HATAHOLI 16:22 - Susula Malalaok Hehelu Palak Ma Hehelu Beuk

²² Hataholi makadoto kala boeo, sapu la Paulus no Silas. Boema mana paleta la sisii-lulu'iheni hataholi nadedenuk sila la ba'du nala leme ao nala mai, de ladenu hataholi la filuk duas.

HATAHOLI 16:22 ပူးပေါင်းရင်းမြစ်များ

MATEOS 10:17

Manea leona, nana neukose ala ho'u la emi fo lo emi meu mataa mana maketu-mala'di kala. Neukose ala fepa-li'u emi nai uma mamaso kala dalek.

MATEOS 27:26

Boema Pilatus po'i fes Barabas, ma nadenu hataholi la filuk Yesus; Basa boema ana fen neu fo leu lona-nggangen.

LUKAS 12:11

Metema lo emi fo laketu-lala'di emi nai uma mamaso kala dalek do nai manapaleta ma manakoasa la matan soona, dale mala boso falahaa la'eneu tao leo beek fo emi muse masala'e emi aoina ma, do la'eneu hata fo emi muse kokola kana.

HATAHOLI 16:37

Tehu Paulus nafa'da polisi sila la nae, “Nusa Roma laun ami. Ma emi beita palisak ami dede'a ma boen te, emi filuk ami nai lea matan, ma emi tao ami leo bui dale meu. Tehu besak ia, emi madenu ami fali no denge-dengek? Ami ta nau fa. Madenu mana paleta sila la mai matan fo ala po'i ami.”

HATAHOLI 17:5

Tehu hataholi Yahudi la lape'da dalek. Lalo la hataholi mada'baoek manai eno kala lain de lapadedeik hataholi mana tao tasi'bu la nakabubua na. Boema ala mulai tao tasi'bu nai basa kota ndia lala'ena. Leu sapu la hataholi kamahehelek esa na'de Yason uma na fo ala sanga Paulus no Silas, nana ala sanga lo duas leu lataa hataholi makadoto kala.

HATAHOLI 18:12

Lelek fo Galio da'di gobelnol nai Akhaya boema, hataholi Yahudi la teikesa-dalekesa de ala la'ban Paulus, boema lon leo mana maketu-mala'di kala neu.

HATAHOLI 5:40

Boema lalo hataholi nadedenuk sila la de ala filu kasa, basa boema ala kena-ka'is, fo boso boe lanoli la'eneu Yesus bai. Basa ndia boema, besa ka ala po'is.

2 KORINTUS 6:5

ami nanafepa-li'uk, ala tao ami leo bui dale meu, ma ala tutu-fepa ami. Ami maue-male'di no ami pusema titi, nasi'a ami ta sungu fa, ma nasi'a basa ami nana'a-nininum.

1 TESALONIKA 2:2

Emi boeo bubuluk mae, ami beita ne'i donge-dama emi fa te, ala fepa-li'u ami ma ala kokolak lakamamaek ami neme Filipi so. Hataholi makadotok ala laban ami. Leomae leondiak boeo, Manetualain fe basa ami mapalanik, soaneu ami manduku-malosak halak neme Hala Malole a la'eneu Ndia, neu emi.

IBRANI 11:36

Hapu nggelok nananakamumulu-nakamamaek, nanafiluk, nanapa'ak ninik namosina, ma nanataok leo bui dale leu.

1 PETRUS 2:24

Kristus lu'a-lepa ita sala-singon neme ai nggangek lain, fo ela ita tatapo'i teme sala-singo ka koasa na mai, fo taso'da tunga Manetualain hihii-nanaun. Kristus hina nala, nde lakahahaik emi a.