HATAHOLI 16:29 - Susula Malalaok Hehelu Palak Ma Hehelu Beuk

²⁹ Boema malanga bui noke banuk de nalai leo dalek neu. Ana bala neu Paulus no Silas mata na ma ana dele ngge'be-ngge'be.

HATAHOLI 16:29 ပူးပေါင်းရင်းမြစ်များ

MAZMUR 119:120

Au dele ngge'be-ngge'be nanahu au bii-amata'u neu O, au daleng-nga dele, la'eneu O nakeketum-ma.

MAZMUR 99:1

Manetualain nde bee-na, Manek; leoina-la dele-bengge'be. Ana nangatuuk nai kandela manek lain, fo nai mahahae mali'dak nusa so'dak-ka lain (kerub), daebafak-ka nanggengo.

YESAYA 60:14

Ni'iana manatuni-ndeni o-a, ala mai sene-do'ok, ma manamakadadaek hai o-a, neukose lakatele, neukose loke o lae, ‘Manetualain Kotan-na’, ‘Sion, fo Israel Manetualain Malalao-malalafun-na, Kotan-na’.

YESAYA 66:2

Lalai-a ma daebafak-ka nde been-na, Au lima tataang, boema basa sila-la nananakadada'dik. Tehu Au dale namahokong-nga nde, hataholi dale taidaek-ka, fo manatukatei-saledale neme sala-singon-nala mai, fo manabii-namata'u, ma tunga neu Au.

YESAYA 66:5

Mamanene hata fo, Manetualain nafa'dan, hai emi fo, manabii-mamata'u, ma tunga neun, “Hu kande emi lilineka neu Au boema, nai emi leoinam-ma dalek, hapu nggelok lakamuu-lakadau emi, ma ala ta nau leo-lapalasa lo emi fa. Ala hakinonoli emi, nenik lafa'da lae, ‘Nemen-na fo, Manetualain natu'du matua-mademan, fo ela ami mita, o namahoko-seteleem.’ Tehu sila mesak-kasa nde hapu mamaek-ka.

YEREMIA 10:10

Tehu O, Manetualain, Manetualain fo matetuk-ka, Manetualain fo manafe so'dak-ka, Manek fo manaketu basa tak. Metema O mamanasa soona, daebafak-ka nanggengo, metema O nasam-ma lua soona leoina-la ta lakatatak fa. (

YEREMIA 5:22

Au nde Manetualain-na; te tao le'e de, emi ta bii-mamata'u neu Au fa? Tunga ndoon-na, emi muse dele ngge'be-ngge'be neu Au! Au nde tao tasi su'un-na, da'di tasi too-lanen, fo ta hapu la'o lena fan, losa dodoon-na. Tasi fo'a, fo lii-la napoponu, tehu ana ta hapu lena dae too ndia fa.

DANIAL 6:26

Basa ndia boema, mane Darius-sa haitua susulak leo hataholi maleme leoina ma dede'ak manai daebafak-ka lala'en-na nae, “So'da molek!

HATAHOLI 16:19

Lelek fo inak ndia malanga nala lame'da nana, sila fai loan fo ala hapu doi ka mopon boema, ala ho'u la Paulus no Silas de ala lele'a-lolosos leu lataa mana paleta la fo ala palisa kasa.

HATAHOLI 16:28

Tehu Paulus nalo napane'e nae, “Boso do'doaom te ami basa-basa mala bei nde ia!”

HATAHOLI 24:25

Tehu lelek fo Paulus kokolak nakandoo la'eneu tao tunga ka'da ndo na, ma nakatatak nasa-melu ka, ma la'eneu huhukuk nai Fai Mate'e ka boema, Feliks bii nanseli de nafa'da Paulus nae, “O bole fali besak ia leona, fo au hapu fai loak soona, de'i fo au alo seluk o.”

NINITAK 3:9

Taoafik leona! Hataholi fo ana da'di manasene-do'ok nakabubua no Nitu a lima ein ndia, fo nde masapepeko-masandandalik fo ala manaku aoina na Yahudi, te se'ko na ta. Neukose Au tao alas mai sene-do'ok nai emi matam fo ela sila boeo bubuluk lae, Au sue-lai emi.