HATAHOLI 16:20 - Susula Malalaok Hehelu Palak Ma Hehelu Beuk

²⁰ Lo Paulus no Silas leu lataa mana paleta Roma de ala kalaak duas lae, “Hataholi ia la hataholi Yahudi. Ala mai tao tasi'bu nai ita kota na.

HATAHOLI 16:20 ပူးပေါင်းရင်းမြစ်များ

YEREMIA 38:4

Boema asa mauli-malangan sila-la leu lo manek-ka de lafa'da lae, “Hataholi ia muse nanahuku nisak. Nana no hala-kokolan leondiak-ka de, ana taon-na basa soloda'duk-kala ma hataholi fe'ek fo ala bei leo nai kota ia aon-nala ma'a. Ana ta tulu-fa laun-nala fa te, ka'da ana tao nakatoto'a-nakatatak-kasa.”

MATEOS 2:3

Lelek fo Mane Herode sa namanene boema, ana nggenge nanseli. Leondiak boe, basa hataholi manai Yerusale mala lamanene halak ndia, boema ala nggenge beeno'u.

HATAHOLI 16:19

Lelek fo inak ndia malanga nala lame'da nana, sila fai loan fo ala hapu doi ka mopon boema, ala ho'u la Paulus no Silas de ala lele'a-lolosos leu lataa mana paleta la fo ala palisa kasa.

HATAHOLI 16:21

Boema hataholi ia la ladenu hataholi la fo ala tunga ha'da-tataok fo ta nandaa no ita hataholi Roma hoholo-lalanen fa. Hu ndia de ami ta sipok do tunga ha'da tataok sila fa!”

HATAHOLI 18:2

Ana losa ndia boema, natongo no hataholi Yahudi esa na'de Akwila, neme nusa Pontu sa mai. Akwila no saon Priskila besa ka leme Italia mai. Ala leo Korintus leu nana, Kesel Klaudiu sa nadenu basa hataholi Yahudi la kalua leme nusa Roma mai. Boema Paulus neu donge-dama duas,

HATAHOLI 19:34

Tehu ala bubuluk ndia hataholi Yahudi tutika ala eki lapane'e no'u-no'u lae, “So'dak neu Artemis, fo hataholi Efesu sala nitu lalai na!”

HATAHOLI 28:22

Tehu ami hii bubuluk tolanoo ka namahehele na, nana ami basa-basa mala mamanene hataholi la lakamu-lakadau nanolik fo tolanoo ka namahelen ndia.”

ROMA 12:2

Boso tunga daebafak ia, ha'da-tataon. Neme na fo Manetualain tao na emi ha'da paliin da'di beuk, fo ela emi tukatei-saledale. No enok ndia, besa ka emi malelak matalolole Manetualain hihii-nanaun, fo nde, bee ka nde malole ma bee ka nde nandaa no dale na ma matetu-mandaa ka.

YAKOBIS 4:4

Emi nde bee na, hataholi ta mana lilinekak fa! Ade emi ta bubuluk fa te, metema emi tao tia-laik mo daebafak ia soona, emi da'di Manetualain musu noon fa do? Hu ndia de, metema see tao tia-laik noo daebafak ia soona, hataholi ndia tao ao ina na da'di, Manetualain musu noon.