Hataholi kamahehelek manai Asia la, landuku-lalosak sila nate'a na neu emi. Akwila ma Priskila boema hataholi kamahehelek fo lakabubua nai duas uma na boeo, ala haitua fe emi nate'ak boe.

2 KORINTUS 1:8

Tolano-tolanoo ngala lemin! Ami nau emi bubuluk la'eneu toto'a-tataak fo ami la'ola'din nai nusa Asia. Doidosok fo ami lu'a-lepak ndia, ana ne'e nambela ami de nalosa ami ta mamahena neukose maso'da so'ok;

GALATIA 3:1

Tolano-tolanook hataholi kamahehelek manai kota Galatia la lemin! Emi nggoa ma seli! Ta bubuluk see ka nde dudungu-papau nala emi so? Kristus mamaten nai ai nggangek lai na, au tui mangalele'don neu emi so!

2 TIMOTIUS 1:15

O bubuluk basa, hataholi manai nusa Asia, ala la'oela au so, fo Figelus no Hermogenes lai dalek boe.

2 TIMOTIUS 4:10

te Demas la'oela au nana, ana sue daebafak ia. Neu leo Tesalonika neu so, ma Kreskes neu leo Galatia neu, boema Titus neu leo Dalmatia neu.

IBRANI 11:8

Hu ka nde namahehele ka, de Abraham tunga Manetualain paleta na, nai lelek Manetualain nalon ma nadenun neu leo nusak fo Manetualain helu neu na. Boema Abraham la'o no ana ta bubuluk neukose neu leo bee neu fa.

1 PETRUS 1:1

Tolano-tolanook fo Manetualain hataholi kamahehele susue-lalain fo manai dae sepo-danga nai nusa Pontus, Galatia, Kapadokia, Asia ma Bitinia la lemin! Au, Petrus, fo Yesus Kristus hataholi nadedenu na, au amahena ela leo bee na, Manetualain baba'e-papalan ma so'da-mole mana sasikao-kao na, Ana fen neu emi basa-basa mala. Emi nanahele basak da'di Manetualain hataholi kamahehelen, fo nandaa no Amak Manetualain dale tutu'u na. Ma Manetualain Dula Dale na, nakadada'dik basa emi, da'di hataholi kamahehele malalaok ma susuek, soaneu Manetualain mesa kana, fo ela emi tunga Yesus Kristus, fo manatao nalalao emi ninik daa na.

NINITAK 1:11

Halak ndia nae, “Sulak-ma hata fo o mita ka fo haitua susulak ndia leo salani kahituk manai Efesus, Smirna, Pergamus, Tiatira, Sardis, Filadelfia, ma Laodikia.”

NINITAK 1:4

Tolano-tolanoo salani kahituk fo manai nusa Asia la lemin! Au, Yohanis, amahena emi nanaba'e-bati baba'e-papalak neme Manetualain fo nde, Ndia fo nai ia, fo nai ia so, ma nai ia nakandondoo henin, ma boeo neme dula dale kahituk fo manai Manetualain kandela mane na matan,